தமிழில் பங்குச்சந்தை நிலவரம்

நீண்ட கால முதலீடு...

2011-12-11T20:00:00.002+08:00

இவ்வார பங்குச்சந்தை 04/10/2010

2010-10-03T19:00:00.001+08:00

எனது முந்தைய பதிவில் சந்தை 5500க்குமேல சந்தை நிலைக்கொள்ளும்போது புதிய உயரங்களை அடையும் என குறிப்பிட்டிருந்தேன். ஆனால் சில வேலைகள் காரணமாக எனது பதிவை 2 மாதகாலம் புதிப்பிக்க முடியாதிருந்ததால் இப்போது 2 மாத இடைவெளியில் நமது தேசிய சந்தை 6000க்கு மேல் சென்றுள்ளது முதலீட்டாளர்களுக்கு மிகவும் மசிழ்ச்சி அளிக்கக் கூடிய விஷயமாகும்.

சந்தையைப்பற்றி புதிது புதிதாகக் கூற எதுவும் இல்லாததுவும் பதிவை மேம்படுத்தாதற்க்கான காரணமாகும்.

என்னுடைய கணிப்புப்படி சந்தை டெக்னிக்கல் ரீதியாக மிகவும் ஆரோக்கிய நிலையிலேயே உள்ளது. இதே நிலையில் உலக சந்தைகளும் தொடரும்பட்சத்தில் நமது சந்தைகள் அவ்வப்போது புதிய உயரங்களை பெற்று நிலைக் கொள்ளும். புதிய முதலீட்டாளர்கள் நல்ல Index பங்குகளில் மட்டுமே முதலீடுகளை தொடரவும். சந்தை வேகமாக மேலேறும்போது நொண்டிக் குதிரைகளும் ஓடி வரும். சீக்கிரமாக பணம் சம்பாதித்துவிடலாம் என ஆசைப்பட்டு இவற்றின் பங்குகளை வாங்கிவிட்டால் பின்னர் வெளியே வரமுடியாத சூழ்நிலை ஏற்ப்பட்டுவிடும். ஜாக்கிரதை.

ஏற்கனவே பங்குகளில் முதலிட்டுள்ளவர்கள், சந்தையின் டெக்னிக்கல் ரீதியாக ஏற்படும் சரிவுகளை அவ்வப்போது பயன்படுத்திக் கொள்ளுங்கள். முதலீட்டைத்தாண்டியும் சிறிய அளவிலான பணம் எப்போதும் உங்கள் கையில் இருக்குமாறு பார்த்துக்கொள்ளுங்கள். அவ்வப்போது முதலீட்டுக்கான லாபத்தினையும் வெளியில் எடுத்துவிடுங்கள். கையில் உள்ள எல்லா பணத்தையும் பங்குகளில் மட்டுமே முதலிடுவதை தவிர்த்துக்கொள்ளுங்கள். எக்காரணம் கொண்டும் பங்குச்சந்தை உயருகிறதே என வட்டிக்கு கடன் வாங்கி பங்குகள் வாங்காதீர்கள்.

சந்தை இறங்கும்போது இருக்கும் கவனம், சந்தைகள் மேலேறும்போதும் அதிகளவில் இருக்க வேண்டும். கவனமாக உங்கள் முதலீடுகளை தொடருங்கள். பலரிடம் யோசனை கேளுங்கள், ஆனால் முதலீட்டுக்கான அல்லது பங்குகளை தேர்ந்தெடுக்கும் முடிவுகள் உங்களுடையதாக இருக்கட்டும்.

வாழ்த்துக்கள்.

இவ்வார பங்குச்சந்தை 02/08/2010

2010-08-01T15:00:00.001+08:00

பங்குச்சந்தை என்றால் ஏற்றமும், இறக்கமும் உள்ளதுமான ஒரு விஷயம் என்று நம் எல்லோருக்கும் தெரியும். பங்குகளின் விலை இறங்கும்போது வாங்கவும், விலை ஏறும்போது விற்கவும் செய்வோம். இப்போதைய நிலையில் பங்குச்சந்தையில் உள்ளவர்கள் எல்லோரும் உண்மையான முதலீட்டாளர்கள் மட்டும்தான். எல்லோரும் வாங்குகிறார்களே என நாமும் போய் பங்குச்சந்தையில் முதலிடுவோமே என்ற ஆசையில் வந்த விபரம் தெரியாதவர்கள் எல்லாம் சந்தை சரிந்தபோது கையில் இருக்கும் பங்குகளை விற்றுவிட்டு கிடைத்தவரை போதும் என அவர்களின் ஆசைக்கு சமாதிக்கட்டிவிட்டு அடுத்த வேலையை பார்க்கப் போயிருப்பார்கள்.

உண்மையான முதலீட்டாளர்கள் யார்? சந்தை சரியும்போதும் நிலை குலையாமல், பங்குச்சந்தையின் வழக்கமான ஒரு விஷயம்தான் இது என விலை குறையும் பங்குகளை கண்காணித்துக் கொண்டே சரியான விலையில் கிடைக்கும் பங்குகளை வாங்கிக் கொள்பவர்கள். இப்படிப்பட்ட முதலீட்டாளர்களுக்கும் கடந்த ஒரு மாதம் சோதனையான மாதமாக பங்குச்சந்தை இருந்து வருகிறது. பங்குகளின் ஏற்றமும், இறக்கமும் நிலை மாறி Flat என்ற நிலையில் சந்தைகள் இருக்கும்போது முதலீட்டாளர்களுக்கு குறிப்பாக தின வர்த்தகர்களுக்கும் ஒரு போரான விஷயமாக இருந்து வருகிறது. இந்த நிலை எப்போது மாறும் என்பதே அனைவரின் எதிர்பார்ப்பும், ஆசையாகவும் இருந்து வருகிறது.

நமது தேசிய சந்தையில் 5300 - 5400 ஒரு வலுவான Resistence மற்றும் Support Levelஆக இருந்து வருகிறது. சந்தை டெக்னிக்கல்ரீதியாக உயர்வை நோக்கியே வலுபெற்று வருகிறது ஆதலால் உலக சந்தைகளும் உயர்ந்து நம் தேசிய சந்தையும் 5400 - 5500ஐ கடக்குமெனில் மிக வலுவான உயர்வை நோக்கி நகரும் என நினைக்கிறேன்.

பார்ப்போமே இந்த வார நம் சந்தைகள் என்ன செய்கிறதென...
.

இவ்வார பங்குச்சந்தை 25/07/2010

2010-07-25T15:00:00.001+08:00

உற்சாகமான உலக பங்குச்சந்தைகளும், நமது சில நிறுவனங்களின் சிறந்த காலாண்டு அறிக்கைகளும் நமது தேசிய, மும்பை பங்குச்சந்தைகளை 30 மாதத்திற்கு முந்தைய புள்ளிகளை பெற்றதோடு மட்டுமல்லாமல் அதில் நிலை கொள்ளவும் செய்தது.

சந்தைகள் தனது புதிய உயரங்களை ஒவ்வொரு வாரமும் அடைந்து வருகிறது என்றாலும், அவ்வப்போது லாபமீட்டிய பங்குகளை விற்றுவிட தயங்காதீர்கள். பின்னர் சந்தை சரியும்போது வாங்கிக் கொள்ளலாம். இன்னும் மேலேறும் மேலேறும் என நல்ல லாபம்தந்த பங்குகளை வைத்திருக்காதீர்கள். உங்கள் லாபங்களை உறுதி செய்துக் கொண்டு மற்றவர்கள் லாபமீட்டவும் வாய்ப்பு தந்திடுங்கள்.

பங்குகளில் முதலிடுவதோடு மிக நல்ல மியூச்சுவல் ஃபண்டுகளும் நல்ல விலையில் கிடைக்கின்றது, அவற்றிலும் உங்கள் முதலீட்டை மாற்றிக்கொள்ளுங்கள். நீண்டகால முதலீடாகவும், ஒரு வருமானம் தரும் முதலீட்டிற்காகவும் மியூச்சுவல் ஃபண்டில் தவறாமல் முதலிடுங்கள்.

சந்தை உயருகிறதே என உங்கள் கையில் உள்ள முதலீட்டை எல்லாம் உடனே சந்தையில் போட வேண்டாம், சந்தை மீண்டும் திரும்பவரும்போது முதலிடலாம். அதுவரை சந்தையை இப்போது லாபம் உறுதி செய்யமட்டுமே பயன்படுத்தவும்.

--------------------------------

அன்பு நண்பர்களே,

துறை சார்ந்த பதிவு ஒன்றையே எழுதி வந்த நான் எல்லா விஷயங்களையும் உங்களோடு பகிர்ந்துக் கொள்ளும் ஆசையோடு நவீன உலகம் என்ற புதிய வலைப்பூ ஒன்று துவங்கியுள்ளேன். இந்த தமிழில் பங்குச்சந்தை நிலவரம் என்ற வலைப்பூவிற்கு தாங்கள் கொடுத்த ஆர்வமும், ஊக்கத்தையும் எனது புதிய வலைப்பூவிற்கும் கொடுப்பீர்கள் என்று நம்புகிறேன்.

ஒருமுறை நவீன உலகம் வந்துப் பாருங்கள். பின்னர் உங்களுக்கு நேரம் கிடைக்கும்போதல்லாம் வந்துப்பாருங்கள் - உங்கள் கருத்துக்களை பரிமாறிக்கொள்ளுங்கள்.

நவீன உலகம் - நகைச்சுவையோடு கொஞ்சம் சிந்தனையும் நவீனத்துவமும்...

என்றும் அன்புடன்,
ஜாஃபர்.

2010-07-18T13:00:00.001+08:00

நம் சந்தைகள் போன வாரம் உயர்வில் முடிவடைந்திருந்தாலும், தேசிய சந்தையின் 5410 என்ற வலுவான தடைநிலை உடைபடாமல் சந்தை மீண்டும் பின்வாங்கியுள்ளது. ஆனாலும் சந்தைகள் இரண்டரை வ்ருட உயர்வை தொட்டிருப்பது முதலீட்டாளர்களுக்கு ஆர்வத்தையும், உற்சாகத்தையும் ஏற்படுத்தியுள்ளது.

எனது முந்தைய பதிவில் சொன்னபடி உலக சந்தைகள் உயர்வை தொடர்ந்திருந்தால் நம் சந்தைகள் எளிதாக அடுத்த இலக்கான 5500ஐ அடைந்திருக்கும். ஆனால் 5410 வலுவான தடைநிலையாக இருப்பதாலும், வெள்ளியன்று முடிவடைந்த ஐரோப்பிய, அமெரிக்க சந்தைகளும் சரிவில் முடிவடைந்திருப்பதால் நம் சந்தைகளும் சிறிது பின்னடைந்து முன்னேறும் என நினைக்கிறேன்.

Reliance Power பங்குகளில் அவ்வப்போது கண் வைத்திருங்கள். விலை குறையும்போது சிறிது, சிறிதாக வாங்கலாம்.

2010-07-11T12:30:00.002+08:00

மன்னிக்கவும். விடுமுறை காரணமாக இந்தியா சென்று வந்ததிலிருந்து அதிக வேலை பளு காரணமாக இந்த வலைப்பூவை பதிவெழுத/மேம்படுத்த முடியவில்லை. இந்த வலைப்பூ மேம்படுத்தப்படவில்லையெனினும், தொடர்ந்து இப்பதிவை பார்வையிட்டு வந்த, புரிந்துணர்வு கொண்ட அன்பு நண்பர்களுக்கு நன்றியினை தெரிவித்துக் கொள்கிறேன். முக்கியமாக Dr. Rashmika, Ponneri, திரு. அரவிந்த், திரு. ரவிசங்கர், திரு. கிருஷணமூர்த்தி, திருமதி. உமாசங்கர், திரு. பெருமாள், திரு. கதிரேசன் மற்றும் விடுபட்ட அனைவர்களுக்கும் எனது நன்றியினை தெரிவித்துக் கொள்கிறேன். இனி பதிவுகள் தொடரும், வாருங்கள் சேர்ந்தே நாம் பங்குச் சந்தையில் பயணிப்போம்.

என்றும் அன்புடன்,
ஜாஃபர்.

-----------------------------------------

சர்வதேச சந்தைகளின் உற்சாக உயர்வு காரணமாக நம் சந்தைகளும் உயர்வை பெற்று வந்தது என்றாலும், உலக சந்தைகள் சரிந்தபோதும் நம் சந்தைகள் ஓரளவு உயரத்தை தக்க வைத்துக் கொண்டிருந்ததை கவனித்திருக்கலாம்.

நம் சந்தைகள் டெக்னிக்கல் ரீதியாகவும் வலுவான நிலையிலேயே இருந்து வருகிறது. சந்தையில் அவ்வப்போது ஏற்படும் ஒவ்வொரு சரிவுகளும், முதலீட்டாளர்களுக்கு ஒரு வாய்ப்பாகவே இருந்து வருகிறது. இவ்வருட ஆரம்பத்திலிருந்தே நம் சந்தை குறுகிய கால முதலீட்டாளர்களுக்கு நல்ல வாய்ப்பாகவே இருந்து வருகிறது.

சந்தையின் ஒவ்வொரு ஏற்றத்திலும் லாபங்களை உறுதி செய்யத்தவறாதீர்கள். அதேபோல ஒவ்வொரு சரிவிலும் வாங்கவும் தவறாதீர்கள். புதிய முதலீட்டாளர்கள் நீண்டகால முதலீடாக நல்ல பங்குகளை மட்டுமே வாங்கி வாருங்கள்.

முதலீட்டாளர்கள் TATA STEEL பங்குகளை கவனித்து வரவும். முதலீட்டுக்கு ஏற்ற பங்குகள் என்பது என் கணிப்பு. திறமையான நிர்வாகம், எப்போதும் எல்லோருக்கும் தேவைப்படும் பொருட்களை உற்பத்தி செய்தல், முதலீட்டாளர்களுக்கு லாபமீட்டி தருதல் போன்ற அடிப்படை கட்டமைப்புகளை உடைய சிறந்த நிறுவனம். உங்கள் போர்ஃபோலியாவில் இல்லையென்றால் சேர்த்துக் கொள்ளுங்கள், இருந்தால் குறையும்போது வாங்கிக் கொள்ளுங்கள்.

இனி வரும் வார சந்தையைப் பார்ப்போமா...

உலக சந்தைகளின் உயர்வுகள் தொடரும்பட்சத்தில் நம் சந்தைகளும் உயர்வை தொடரும் என்பதில் சந்தேகம் இல்லை. சந்தையில் காலாண்டு முடிவுகள் வரத்துவங்கியுள்ளன. இது நல்ல முடிவுள்ள கம்பெனிகளின் பங்குகளை இந்த நேரத்தில் வாங்க சரியான தருணமாகும். சந்தைகளின் சிறு சரிவுகளைக் கண்டு முதலீட்டாளார்கள் மனந்தளர வேண்டாம். சந்தை மேல்நோக்கிய பயணத்தையே தொடர்ந்து வருகிறது. சந்தை உயர்வை தொடர்ந்தால், இந்த வாரத்தில் சிறு Profit Booking ஏற்பட்டாலும் நம் தேசிய சந்தை 5500க்கு மேல் நிலை கொள்ளுமா?

பார்ப்போமே இந்த வாரத்தில் சந்தை எப்படி பயணிக்கின்றது என...

HAPPY NEW YEAR 2010

2010-01-01T00:00:00.001+08:00

உலகமெல்லாம் வியாபித்து இருக்கும் என் வலைப்பூ நண்பர்கள் அனைவருக்கும், என் இதயம் நிறைந்த இனிய புத்தாண்டு நல்வாழ்த்துக்கள்.

கை தவறிய நம் நியாயமான ஆசைகள் எல்லாம் இந்த இனிய வருடத்தில் கைகூடட்டும்.

என்றும் அன்புடன்,
ஜாஃபர்.

2009-12-14T00:15:00.001+08:00

போனவார நம் சந்தைகள் வர்த்தகர்களுக்கும், முதலீட்டாளார்களுக்கும் ஒரு ஆர்வம் இல்லாத வாரமாகவே இருந்தது எனலாம். சர்வதேச சந்தைகள் எல்லாம் உயர்ந்தபோதும் நம் சந்தைகள் ஒரு ஆர்வம் இல்லாமலே நகர்ந்தது.

போனவார நம் சந்தைகள் தற்போதைய Resistence Level 5182ஐ தொட்டு திரும்பியதும், தனது தற்போதைய Support Levelஆன 5051ஐ மீண்டும் உறுதி செய்து இருப்பதும், நம் தேசிய சந்தை ஏதேனும் ஒரு பக்கம் நகர முயற்சிக்கிறது என நினைக்கிறேன்.

சர்வதேச சந்தைகளை பின்பற்றாமல் நம் சந்தைகள் தனி ஆவர்த்தனம் வாசிக்கும் நிலை இருக்கும்போது சந்தையின் போக்கை கணிப்பது கடினம். சந்தைகள் Operator கைகளில் சிக்கியிருப்பதுபோன்ற தோற்றத்தை ஏற்படுத்திவிடும். தற்போதைய நிலையில் தின முதலீட்டாளர்களோ அல்லது குறுகிய கால முதலீட்டாளர்களோ பங்குகளை தேர்ந்தெடுக்கும்போது மிகவும் கவனம் தேவை.

பார்ப்போம் இந்த வாரம் நம் சந்தைகள் என்ன செய்கிறது என்று...

2009-12-07T00:15:00.001+08:00

சர்வதேச சந்தைகள் ஏற்றம் பெற்ற அளவிற்கு நம் சந்தைகள் ஏற்றம் பெறவில்லை என்பதே உண்மை. காரணம் என்ன? நமது நாட்டில் தொழில்துறை வளர்ச்சியும், அரசியல் சூழ்நிலைகளும் சாதகமாக இருந்தாலும், நமது சந்தைகளின் பெருமளவு முதலீடு வெளிநாட்டு முதலீடுகளே ஆகும். இந்திய வளர்ச்சியில் சர்வதேச அளவில் நம்மேல் ஒரு கண் இருந்தாலும், அதிக அளவிலான வெளிநாட்டு முதலீடுகள் இன்னும் வரவில்லை என்பதுதான் உண்மை.

நமது முதலீட்டாளர்களும் இப்போது முன்னர்போல இல்லை. அவர்களிடையே உள்ள விழிப்புணர்ச்சி, டெக்னிக்கல் அனலிஸ்டுகள் என்று சொல்லப்படுவர்களைவிட சிறந்த முறையில் சப்போர்ட் லெவல், ரெஸிஸ்டன்ஸ் லெவல், ஸ்டாப்லாஸ் போன்றவற்றை கவனித்தே முதலிடுகிறார்கள். ஆரோக்யமான இந்த விஷயம் அவர்களை நஷ்டப்படுத்துவதையும், சந்தையின் படிப்படியான உயரத்தையும் சாத்தியமாக்குகிறது. சந்தை உடனடியாக உயரவில்லையே தவிர ஆரோக்கியமான நிலையில் படிப்படியான உயரத்தை அடைந்து வருகிறது என்பது யாராலும் மறுக்க முடியாத உண்மை.

நமது தேசிய சந்தையில் தற்போது 4800 - 5100 சிறந்த Support Level ஆகவும் 5200 வலுவான Resistence Levelஆகவும் இருந்து வருகிறது. துபாய் பொருளாதார சிக்கல்களினால் சிறிது பின் தங்கிய உலக சந்தைகளோடு நம் சந்தைகள், அந்நாட்டின் பொருளாதார சிக்கல் வேறு எந்த நாட்டையும் நேரடியாக பாதிக்காது என்பதாலும், அந்நாட்டின் ஏற்பட்டுள்ள இந்த சிக்கல் ஏற்கனவே அனைத்து பொருளாதார நிபுணர்களாலும் எச்சரிக்கப்பட்ட ஒன்று என்பதாலும் சந்தைகள் மீண்டும் தன் பயணத்தை தொடர ஆரம்பித்துள்ளது.

என்னுடைய முந்தைய பதிவுகளில் பலமுறை சொன்னதுபோல சந்தைகள் டெக்னிக்கல் ரீதியான வலுவை பெற்று முன்னேறி வருகிறது. அவ்வப்போது ஏற்படும் சிறிய சரிவுகளை வாங்குவதற்கு ஏற்பட்ட ஒரு வாய்ப்பாகவே கருதவேண்டும்.

------------------------------------------------
திரு அரவிந்த் அவர்கள் - உங்கள் வருகைக்கு நன்றி. ரான்பாக்ஸி பங்குகள் அதிகளவில் பங்கு முதலீட்டாளார்களுக்கு லாபமீட்டிக் கொடுத்த ஒரு பங்கு ஆகும். இவற்றை நீங்கள் ஏற்கனவே குறைந்த விலையில் வாங்கி இருந்தால், உங்கள் லாபத்தை உறுதி செய்து கொள்ளுங்கள். இப்போது்தான் வாங்கி இருந்தால், நீண்ட கால முதலீடாக வளர விடுங்கள்.
-----------------------------------------------

2009-11-16T00:15:00.000+08:00

சர்வதேச சந்தைகளின் ஏற்றத்தினால் நம் சந்தைகளும் போனவாரம் முழுவதும் உயர்வை சந்தோஷமாக பெற்று வந்தது. ஆயினும் நம் தேசிய சந்தை 5015 என்ற வலுவான தடைநிலையை கடக்க முடியாமல் சரிந்து பின்னர் உயர்வில் நிலைப் பெற்றுள்ளது.

என்னுடைய கணிப்புப்படி சந்தை 4900க்குமேல் நிலைக் கொண்டுள்ளதால், சர்வதேச சந்தைகள் உதவிடும்பட்சத்தில் நமது சந்தைகள் மேல் நோக்கிய பயணத்தை தொடர்ந்து தன் புதிய உயரத்தை அடையும் என நினைக்கிறேன். ஆனால் சர்வதேச சந்தைகள் தொடர் உயர்வுகள் பெற்றுள்ளதால் சிறிது சரிந்து பின் உயரும் என நினைக்கிறேன். இதன் பாதிப்பு நம் சந்தைகளிலும் காணப்படலாம். பார்ப்போம் இந்த வார நம் சந்தைகள் எப்படி ஆடுகிறது என...

2009-11-09T00:15:00.001+08:00

போனவார தேசிய சந்தை எனது முந்தைய பதிவில் குறிப்பிட்டப்படி 4600க்கு கீழ் வலுவான Support Level மூலம் மீள ஆரம்பித்துள்ளது. ஆயினும் தேசிய சந்தை 4900க்கு மேல் நிலைபெறும்போதுதான் மீண்டும் தனது மேல் நோக்கிய பயணத்தை ஆரம்பம் செய்து தனது புதிய உயரமான 5500ல் நிலைக் கொள்ளும் என நினைக்கிறேன். அதுவரை சந்தை சிறிதுகாலம் மேலும் கீழுமான ஆட்டம் விளையாடலாம்.

சந்தைகள் டெக்னிக்கல்ரீதியாக வலுவான நிலையில்தான் இருந்து வருகிறது. ஆகவே அவ்வப்போது சிறிய Correction பெற்று உயர்வை தொடரும் என நினைக்கிறேன். முதலீட்டாளர்கள் Selling Pressure இருப்பதாக நினைத்து பயப்பட வேண்டாம். Profit Booking தான் இருந்து வருகிறது, இது ஒரு ஆரோக்கியமான விஷயம்தான். ஆயினும் ஜாக்கிரதை உணர்வோடு உங்கள் முதலீட்டுப்பயணத்தை தொடருங்கள்.

நன்றி!

2009-11-03T11:00:00.001+08:00

சந்தைகள் மிக நீண்ட நாட்களாக புதிய உயரத்தை அடைந்து வந்தது. அவற்றின் வேகத்தைக் கட்டுப்படுத்தும்விதமாக ஒரு மிகப்பெரிய Correction சந்தைகளை 10%க்கும் மேல் சரியவைத்துள்ளது. நமது தேசிய சந்தைகள் 5200வரை உயர்வை அடைந்ததால் அதன் சரிவு (Correction) 4600 வரை இருக்கலாம் என்பது என் எதிர்பார்ப்பு. 4600 - 4700ல் வலுவான சப்போர்ட் நிலை இருப்பதால் அதுவரை சரிந்து பின் சர்வதேச சந்தைகளின் போக்கிற்கு ஏற்ப மீண்டும் தன் பயணத்தை தொடரும் என எதிர்பார்க்கிறேன்.

சந்தைகளின் சரிவை கண்டு பயப்படாமல் ஏற்கனவே வாங்குவதற்கு தவற விட்டவர்கள் இந்த வாய்ப்பை பயன்படுத்தி வாங்கிக் கொள்ளவும்.
.

2009-10-26T00:30:00.001+08:00

போனவார நம் சந்தைகள் புதிய உயரத்தை அடைந்தாலும், சர்வதேச சந்தைகளின் சறுக்கலால் நம் சந்தைகளும் தாம் பெற்ற புதிய உயரத்தை தக்கவைத்துக் கொள்ள முடியவில்லை. இந்த வாரம் F&O வர்த்தகத்தின் இறுதி வாரம் என்பதால் சந்தைகளில் டெக்னிக்கலாகவோ அல்லது யதார்தத்தைக் கொண்டோ இந்த வாரத்தை கணிக்க இயலாது என நினைக்கிறேன்.

சந்தைகளைப் பொருத்தவரை Profit Booking இருப்பதால் சந்தை சிறிது சரிந்து, பின் உயரும் என நினைக்கிறேன். நம் நாட்டின் அரசியல் சூழல் சாதகமாக இருந்தாலும், சர்வதேச சந்தைகளின் பாதிப்பு நம் சந்தைகளையும் பாதிக்கும். ஆகவே எச்சரிக்கையுடன் உங்கள் முதலீட்டு பயணத்தை தொடருங்கள்.

வாழ்த்துக்கள்.

2009-10-12T00:01:00.000+08:00

வலுவான சர்வதேச சந்தைகள், பெரிய நிறுவனங்களின் சிறந்த காலாண்டு அறிக்கைகள் என போனவாரம் இருந்தாலும், நமது சந்தைகள் புதிய உயரங்களை பலமுறை அடைந்தும் அதற்கான ஒட்டுமொத்த Correctionஐ இந்த வாரம் பெற்றுக்கொண்டதுபோல தெரிகிறது.

சந்தைகள் தேவையான Correctionஐ அடைந்து பின் உயரவே ஆரம்பிக்கும் என டெக்னிக்கல் மற்றும் இதர காரணிகளும் தெரிவிக்கின்றது. பார்ப்போம் இந்த வாரம் நம் எதிர்பார்ப்புகளை எவ்வாறு நிறைவேற்றப்போகின்றது என...

2009-10-05T00:30:00.001+08:00

சந்தைகள் உயர்வில் முடிந்திருப்பது சந்தோஷத்தை தந்தாலும், சந்தைகள் Correctionஐ நோக்கி எதிர்பார்த்து நகர்வதுபோல தெரிகிறது. அப்படி ஏதேனும் சிறிய சரிவுகள் தெரிந்தால், அதனை சாதகமாகக் கொண்டு வாங்குவதற்கு முயற்சி செய்யவும்.

அதேபோல சந்தையின் உயர்வில், உங்கள் பங்குகளுக்கு நியாயமான விலை கிடைத்தாலும் விற்று வெளியேறுங்கள். அதிக ஆசைப்படுவதும் ஆபத்துதான். சந்தை தற்போது அனைத்துவிதமான முதலீட்டிற்கும் சாதகமாக தெரிந்தாலும், நீண்டகால முதலீட்டின் பேரில் செய்யப்படும் பங்குகள் என்றுமே நஷ்டத்தை தந்தததில்லை. ஆயினும் கவனமாக உங்கள் முதலீட்டை தொடருங்கள்.

வாழ்த்துக்கள்!

2009-09-25T00:15:00.001+08:00

அன்புடையீர்,

சமீப காலமாக பங்குச்சந்தை உயர்ந்து வருவதை அனைவரும் அறிந்திருப்பீர்கள். இம்மாதிரியான நேரங்களில் பங்குச்சந்தையைப்பற்றிய அடிப்படை தெரியாதவர்கள்கூட பங்குச்சந்தையின் எழுச்சி காரணமாக அதில் முதலிட விரும்புவார்கள். ஒவ்வொரு முறையும் இம்மாதிரியான எழுச்சிமிக்க நேரத்தில் சந்தையின் ஆர்வத்தில் சிலர் நேரடியான முதலீட்டை மேற்க்கொள்ளாமல் சில இடைத்தரகர்கள் அல்லது அவர்களின் நிறுவனங்களின் மூலம் முதலீட்டை மேற்கொள்கிறார்கள். இவர்களுடைய ஆர்வத்தைப் பயன்படுத்தி சில நபர்கள் இவர்களிடம் பணத்தை வாங்கிக்கொண்டு, விரைவில் பணத்தை பன்மடங்காக பெருக்கித்தருவதாகவோ அல்லது மாதா மாதம் ஒரு பெரிய தொகையை வட்டிபோல தருவதாகவோ கூறிவிட்டு, அவர்களிடமிருந்து பெற்ற தொகையை பங்குகளில் முதலிடுவதை விடுத்து, தினவர்த்தகத்தின் மூலம் முறைகேடுகளாக பயன்படுத்தி பணத்தை தொலைக்கும் சம்பவம் நாள்தோறும் செய்திதாள்களில் வந்தவண்ணமே இருக்கிறது. சமீப இரண்டொரு நாட்களில் இதுபோன்ற சம்பவங்கள் சென்னையிலும், கோவையிலும் நடந்திருப்பது, படித்த, அனைத்து வசதிகளும், தொழில்நுட்பமும் உள்ள மேல்தட்டு மக்களே ஏமாந்திருப்பது, எவ்வித வசதி வாய்ப்பும் இல்லாத கிராமத்து மக்களை நினைக்கும்போது அதிர்ச்சியளிக்கின்றது.

பங்குச்சந்தையில் முதலிடுவது என்பது ஒரு மாயாஜால வித்தையல்ல. மற்ற முதலீடுகள்போல இதுவும் ஒரு எளிதான விஷயம்தான். இந்தியப்பங்குச்சந்தையில் இந்தியராக பிறந்த யார்வேண்டுமானாலும், எப்போது வேண்டுமானாலும, எவ்வளவு வேண்டுமானாலும் முதலீடு செய்யும் வகையில் எளிமைப்படுத்தப்பட்டுள்ளது. முதலீட்டாளர்களின் நலன்களை கருத்தில்கொண்டே சில விதிமுறைகள் கடுமைப்படுத்தப்பட்டுள்ளது.

பங்குச்சந்தைகளில் ஈடுபட இடைத்தரகர்கள் எதற்கு? நீங்களே மிக எளிதாக பான்கார்டு விண்ணப்பிக்கலாம். எளிதான முறையில் டீமேட், வங்கி மற்றும் டிரேடிங் கணக்குகளை ஆரம்பிக்கலாமே. இவற்றிற்கு சம்பந்தப்பட்ட நிறுவனங்களில் வேலைப்பார்ப்பவர்களே உங்களுக்கு உதவுவார்களே! இப்படி இருக்கும்போது இடைத்தரகர்களை ஏன் நாடுகிறார்கள் என்பதைதான் என்னால் புரிந்துக் கொள்ள முடியவில்லை.

தகவல் தொடர்புகள் அதிகமில்லாத காலத்தில் ஏமாந்தார்கள் என்றால் சரி, இப்போதும் இந்நிலையே தொடர வேண்டுமா? ஏமாறுபவர்கள் இருக்கும்வரை ஏமாற்றுவர்கள் இருக்கத்தானே செய்வார்கள்.

தமிழில் பங்குச்சந்தையைப்பற்றி விழிப்புணர்ச்சி ஏற்ப்பட பல வலைப்பூக்களை மிக சிறப்பாக செய்து வருகிறார்கள். இவர்கள் தொலைபேசி மூலமாகவும், ஈமெயில் மூலமாகவும், சாட் செய்வதன் மூலமாகவும் முதலீட்டாளர்களுக்கு ஏற்படும் சந்தேகங்களை எல்லாம் அவர்கள் அனுபவங்களில் மூலம் நிவர்த்தி செய்கிறார்கள். இன்னும் சிலர்கள் சிறிய அளவிலான கட்டண சேவையின் மூலம் மிகச்சிறந்த சேவை வழங்கி வருகிறார்கள். இவ்வாறு உதவி செய்வதற்கு ஆளாளுக்கு போட்டிபோட்டுக் கொண்டு உதவும் நிலையில் இடைத்தரகர்களின் நிறுவங்கள் மூலம் ஏமாறவேண்டாமே!

பங்குச்சந்தையில் முதலிட வேண்டும் உங்கள் ஆர்வத்தை வரவேற்கிறோம். ஆனால் பங்குச்சந்தையில் ஈடுபடுமுன் அதன் அடிப்படை, சாதக பாதகங்கள், ஆபத்து ஆகிய விஷயங்களை கவனத்தில் கொண்டே நேரடியான முதலீட்டில் ஈடுபட வேண்டும். உங்களிடம் உள்ள உபரி பணத்தை மட்டுமே பங்குச்சந்தையில் முதலிட வேண்டும். எக்காலத்திலும் கடன் வாங்கி பங்குச்சந்தையில் ஈடுபடாதீர்கள். நீங்கள் பங்குச்சந்தையில் முதன்முதலில் ஈடுபடும்போதும்போது மியூச்சுவல் பண்டுகளில் உங்கள் முதலீட்டை துவக்குங்கள்.

வாழ்த்துக்கள்.

என்றும் அன்படன்,
ஜாஃபர்.

2009-09-21T22:00:00.001+08:00

கடந்த வெள்ளியன்று நம் சந்தைகள் உயரத்தை தக்க வைத்துக் கொண்டிருந்தாலும், சர்வதேச சந்தைகளில் சிறிதளவு சுணக்கம் காணப்படுகிறது. இதனை சிறிய அளவில் அவ்வப்போது ஏற்படும் Correction எனக்கூட சொல்லலாம். இவற்றின் பிரதிபலிப்பு நம் சந்தையில் காணப்படும் என்றாலும், சர்வதேச சந்தைகள் சாதகமாக திரும்பினால் நம் சந்தைகளும் உயரப்பாதையில் திரும்பும் என நான் நினைக்கிறேன்.

சந்தைகளைப் பொருத்தவரை சாதகமான நிலைகளே தென்படுவதால் மேலும் உயரவே வாய்ப்பு இருப்பதாக நான் நினைக்கிறேன். அவ்வப்போது நல்ல அடிப்படை வலுவான பங்குகளை நீண்டகால நோக்கத்தில் வாங்குவது சிறந்தது என நினைக்கிறேன்.

திங்களன்று சந்தையின் விடுமுறை என்பதால் செவ்வாயன்று ஆரம்பிக்கும் ஆசிய சந்தைகளின் ஏற்ற தாழ்வுகளே நமது சந்தையும் பிரதிபலிக்கும் என நினைக்கிறேன்.

2009-09-14T01:30:00.000+08:00

சந்தைகள் தற்போது மிக நீண்ட நாட்களுக்குப் பின்னர் தம் பழைய நிலைகளை மீண்டும் அடைந்து, அவ்வப்போது புதிய நிலைகளை தக்க வைத்துக் கொண்டுள்ளது. சந்தைகள் உற்சாகத் துள்ளல்களுடன் நகர்ந்தாலும், முதலீட்டாளர்கள் மிகவும் கவனமாக காலெடுத்து வைப்பதைதான் அவ்வப்போது சந்தையின் பக்கவாட்டு நகர்வுகள் நமக்கு உணர்த்துகிறது.

நமது பதிவில் பல முறை நான் குறிப்பிட்டப்படி சந்தை ஆரோக்கியமான நிலையை நோக்கி நகர்வதாகவே டெக்னிக்கல் தெரிவிக்கின்றது. ஆனாலும் சில நேரங்கள் தோன்றும் Reversal என்ற அமைப்பு, சந்தையின் வேகத்தை மட்டுப்படுத்தி, பக்கவாட்டு நகர்வுகளை கொண்டு அதிகளவில் Short Coveringல் ஈடுபடுபவர்களை நஷ்டப்படுத்தாமல் இருப்பது என்னைப்பொருத்தவரை ஒரு ஆரோக்கிய நிலையாகவே கருதுகிறேன்.

பல பங்குகள் தமது பழைய விலைக்கு திரும்பி இருக்கின்றது. சில பங்குகள் வாங்கிய விலையைவிட அதிகமாக சிலருக்கு இருந்து வரலாம். சந்தை ஒவ்வோர் புதிய உயரத்தை அடையும்போதும் அவ்வப்போது Correctionஐ கொண்டு சிறிது சரிந்து, பின் உயர்வை நோக்கியே நகரும் என நான் எதிர்ப்பார்க்கிறேன்.

வேலைப்பளு காரணமாகவே எனது பதிவை தொடர்ந்து பதிவேற்ற முடியவில்லை. இது Hari Raya Time, எங்களுக்கு இதுதான் மிகப்பெரிய சீசன் Sales. இதை நல்லவிதத்தில் முடித்துக் கொடுத்தவுடன்தான் ஊரைப்பார்க்க கிளம்ப முடியும். ஓகேயா?
.

2009-08-31T01:00:00.001+08:00

கடந்த வார நம் சந்தைகள், சர்வதேச சந்தைகளும் உயர்ந்த காரணங்களினால் நம் தேசிய சந்தை தனது புதிய உயரமான 4700க்கு மேல் உயர்ந்துள்ளது. நமது தேசிய சந்தை தன் வலுவான சப்போர்ட் லெவலாக 4400ஐ கொண்டுள்ளது.

டெக்னிக்கல் ரீதியாக சந்தைகள் உயரவே வாய்ப்பு உள்ளதாக நினைக்கிறேன். தற்போது உள்ள நிலையில் உலக ரீதியாகவும் தோதுவான நிலையே காணப்படுகிறது. இது ஆரோக்கியமானதாக தொடர்ந்தால், நமது தேசிய சந்தை தனது புதிய உயரமாக 4900க்கு மேல் நிலைக் கொள்ளும் என நினைக்கிறேன். பார்ப்போம், இந்த வாரம் என்ன செய்கின்றது என்று...

இவ்வார தேசிய சந்தையின் டெக்னிக்கல் நிலைகள்,

4391 - 4464 - 4598 - 4671 - 4805 - 4878 - 5012
.

2009-08-17T00:15:00.001+08:00

நமது தேசிய சந்தை போன வாரம் மீண்டும் 4500 - 4600 தடைநிலையை சந்தித்து சரிந்து மீண்டும் உயரவே முயற்சிக்கின்றது. சர்வதேச சந்தைகளின் சுணக்கம், நமது நாட்டில் போதுமான பருவமழை ஆரம்பிக்காதது, பன்றிக்காய்ச்சல் பீதி சந்தைகளின் முதலீட்டாளர்களை போன வாரம் ரொம்பவே யோசிக்க வைத்துள்ளது.

ஆனாலும் சந்தைகளுக்கு உரமூட்டுவதுபோன்ற நமது நிதியமைச்சரின் வரி தொடர்பான செய்திகளும், அமெரிக்க அரசின் வங்கிகடன் மற்றும் டாலர் தொடர்பான கொள்கைகளும் போன வாரம் சந்தைகளில் சிறிது உயர்வை தந்தாலும், தற்போது சிறிது நாட்களாக வெளிநாட்டு முதலீட்டாளர்கள் சந்தைகளில் முதலீட்டை குறைத்துள்ளதே சந்தைகளின் அதிகளவு ஏற்ற தாழ்வுகளுக்கு காரணம்.

இந்த வாரம் சர்வதேச சந்தைகளின் போக்கே நம் சந்தைகளின் ஏற்ற தாழ்வுகளுக்கு வழி வகுக்கும் என்றாலும் நமது தேசிய சந்தை தனது வலுவான ஆதரவு நிலையாக 4300 - 4400ஐ பெற்றுள்ளது அது தனது வலுவான தடைநிலையான 4500 - 4600ஐ கடக்கும்பட்சத்தில் சந்தையின் உயர்வுகள் தொடரும் அதுவரை ஏற்ற இறக்கம் அல்லது ஃப்ளாட் என்ற நிலைகளே சந்தைகளில் காணப்படும் என்பது என் எதிர்பார்ப்பு.

இந்த வார தேசிய சந்தையின் டெக்னிக்கல் நிலைகள்,

4160 - 4259 - 4420 - 4519 - 4680 - 4779 - 4939

இன்ஃபுளூயென்ஸா A (H1N1) ஓர் விளக்கம்

2009-08-14T17:00:00.003+08:00

இன்று மிகவேகமாக பரவி உலகை உலுக்கிக் கொண்டிருக்கும் பன்றிக் காய்சல் (Swine flu) எனப்படும் இன்ப்ளூயென்ஸா H1N1 மிகவும் ஆபத்தை ஏற்படுத்தும் ஒரு வைரஸாக இன்று விஞ்ஞானிகளால் கண்டறியப்பட்டுள்ளது. உலகில் அதிகமான பன்றிப்பண்ணைகள் ஐரோப்பிய நாடுகளிலேயே காணப்படுகின்றன பன்றி இறைச்சி அதிகமாக ஐரோப்பிய நாடுகளில் உண்ணப்படுவதோடு உணவுக்காகவே இந்தப் பன்றிப் பண்ணைகள் நிறுவகிக்கப்பட்டு வருகின்றன. திடீரேன தோன்றி படுவேகத்தில் பரவும் இத்தகைய வைரசுகள் பன்றிகளில் இருந்து மனிதனுக்குப் பரவுவதால் பன்றிக் காய்ச்சல் எனப் பெயர் பெறுகிறது. பன்றிக்கு பிக் தவிர ஹாக்ஸ்இ ஸ்வைன் எனவும் பெயர்கள் உண்டு எனவே ஸ்வைன் ப்ளூ (Swine flu) என ஆங்கிலத்தில் கூறப்படுவதால் பன்றிக் காய்ச்சல் என தமிழில் கூறப்படுவதாகவும் வைத்துக் கொள்ளலாம்.

இந்த காய்ச்சலைப் பரப்பி வருவது Orthomyxoviridae என்ற ரகத்தைச் சேர்ந்த வைரஸாகும் (Swine fluenza virus- SIV) பன்றிகளுக்குள் புகுந்துவிட்டால் அதன் சுவாசப்பாதையில் பயணிப்பதனூடாக சுவாசத்தை மட்டுப்படுத்தி பன்றிகளை கொன்றுவிடும். இந்த வைரஸில் பல வகைகள் (Strains) விஞ்ஞானிகளால் இனம் காணப்பட்டுள்ளது.

இந்த வைரஸின் தன்மைகள் தற்போது கண்டரியப்பட்டுள்ளன ஆர்.என்.ஏ.(R.N.A) வை அடிப்படையாகக் கொண்ட இந்த வைரசுகளின் ப்ளஸ் பாயின்ட் அவை தங்கள் உருவை (Mutate) மாற்றிக்கொள்ளக் கூடியது. ஆகவே மனிதர்களுக்கு இந்த வைரஸ் பரவும்போது மனிதனின் உடலிலுள்ள தற்காப்பு முறையை (Immune System) இது வென்றுவிடுவதால் மனிதன் இதனால் பாதிக்கப்பட்டு இறந்துவிடும் அபாயமும் உண்டு.

அதுமட்டுமல்லாமல் அது மனிதனுக்குள் புகுந்துவிட்டால் மனித உடலில் பல்கிப்பெருகி மனித சூவாசத்தினூடாக மற்றவரையும் தொற்றிக்கொள்ளக் கூடியது இந்த வைரஸ் இதற்கு Influenza - H1N1 எனப் பெயரிட்டுள்ளனர்.

இந்த எஸ்.ஐ.வி.(SIV) வைரஸ் வகை இரண்டு பிரிவுகளாக காணப்படுகிறது இன்ப்ளூயென்ஸா சி (Influenzavirus C) அல்லது அதன் மற்றொரு உபபிரிவான இன்ப்ளூயென்ஸா ஏ (Influenzavirus A) என்பனவாகும் அவை.

இதுபோன்ற காய்ச்சல் (flu) வகை உலக சரித்திரத்தில் பலமுறை கண்டறியப்பட்டுள்ளது. 1957ம் ஆண்டு (Asian Flu) ஆசியக் காய்ச்சல் என்ற ஒன்று நாற்பதைந்து மில்லியன் அமெரிக்கர்களை பாதித்து அதில் எழுபதுனாயிரம் பேர்வரை இறந்து போனார்கள். அதன் பதினொரு வருங்களின் பின்னர் 1968 ஆண்டு தொடக்கம் 1969ம் ஆண்டு காலப்பகுதியில் ஹோங்கோங் காய்ச்சல் (HongKong flu) ஐம்பது மில்லியன் அமெரிக்கர்களை பாதித்து அதில் முற்பத்தி மூவாயிரம்பேர் இறந்தார்கள். 1976ம் ஆண்டு அமெரிக்க படைவீரர்கள் ஐநூறுபேர் பன்றிக் காய்ச்சலால் (swine flu) சில வாரங்கள் பீடிக்கப்பட்டார்கள் என்றாலும் சில மாதங்களின் பின்னால் இந்த நோய் மாயமாக மறைந்துவிட்டதாக ஆராய்ச்சியாளர்கள் கூறியதுடன் இந்நோய் மீண்டும் தொன்றுவதற்கு எந்த அறிகுறியையும் காணமுடியவில்லை என்று கூறியிருந்தனர்.

உலகம் முழுவதும் பல இலட்சம் மக்களை இந்தக் காய்ச்சல் தொற்றிக்கொள்ளும் அபாயமிருப்பதால் அனைவரும் விழிப்புடன் செயற்படுமாறு கேட்டுக் கொள்ளப்படுகின்றனர். அடிப்படை சுகாதார வசதிகள் குறைந்த நம் இந்திய நாட்டுமக்கள் மிகவும் கவனமாக இருக்க வேண்டும்.

இந்த வைரஸால் பாதிக்கப்பட்டவர்களுக்கு காய்ச்சல், தலைவலி, உடல்வலி, குளிர்காய்ச்சல், தொண்டைவலி, வயிற்றுப்போக்கு, வாந்தி போன்றவை ஏற்படும். கவனக்குறைவாக இருப்பவர்களுக்கு இது உயிராபத்தை ஏற்படுத்தவல்லது. சாதாரண காய்ச்சலையும் இவ்வகை காய்ச்சல் என நினைத்து பயப்படத்தேவையில்லை. ஆனாலும் அலட்சியமாகவும் இருக்க வேண்டாம்.

இவ்வகை வைரசுகளை கட்டுப்படுத்தக்கூடிய மருந்துகள் பல இருந்தபோதும் (தமிஃப்ளூ போன்றவை) இதை முன்கூட்டியே தடுக்கக்கூடிய தடுப்பு மருந்துகள் இதுவரை உலகில் கண்டுபிடிக்கப்படவில்லை. ஆயினும் தற்காப்பு நடவடிக்கைகள் மூலம் இதை தடுத்துக் கொள்ளலாம் நோய் காணப்படுகின்ற நாடுகளில் வாழ்பவர்கள் வாய்,மூக்கு பகுதிகளை மூடிக்கொள்ளுதல்,குப்பைகள் சேராமல் சூழலை சுத்தமாக வைத்திருத்தல்,நோயினால் பாதிக்கப்பட்டவர் இருமல் வரும் போது வாயில் துணியை வைத்து மறைத்துக் கொள்ளுதல்,நோயினால் பாதிக்கப்பட்ட பகுதிகளுக்கு சென்று வருவர்கள் தங்கள் வாய், கண்,மூக்குப் பகுதிகளை கையினால் தொடாதிருத்தல்,கைகளை சோப்பு இட்டு நன்றாகக் கழுவிக் கொள்ளுதல், கூட்டமாக சேராமல் இருத்தல் போன்ற தற்காப்பு நடவடிக்கைகளால் நோயிலிருந்து பாதுகாப்புப் பெறலாம். பள்ளி அல்லது கல்லூரியிலிருந்து வரும் குழந்தைகளை டெட்டால் சோப் போட்டு முகம், கை, கால்களை சுத்தமாக கழுவ சொல்லவும், அதன்பின்னரே சாப்பிடவோ, தண்ணீர் குடிக்கவோ சொல்லவும். சக நண்பர்கள் காய்ச்சல் அல்லது சளி பிடித்திருந்தால் அவர்கள் கைக்குட்டையை வைத்து விளையாட வேண்டாம் என அறிவுறுத்தவும்.

இந்நோய் பலருக்கு சாதாரண ஃப்ளூ மருந்துகள் மூலமாகவே நன்கு குணமடைந்து விட்டனர். ஆகவே வீணான வதந்திகளை மீடியாக்கள் பரப்புவதை விட்டுவிட்டு அக்கரை இல்லாத நம் அரசியல்வாதிகளும், அரசியல் கட்சிகளும் உண்மையில் ஆக வேண்டிய நடவடிக்கை எடுக்க வேண்டுகிறோம். இந்த வியாதியை வைத்தும் உங்கள் அரசியல் விளையாட்டை ஆரம்பிக்க வேண்டாம்.

உலகில் தற்போதுள்ள முன்னனி மருந்து தயாரிக்கும் நிறுவனங்கள் இந்த வைரசுக்கான தடுப்பூசியை தயாரிப்பதில் இரவு பகலாக முயற்சித்துக் கொண்டிருக்கின்றன. இவர்களின் முயற்சி வெற்றியடைய வாழ்த்துக்களை தெரிவிப்போம்.

2009-08-10T00:15:00.001+08:00

நமது தேசிய சந்தைகளை பொருத்தவரை முந்தைய வாரம் 4600 ஒரு வலுவான தடைநிலையாக இருந்து வந்தது. பின்னர் இந்த தடைநிலையை கடந்ததும் இப்போது 4700 வலுவான தடைநிலையாக இருந்து வருகிறது. சந்தை ஒவ்வொரு வலுவான தடைநிலையை கடக்கும்போதும் சந்தை பின் நகர்ந்து முன்னேறியே வருகிறது.

கடந்த வாரம் உலக சந்தைகளின் ஏற்ற இறக்கத்திற்கேற்ப நம் சந்தைகள் சரிந்தோ அல்லது உயர்ந்தோ காணப்பட்டது. ஆயினும் வெள்ளியன்று அமெரிக்க, ஐரோப்பிய சந்தைகள் உயர்ந்தும் ஆசிய சந்தைகளின் பாதிப்பால் நம் சந்தைகள் சரிவிலேயே முடிந்தது என்றாலும் போனவாரம் தேவையில்லாமல் வங்கி பணியாளர்களின் இரண்டு நாள் வேலை நிறுத்தம் நம் சந்தைகளின் உயர்வை கட்டுப்படுத்தியது எனலாம்.

இவ்வாரம் தொடங்கும் ஆசிய சந்தைகளையொட்டியே நம் சந்தைகள் நகர ஆரம்பிக்கும் என்றாலும், வழக்கம்போல ஒவ்வொரு தடைநிலைகளிலும் ஒரு Correctionஐ சந்தித்தே உயர்வை தொடரும் என்பது என் எதிர்பார்ப்பு. இவ்வாறான Correctionகள் தான் முன்பு பங்குகளை வாங்காமல் விட்டவர்களுக்கு ஒரு வரப்பிரசாதமாக அமையும் என நினைக்கிறேன்.
.

2009-08-03T12:15:00.001+08:00

ஆரவாரமான ஆர்ப்பாட்ட மாதமாக போன மாதம் முடிவடைந்துள்ளது. மிக நீண்ட நாட்களுக்குப்பின்னர் புதிய உயரத்தை சந்தைகள் அடைந்து, அதனை தக்கவும் வைத்துள்ளது. அமெரிக்க, ஆசிய மற்றும் நம் சந்தைகள் புதிய உயரத்தை அடைந்துள்ளது.

அதிகம் ஏமாற்றமளிக்காத காலாண்டு முடிவுகள் நம் சந்தைகளுக்கு ஆதரவு அளித்தாலும், முக்கிய சில நிறுவனங்களின் காலாண்டு முடிவுகள் நம் சந்தைகளை சிறிது ஆட்டம் காணவே வைத்தது. ஆயினும் அந்த நிறுவனங்களின் திறமைகிக்க நிர்வாகிகளால் அடுத்த காலாண்டு முடிவுகள் சிறப்பாகவே இருக்கும் என நம்புகிறேன்.

பலமுறை என் பதிவுகளில் குறிப்பிட்டப்படி சந்தைகள் டெக்னிக்கல் ரீதியாக மேலும் வலுப்பெற்றே வருகிறது. ஆனாலும் புதிய உயரங்களை அடையும்போது, சிறிய Correctionஐக் கொண்டு சிறிது சரிந்து மேலும் புதிய உயரங்களை அடைந்தே தீரும்.

போன வாரம் தனது வலுவான தடைநிலையான 4600க்கு மேல் உயர்ந்துள்ளது. இவ்வார சர்வதேச சந்தைகளின் சாதகமான போக்குகள் இருந்தால் மீண்டும் புதிய உயரங்களுக்கு நம் சந்தைகள் செல்லலாம் என்பது என் எதிர்பார்ப்பு.
.

2009-08-02T10:00:00.000+08:00

எமது வலைப்பூ நண்பர்கள் அனைவருக்கும் என் இனிய நண்பர்கள் தின வாழ்த்துக்கள். அறிமுகமில்லாமல் ஆரம்பித்த இந்த நட்பானது ஆதரவாக அரவணைத்து செல்லும்போது, வலைப்பூ நண்பர்களுக்கு மேலும் ஏதாவது உபயோகமாக செய்யவேண்டும் என்ற ஆவலை மென்மேலும் தூண்டுகிறது.

மிக்க நன்றி திரு SUREஷ், பழனி அவர்களே, தாங்கள் தொடுத்திருந்த ஒரு வலைப்பூ மாலையில் என் வலையையும் ஒரு பூவாக சேர்த்து கோர்த்ததற்க்கு...

.

2009-07-27T00:15:00.000+08:00

சந்தைகள் போன வாரம் மீண்டும் ஒரு ஆரோக்கியமான எழுச்சியை சந்தித்துள்ளது. அமெரிக்க சந்தைகள் மிக நீண்ட நாட்களுக்குப்பின்னர் புதிய உயரங்களை பெற்றுள்ளது, ஆசிய சந்தைகளும் விதி விலக்கல்ல. சர்வதேச சந்தைகளின் சாதகத்தால் நம் சந்தைகளும் சென்செக்ஸ் 15000க்கு மேல் உயர்ந்துள்ளது.

சாதகமான போக்குகளை சந்தைகள் கொண்டிருந்தாலும் நம் தேசிய சந்தையில் 4600 ஒரு வலுவான தடைநிலையாக இருக்கும் என நினைக்கிறேன். இந்நிலைகளில் சந்தைகள் ஒரு சிறிய Correctionஐ சந்தித்து பின் மீண்டும் உயரும் என நினைக்கிறேன். ஆயினும் சர்வதேச சந்தைகளின் போக்கினாலும், இவ்வாரம் FnO Expiry இருப்பதாலும் கணிப்பைவிட எதுவேண்டுமானாலும் நடக்கலாம்.

சந்தைகள் டெக்னிக்கல் ரீதியாக வலுபெற்றுள்ளது குறிப்பிடத்தக்கது. ஒவ்வொரு சிறிய சரிவிலும் வாங்குவதை தவிர்க்காதீர்கள். அவ்வப்போது உங்கள் லாபங்களையும் உறுதி செய்துக் கொள்ளுங்கள். ஆரோக்கியமான காலாண்டு அறிக்கைகளும், FIIக்களின் பெருமளவிலான இந்திய சந்தைகளின் முதலீடும் மீண்டும் நம் சந்தைகளை உயரங்களுக்கு கொண்டு செல்லலாம் என்பது என் எதிர்பார்ப்பு. பார்ப்போம் இந்த வாரம் என்ன நடக்கிறது என்று.
.

2009-07-20T00:15:00.002+08:00

சர்வதேச சந்தைகளின் சாதகமான போக்காலும், நம் நிதியமைச்சரின் சந்தைகளுக்கும்/ நிறுவனத்திற்கும் ஆதரவான பேச்சாலும், போன வாரம் நம் சந்தைகள் மீண்டும் ஒரு அதிரடி ஆட்டம் ஆடி இருக்கின்றது.

Short Coveringஆல் தான் சந்தைகள் ஏறியதாக அனைவராலும் நம்பப்பட்டாலும், FIIக்களின் விற்பனைகள் போனவாரம் அதிகம் இல்லாதது, அவர்கள் மீண்டும் நம் சந்தைகளில் முதலிடலாம் என்ற எண்ணத்தை ஏற்படுத்தியுள்ளது. நான் முன்னர் என்பதிவுகளில் குறிப்பிட்டப்படி சந்தைகள் பின்நகர்ந்து முன்னேற ஆரம்பித்து உள்ளன.

இந்த வார சந்தைகளுக்கு அரசியல் காரணங்களும், தொழில்நுட்ப காரணங்களும் மற்றும் நிறுவனங்களில் நிதி அறிக்கைகளும் மிக்க சாதகமாகவே இருக்கின்றது. இவற்றோடு சர்வதேச சந்தைகளும் உதவிடும்பட்சத்தில், சந்தைகள் உயரும் என்பது என் எதிர்பார்ப்பு.

முதலீட்டாளர்களும் வழக்கம்போல ஒவ்வொரு சரிவையும் சாதகமாக கருதி வாங்கி, விற்க பழகி வரலாம். என்னைப்பொருத்தவரை விற்று வாங்குவது என்றுமே ஆபத்தானது மட்டுமல்லாமல் மனுதர்மப்படி அது அவ்வளவாக விருத்தி தருவதில்லை. இது என்னுடைய சொந்த கருத்துதான் எனவே முடிவு உங்கள் கைகளில்தான்.

இவ்வார தேசிய சந்தையின் டெக்னிக்கல் நிலைகள்,

3595 - 3757 - 4066 - 4228 - 4537 - 4699 - 5008
.

2009-07-13T00:15:00.001+08:00

சர்வதேச சந்தைகளை ஒட்டி நகரும் நம் சந்தைகள் போனவாரம் சரிவை சந்தித்தது. நிலையான ஆட்சிக்காக காங்கிரஸுக்காக வாக்களித்த நம் மக்கள் விரும்பியது நிதியமைச்சராக திரு. ப. சிதம்பரம் அல்லது திரு. மன்மோகன்சிங் அவர்களைத்தான். இவர்கள் இருவரும் நிதியமைச்சர் இல்லை என்றபோதே சந்தையின் நகர்வுகள் திணறியபடித்தான் மேலெழுந்து வந்தது.

பட்ஜெட் எதிர்பார்ப்புடன் நகர்வை மேலே நகர்த்தி ஒரு நிலையில் தக்கவைத்துக் கொண்டிருந்ததுபோது, பட்ஜெட் மத்தியதர மக்களுக்கேற்ற வகையில் இல்லை என்ற போதே பங்குச்சந்தைகள் தள்ளாட ஆரம்பித்தது. போதாகுறைக்கு உலக சந்தைகளும் போட்டி போட்டுக்கொண்டு பலகீனமான போது வேறு வழியே இல்லாமல் நம் சந்தைகளும் சரிய ஆரம்பித்தது.

என்னுடைய முந்தைய பதிவில் குறிப்பிட்டப்படி சந்தைகள் சிறிது பின்நகர்ந்து முன்னேறும் என நினைக்கிறேன். இப்போதைய சந்தையைப் பொருத்தவரை மிக முக்கிய சப்போர்ட் நிலைகளில் நிலைக் கொண்டுள்ளதால் சந்தைகள் இந்தவாரம் நகருதலைக் கொண்டுதான் வரும் காலங்களின் நகர்வுகளை தீர்மானிக்க முடியும் என நினைக்கிறேன்.

முதலீட்டாளர்கள் சிறிது பொறுமையாக சந்தையின் நகர்வுகளை கவனித்து பின்னர் முதலீட்டை தொடரலாம். தினவர்த்தகர்களுக்கும் இதே நிலைதான், சந்தைகளை கவனித்து நன்றாக நகர்வுகளை தீர்மானிக்க முடியும் என்றபோது மட்டுமே விளையாட ஆரம்பிக்கலாம். அதுவரை சிறிது பொறுமையாக பார்த்துக் கொண்டிருப்பதே நல்லது என் நான் நினைக்கிறேன்.
.

2009-07-06T00:15:00.000+08:00

நமது சந்தைகள் உயர வாய்ப்புக்கள் இருந்தாலும், சர்வதேச சந்தைகளில் காணப்படும் சுணக்கம் காரணமாகவே உயர முடியாமல் போனது என்றாலும் அனைத்து சந்தைகளும் தான் பெற்ற உயரத்தை இழக்கவில்லை.

சந்தைகள் அநேகமாக பின்நகர்ந்து முன்னேற வாய்ப்பு உள்ளதாகவே நினைக்கிறேன். உலகை அச்சுறுத்தி வரும் INFLUENZA A - H1N1 இருந்தாலும் சந்தைகள் ஆரோக்கியமான டெக்னிக்கல் நிலைகளை இழக்கவில்லை என்பது வருங்காலங்களிலும் சந்தை உயர்வதையே குறிக்கின்றது.

வெள்ளியன்று அமெரிக்க சந்தைகள் விடுமுறை காரணமாக ஐரோப்பிய சந்தைகள் எந்தவித உயர்வையும், தாழ்வையும் பிரதிபலிக்கவில்லை. திங்களன்று ஆசிய சந்தைகளை நம் சந்தைகள் பின்பற்றும் என்றாலும், இப்போது அதிகளவில் பட்ஜெட் தாக்கம் இருக்கும் என்பதால் இம்மாதிரி நேரங்களில் தினவர்த்தகத்தில் மிக கவனமாக ஈடுபடவேண்டும் என நினைக்கிறேன்.

இவ்வாரமும் பட்ஜெட் நிலைகளையே நம் சந்தைகள் பிரதிபலிக்கும் என்றாலும் பட்ஜெட்டால் பயன்பெரும் துறைகளில் சிறிது சிறிதாக நீண்டகால முதலீட்டை மேற்கொள்ளலாம் என் நினைக்கிறேன்.
.

2009-06-29T11:00:00.001+08:00

வெள்ளியன்று உற்சாகத்துடன் முடிவடைந்த பங்குச்சந்தைகள், அமெரிக்க சந்தைகளும் மேடு, பள்ளங்களுடன் பயணித்தாலும் உயர்வையே தக்க வைத்துக் கொண்டுள்ளன.

இவ்வார சந்தைகள் பட்ஜெட் எதிர்பார்ப்புகளுடன் நகரும் என்றாலும், உலகலாவிய சந்தைகள் ஆரோக்கியத்துடன் உயர்ந்தால் நம் சந்தைகளும் புதிய உயரங்களை எட்ட முயற்சிக்கும் என நினைக்கிறேன்.

சந்தைகளைப் பொருத்தவரை சாதகமான அம்சங்களே உலகளாவிய வரையில் நிலவுவதால், வழக்கமாக நான் சொல்லும் அதே செய்திதான், அதாவது ஒவ்வொரு சரிவிலும் வாங்குவதை தவிர்க்காதீர்கள். ஒவ்வொரு உயர்விலும் (10% - 20%) உங்கள் லாபங்களை உறுதி செய்யுங்கள். நீண்ட மற்றும் குறுகியகாலத்திற்கேற்ற சந்தையாக இப்போது உள்ளதால் இந்த வாய்ப்பை தவற விட்டு விடாதீர்கள்.
.

2009-06-24T11:30:00.000+08:00

இந்த வாரம் இம்மாத FnO முடியும் வாரம் ஆதலால் பெருமளவில் டெக்னிக்கலாக பங்குச்சந்தையை இவ்வாறு இருக்கும் என கணிக்க இயலாது. திங்களன்று ஏறும் என நினைத்திருந்த சந்தை சரிந்ததும், நேற்றைய சந்தை சரியும் என நினைத்திருந்தபோது ஐரோப்பிய சந்தைகளின் தயவால் ஏறியதும், தினவர்த்தகர்கள் மத்தியில் குழப்பத்தையே விளைவித்திருக்கும்.

இந்த வாரத்தில் முதலீட்டாளர்கள் நீண்ட மற்றும் குறுகிய கால முதலீடாக சந்தைகள் சரியும்போது வாங்கலாம். மற்றபடி தின வர்த்தகர்கள் உறுதியாக தெரியும் வரை வேடிக்கை பார்ப்பதே நல்லது என நினைக்கிறேன்.

இன்றைய சந்தையை பொருத்தவரை, அனைத்து ஆசிய சந்தைகளிலும் உயர்வுகள் தெரிகிறது. அது நம் சந்தையிலும் பிரதிபலிக்கும் என நினைக்கிறேன். ஆனாலும் துவங்கும் ஐரோப்பிய சந்தைகளை கவனித்துக்கொள்ளுங்கள். இவற்றில் ஏற்படும் மாற்றங்கள் நம் சந்தைகளில் பாதிப்பை ஏற்படுத்தும்.

Guest அவர்களே, எனக்கும் தினமும் அப்டேட் செய்ய ஆசைதான். என்ன செய்வது? எனக்கு தினமும் BANK/ IMMIGRATION மற்றும் கம்பெனியின் சில்லரை வேலைகளை முடித்துவிட்டு என் லேப்டாப்பை 1.30 மணிக்கு திறந்தால் சந்தை ஒரு ரவுண்டு முடித்து விடுகிறது. இதற்கு மேல் சந்தையைப்பற்றிய என் கண்ணோட்டத்தை எப்படி எழுத முடியும்? ஆகவேதான் முடியும்போது மட்டும் எழுதுகிறேன். தயவுசெய்து பொறுத்துக் கொள்ளவும்.

2009-06-22T12:15:00.000+08:00

கடந்த வார சந்தைகள் அனைத்தும் (நம் சந்தைகளோடு உலக சந்தைகளும்) மிக முக்கியமான ஒரு Correctionஐ சந்தித்து மீண்டு வந்துள்ளது எனறே கூறலாம். சந்தைகள் சிறிது சரிவை அடையும்போது, பங்குச்சந்தை என்ற குமிழி உடைந்து விட்டதாகக்கூறி மீடியாக்கள் அலறியதைக் கண்டு சிறிய முதலீட்டாளர்கள் அனைவரும் விற்றதால் Panic Selling ஏற்பட்டதைப் பார்த்திருக்கலாம்.

ஆனால் டெக்னிக்கலாகவோ அல்லது தற்போதைய அரசியல் சூழ்நிலையிலோ பங்குச்சந்தை எந்த காரணத்தைக்கொண்டும் தளர்ச்சியடையவில்லை என்பதே உண்மை. சந்தை சிறிது சிறிதாக சரியும்போது வாங்கி Average செய்துக் கொண்டே முதலீட்டைத் தொடர்வதுதான் நல்லது.

இந்த வாரம் FnO Expiry வாராமானதால் நமது சந்தை அநேகமாக ஏற்ற இறக்கத்துடன் காணப்படும் என நினைக்கிறேன். பங்குச்சந்தையில் உங்களால் முடியும்போது சிறிது சிறிதாக முதலீட்டைத் தொடரவும். இப்போது ஏற்றம் பெறும் சந்தைகளின் உயர்வுகள் தொடரும் என்பது என் எதிர்பார்ப்பு. (Mr. Suresh இப்போது உங்களுக்கு திருப்தியா?)

2009-06-03T11:56:00.002+08:00

சந்தைகளில் ஏற்படும் சிறிது சிறிதான சரிவுகள் சந்தையின் பலத்தை எந்த அளவிற்கும் குறைக்கவில்லை என்பதே உண்மை. இவ்வகையாயான சரிவுகளை மீண்டும் பங்குகளை வாங்குவதற்கு பயன்படுத்தலாம். Hedging செய்யத் தெரிந்தவர்கள் தின வர்த்தகத்தைவிட இவ்வாறான விஷயங்களில் அதிகளவில் லாபம் பார்க்கலாம்.

சந்தைகளில் இப்போது FIIக்களும், DIIக்களும் அதிகளவில் முதலீட்டு வருகிறார்கள் என்றாலும் உங்களிடம் இருக்கும் அனைத்து இருப்புக்களையும் சந்தைகளில் முதலிட வேண்டாம். முந்தைய உயர்வுகளில் பங்குகளில் முதலிட்டவர்கள் இன்னும் சிறிது காலம் பொருத்திருக்கவும், போட்ட முதலை அடைந்துவிடலாம். இந்த உயர்வையும், சரிவையும் பாடமாகக் கொண்டு அடுத்த உயர்விலும் சரிவிலும் சம்பாதித்து விடலாம்.

சந்தைகள் நீண்ட மற்றும் குறுகியகால முதலீட்டாளர்களை என்றுமே கைவிட்டதில்லை என்பதை மீண்டும் நிரூபித்துவிட்டது. அனுபவமுள்ள தினவர்த்தகர்களை தவிர மற்றவர்களுக்கு நீண்ட மற்றும் குறுகிய கால முதலீடே சிறந்தது.

சந்தைகளில் புதிதாக சொல்லுவதற்கு ஒன்றும் இல்லாத காரணத்தால் தினமும் இப்பதிவை எழுதுவதைவிட தேவைப்படும்போது மட்டும் அவ்வப்போது எழுதலாம் என நினைக்கிறேன். இந்த தளத்தில் என்னுடைய பதிவைத்தவிர மற்ற எல்லாமே Auto Updateதான் ஆகவே உங்களுடைய வர்த்தக நேரத்தில் இந்த தளத்தைப் பயன்படுத்திக் கொள்ளுங்கள்.

2009-06-01T00:15:00.001+08:00

உயர்ந்துள்ள நம் பங்குச்சந்தைகள், உலகப் பங்குச்சந்தைகள் உயர்ந்தும், பெற்ற உயர்வை தக்க வைத்துக் கொண்டிருக்கும் நிலைகள். பூதாகரமாக கிளம்பிய அமெரிக்காவின் ஆட்டோமொபைல் துறைப்பிரச்சினைகள், உயர்ந்திருக்கும் தங்கம், கச்சா எண்ணை விலைகள், கொரியாவின் ஏவுகணை பிரச்சினைகள் - ஆனால் சந்தைகள் இவற்றையெல்லாம் புறந்தள்ளி ஆரோக்கிய உயரத்தை அடைந்தும் உயர்வை தக்கவைத்துள்ளது.

புதியதாக சொல்லுவதற்கு ஒன்றும் இல்லை, ஏற்கனவே சொன்னபடி சந்தையில் ஏற்படும் ஒவ்வொரு சிறிய சரிவிலும் (Correction) சிறிது சிறிதாக வாங்க ஆரம்பிக்கலாம் என் நினைக்கிறேன். காரணம் சந்தை மிகவும் உயர்ந்த பின்னர் ‘ஆகா அப்போதே வாங்கியிருக்கலாமே!’ என வருத்தப்படக்கூடாது அல்லவா?

வெள்ளியன்று முடிவடைந்த அனைத்து சந்தைகளும் உயர்விலே முடிவடைந்துள்ளன. இன்று துவங்கும் ஆசிய சந்தைகளை கவனித்துக் கொள்ளுங்கள். சந்தைகள் மீண்டும் தன் புதிய உயரங்களை அடைந்து வருவதால் அவ்வப்போது Profit Bookingஐ சந்திக்கலாம் என நினைக்கிறேன். ஆகவே அதிகம் ஆசைப்படாமல் லாபத்தை அவ்வப்போது உறுதி செய்துக் கொள்ளவும். அதேபோல ஒவ்வொரு சரிவிலும் வாங்குவதை தவிர்க்காமல் செய்யவும்.

இன்றைய தேசிய சந்தையின் டெக்னிக்கல் நிலைகள்,

4279 - 4321 - 4363 - 4394 - 4426 - 4469 - 4511 - 4542 - 4573
.

2009-05-28T12:15:00.001+08:00

இன்றைய தினம் F&O Expiry தினம். நாளை இம்மாதத்தின் இறுதி வியாபார நாள். இந்த இரு தினங்களில் விஷேசமாக சொல்லுவதற்கோ அல்லது டெக்னிக்கல் லெவலை பின்பற்றவோ எந்த ஒரு அடிப்படையும் கிடைக்காது.

நேற்றைய அமெரிக்க சந்தைகள் Profit Bookingஐ சந்தித்துள்ளது. காலையில் துவங்கியுள்ள ஆசிய சந்தைகளும் மிதமாகவே துவங்கியுள்ளது. இதனை வைத்துக் கொண்டும் நம் சந்தையின் போக்குகளை இன்று முடிவு செய்ய முடியாது. ஆதலால் இன்று பொறுமையாக வேடிக்கைப் பார்ப்பதுதான் நல்லது என நினைக்கிறேன். சந்தேகத்திற்கு இடமான நாட்களில் எந்த வர்த்தகத்திலும் ஈடுபடுவது லாபமானது அல்ல.

2009-05-27T08:30:00.000+08:00

நேற்றைய நமது சந்தைகள் என் பதிவில் குறிப்பிட்டப்படி Support Level 4100ஐ சோதித்துக் கொண்டுள்ளது. எப்போதும் முதலீட்டாளர்களின் Buy in every market dip என்ற விதியின்படி நேற்றைய சந்தையின் சரிவினை வாங்குவதற்கு பயன்படுத்தி இருக்கலாம். நேற்றைய நமது சந்தைகள் மேலெழும்ப வாய்ப்புக்கள் இருந்தாலும் உலக சந்தைகளின் தொடர் சரிவுகள் அவற்றை மேலெழும்ப விடவில்லை.

நாளை F&O இறுதி நாள், இந்நாட்களில் சந்தைகளில் டெக்னிக்கல் அவ்வளவாக எடுபடுவதில்லை. ஆனாலும் நேற்றைய அமெரிக்க மற்றும் ஐரோப்பிய சந்தைகளில் மிக அதிகமான உற்சாகம் தெரிகிறது. இந்த உற்சாகம் ஆசிய சந்தைகளில் தொற்றி இது அப்படியே பரவி நம் சந்தைகளில் வந்தால் மீண்டும் உயர நம் சந்தைகள் ஆரம்பிக்கும் என நினைக்கிறேன். பார்ப்போம் என்ன நடக்கிறது என்று.

சந்தைகளில் ஏற்படும் சரிவைக்கண்டு பயப்படாமல், சரிவுகளில் சிறிது சிறிதாக வாங்க முயற்சிக்கலாம் என நினைக்கிறேன். நீண்டகால முதலீடுகளோ அல்லது குறுகியகால முதலீடுகளோ இப்போது சந்தையில் அதிகமாக நஷ்டப்படுத்துவதில்லை.

இன்றைய தேசிய சந்தையின் டெக்னிக்கல் நிலைகள்,

3827 - 3991 - 4054 - 4155 - 4218 - 4319 - 4483
.

2009-05-26T08:00:00.001+08:00

நேற்றைய நம் சந்தைகள் பெருமளவில் இந்த வார நகர்வுகள் அல்லது வருங்கால நகர்வுகளை உணர்த்தியிருக்கலாம். அதாவது சந்தை சரியும்போது ஓரளவு Support Level கிடைத்து உயர்ந்தாலும், உயரும்போது ஒரு Resistence Level தடுத்து மீண்டும் சரிவை சந்திக்கிறது. ஆகவே பக்கவாட்டு நகர்வுகளையே சந்தை சில நாட்களுக்கு தேர்ந்தெடுக்கலாம்.

சந்தையில் தற்போதைய 4100 வலுவான Support Levelஆக இருந்தாலும் 4300 தற்போதைய Resistence Level சிறிது வலுவாகவே இருந்து வருகிறது. இதுவும் பக்கவாட்டு நகர்வுகளுக்கு ஒரு காரணமாகும். தன்னுடைய Support Levelஐ மீண்டும் மீண்டும் வலுப்படுத்திக் கொண்டே பின்னர் புதிய உயரத்தை நோக்கி செல்லும் என நினைக்கிறேன்.

நேற்றைய அமெரிக்க சந்தைகள் மற்றும் ஐரோப்பிய சந்தைகளின் விடுமுறை காரணமாக இன்று துவங்கும் ஆசிய சந்தைகள் மிதமாகவே துவங்கலாம். உலக சந்தைகளின் சுணக்கம் காரணமாக நம் சந்தைகளும் மேடு பள்ளமாகவே இருக்கும் என நினைக்கிறேன். திறமையான தின வர்த்தகர்கள் Buy dip & Sell high என்ற வழியை பின்பற்றிப் பார்க்கலாம் என நினைக்கிறேன்.

இன்றைய நம் தேசிய சந்தையின் டெக்னிக்கல் நிலைகள்,

4108 - 4173 - 4205 - 4238 - 4270 - 4303 - 4367
.

2009-05-25T08:00:00.000+08:00

கடந்த வார நமது சந்தைகள் முழுக்க முழுக்க தேர்தல் முடிவுகள், நம் நாட்டு அரசியலில் அவ்வப்போது ஏற்படும் முடிவுகளைக் கொண்டே நகர்ந்து வந்தது. ஆதலால்தான் நான் பார்வையாளராக மட்டுமே இருந்தேன். மேலும் என்னுடையது அதிகளவில் Long Positionல் இருக்கும் காரணத்தால் போன வாரம் சந்தையின் மேடு பள்ளங்களுக்கெல்லாம் அதிகளவில் கவனம் செலுத்தவில்லை.

அரசியல் எல்லாம் ஓரளவு ஓய்ந்தாகிவிட்டது. இனிமேல் நம் சந்தை டெக்னிக்கலுக்கு கட்டுப்பட்டுத்தானே ஆகவேண்டும். இந்த வாரம் நம் சந்தைகள் உலக சந்தைகளை பின்பற்றி நகரும் என்றாலும், இவ்வாரம் F&O முடியும் வாரம் ஆகையால் சந்தைகளின் இந்த வார நகர்வுகளும் மேடு பள்ளங்களாகத்தான் இருக்கும் என நினைக்கிறேன்.

சந்தைகளின் டெக்னிக்கல் நிலைகள் சந்தையின் உயர்வுக்கு அவ்வப்போது சில Correctionஐ சந்தித்துக்கொண்டே உயரும் என்பதையே குறிக்கின்றது. இதில் எந்த மாறுதலும் ஏற்பட்டதாக எனக்குத் தெரியவில்லை. இன்றைய சந்தைகள் துவங்கும் ஆசிய சந்தைகளை பின்பற்றியே தன் ஏற்றத் தாழ்வுகளை முடிவு செய்யும் என்றாலும் இன்றைய நம் சந்தைகளின் நகர்வுகளைக் கொண்டே இந்த வாரத்தை கணிக்க இயலும் என நினைக்கிறேன்.

இன்றைய தேசிய சந்தையின் டெக்னிக்கல் நிலைகள்,

4027 - 4121 - 4180 - 4215 - 4273 - 4308 - 4402
.

2009-05-20T12:15:00.001+08:00

நம்முடைய சந்தைகளைப் பொருத்தவரை நேற்றும் சரி, இன்றும் சரி சந்தை மீண்டும் பழைய நிலைமைக்கு வந்து விட்டதாக கருத முடியாது. நேற்றைய சந்தைகளைப் பொருத்தவரை பெற்ற உயரத்தை தக்க வைத்துக் கொள்ளத்தான் போராடியது எனலாம், முடியாதபோதுதான் Flat என்ற நிலையில் முடிவடைந்துள்ளது.

திங்கள் கிழமை சந்தையில் நம்மால் எத்தனை பேர்கள் வியாபாரம் செய்ய முடிந்தது. பலமுறை உங்களிடம் சொன்னதுபோல இந்த மாதிரி நேரங்களில் Mutual Fundல் முதலீடு செய்வது லாபமான செயலாகும். நீண்டகால முதலீடாக சிறிதளவாவது Mutual Fundல் முதலிட்டு வாருங்கள்.

நமது சந்தைகளைப் பொருத்தவரை இன்றும் தெளிவாக சொல்ல முடியாது, அநேகமாக இது இந்த வார இறுதி வரை தொடரும் என நினைக்கிறேன். ஆகவே இன்றும் டெக்னிக்கலாக வியாபாரம் செய்வது சரியாக இருக்காது. அனுபவமுள்ள தினவர்த்தகர்கள் சந்தைகளின் போக்கிற்க்கே சென்று வர்த்தகம் செய்யவும். லாபம் அதிகம் இல்லாமல் இருந்தாலும் நஷ்டம் இல்லாமல் வெளியே வர முயற்சிக்கவும். மீடியாக்களில் வெளிவரும் சிறுசிறு செய்திகளும் அவ்வப்போது அதிகளவு மேடு, பள்ளங்களை ஏற்படுத்தும்.
.

2009-05-19T12:30:00.000+08:00

பங்குச்சந்தையில் இதுவரை ஒரு பெரிய Gap up அல்லது Gap down பார்த்து வந்திருக்கின்றோம். ஆனால் நேற்று ஏற்பட்ட இருமுறை Upper Circuits சந்தையின் பார்வையாளர்களை மிகவும் திகைக்க வைத்திருக்கும்.

நேற்று ஏற்பட்ட உயர்வுகள் தேர்தலில் காங்கிரஸ் கட்சி வெற்றி பெற்றதற்க்காக மட்டும் அல்லாமல் கம்யூனிஸ்ட்டுக்களின் தொந்தரவு இல்லாமல் ஆளுங்கட்சி ஆட்சியமைக்க முடியும் என்ற காரணமும்தான். போன ஆட்சியில் கம்யூனிஸ்டுக்களின் தொல்லைகள் எந்த அளவிற்கு தொழில்துறையையும், தொழில் அதிபர்களையும் பாதித்திருக்கும்.

நேற்று நம் சந்தைகளில் ஏற்பட்ட உயர்வுகளை காலையிலிருந்து மிதமாக துவங்கியிருந்த ஆசிய சந்தைகளை எல்லாம் உயர வைத்துவிட்டது. நேற்றைய நம் சந்தையின் உயர்வால் அமெரிக்க சந்தையே உயரத்தில்தான் முடிவடைந்திருந்தது.

இப்போதுள்ள சூழ்நிலையில் டெக்னிக்கல் பெருமளவு வேலை செய்யாது. ஆகவே தற்போதைய சந்தைகளின் சூழலில் சந்தைகளோடு சேர்ந்து நாமும் கொண்டாடலாம். ஏற்கனவே Long positionலில் உள்ளவர்களுக்கு மகிழ்ச்சிதான்.
.

2009-05-18T12:15:00.002+08:00

பங்குச்சந்தை ஒவ்வொரு முறையும் Correctionக்காக அவ்வப்போது சிறிது சரிந்தாலும் பின்னர் தன் சரிவை மீட்டுக் கொள்கிறது. இது சந்தையின் ஆரோக்கிய நிலையை மேலும் உறுதி செய்கிறது. இப்போதுள்ள அரசியல் சூழ்நிலைகளும் நம் சந்தைகளுக்கு சாதகமான போக்கையே அளிக்கின்றது.

என்னுடைய நிலைப்பாடு என்றும் (இன்றும்) ஒன்றுதான். சந்தைகள் சரிவைவிட்டுத் திரும்பி ஆரோக்கியபாதையை நோக்கி காலடி எடுத்து வைக்கின்றது. அரசியல் மற்றும் நிறுவன சூழ்நிலைகளுடன் உலக சந்தைகளும் சரியாக இருப்பின் சந்தைகளின் உயர்வுகளை யாராலும் தடைசெய்ய முடியாது.

வெள்ளியன்று முடிவடைந்த அமெரிக்க, ஐரோப்பிய சந்தைகளில் சிறிய Profit Booking காணப்படுகிறது. இன்று காலை துவங்கும் ஆசிய சந்தைகளில் இந்த பாதிப்பு தென்படுகிறது, சாதாரண நாட்களாக இருந்தால் நம் சந்தைகளும் அதனை பிரதிபலிக்கும். ஆனால், மீண்டும் நிலையான ஆட்சியை காங்கிரஸ் அளிக்கும் என்ற நம்பிக்கையில் ஆளும்கட்சி மாபெறும் வெற்றி பெற்றுள்ளதால், அது இன்று நம் சந்தைகளில் அல்லது ஒரு வாரம் வரை பிரதிபலிக்கும் என எதிர்பார்கிறேன். பின்னர் வழக்கம்போல உலக சந்தைகளை பின்பற்றியே ஆகவேண்டும். ஆகவே தினவர்த்தகர்கள் இன்று மிகவும் கவனமாக சந்தையின் போக்கிற்கு சென்று வர்த்தகம் செய்யவும்.

சந்தைகள் இன்று மிகப்பெரிய Gap up ஆக துவங்கினால் கூட ஆச்சரியம் இல்லை, ஆகவே கவனம் தேவை.

இன்றைய தேசிய சந்தைகளின் டெக்னிக்கல் நிலைகள்,

3529 - 3563 - 3618 - 3652 - 3706 - 3740 - 3794
.

மனமார வாழ்த்துகிறோம்.

2009-05-17T10:00:00.002+08:00

நடைபெற்று முடிந்த பாராளுமன்ற தேர்தலில் அமோக வெற்றி பெற்று மீண்டும் ஆட்சியை கைப்பற்றி இருக்கும் காங்கிரஸ் அரசுக்கு மனமார்ந்த வாழ்த்துக்களை தெரிவித்துக் கொள்கிறோம். மிக கடுமையான விமர்சனமானாலும் தனது அழகான, கவர்ச்சியான புன்னகையின்மூலமே எதிர் கொள்ளும் காங்கிரஸ் கமிட்டியின் தலைவி திருமதி. சோனியா காந்தி அவர்களுக்கும், மிகக் கடுமையான சிக்கலான நேரத்திலும் யார்மேலும் பழிபோடாமல் தானே முன்னின்று பொறுப்பேற்று சரிசெய்யும் திறமைமிக்க பிரதமர் திரு. மன்மோகன்சிங் அவர்களுக்கும், கடுமையான பொருளாதார சிக்கல் அனைத்து நாடுகளிலும் ஏற்பட்டபோதும் சூழ்நிலைகளை உணர்ந்து செயல்பட்ட முன்னாள் நிதியமைச்சர் திரு. ப. சிதம்பரம் அவர்களுக்கும் மக்கள் மீண்டும் அவர்களின் செயல்களில் திருப்தியுற்று இந்த நல் வாய்ப்பை வழங்கியிருக்கிறார்கள்.

இவர்கள் மட்டுமல்லாமல் முந்தைய ஆட்சியில் கூட்டணிகளில் குழப்பம் ஏற்பட்டபோதெல்லாம், தனது வயது, அனுபவம் மற்றும் சாணக்கியதனத்தினால் மிகத்திறமையாக செயல்பட்ட நமது தமிழக முதல்வர் திரு. கலைஞர் மு. கருணாநிதி அவர்களுக்கும் வாழ்த்துக்களையும், நன்றியையும் தெரிவித்துக் கொள்கிறோம். இந்தியா மீண்டும் ஒரு திறமையான, அனுபவமிக்கமிக்க ஒரு மூத்த தமிழக தலைவரின் ஆலோசனையையும், திறமையான அமைச்சர்களையும் பெற இருக்கிறது.

எதிர்கட்சிகள் எல்லா திட்டங்களையும் எதிர்க்காமல் (தங்களுக்கு லாபம் இல்லை என்ற காரணத்தினால்), மக்களுக்கு நலம் தரும் அனைத்து திட்டங்களையும் சேர்ந்து நடைமுறைப்படுத்த ஒத்துழைத்தால் எதிர்காலத்திலாவது மக்கள் மன்னித்து உங்களுக்கு வாக்களிப்பார்கள் அப்படி இல்லையென்றால் இந்த தேர்தலில் அரசியல் கோமாளிகளையும், தங்களின் சுயலாபத்திற்காக கட்சியைப் பயன்படுத்தியவர்களையும் மக்கள் வெறுப்புடன் தூக்கியடித்ததுப்போன்ற நிலையே மீண்டும் ஏற்படும். மக்களின் விழிப்புணர்வுகள் நாளுக்கு நாள் அதிகரித்து வருகிறது. இனிமேலாவது உங்களுடைய கோமாளித்தனத்தினால் மக்களை முட்டாளாக்க முயலவேண்டாம் அரசியல் அயோக்கியர்களே!

தத்தம் ஜனநாயகக் கடமைகளை உணர்ந்து வாக்களித்த பொதுமக்கள் அனைவருக்கும், ஒரு இந்தியன் என்ற முறையில் நன்றியையும், வாழ்த்துக்களையும் தெரிவித்துக் கொள்கிறேன்.

வாழ்க இந்தியா! வளர்க தாயகம்!

என்றும் அன்புடன்,
ஜாஃபர்.

2009-05-14T11:30:00.000+08:00

உயர்ந்திருந்த சந்தைகள் அனைத்தும் அதிக அளவில் Profit Bookingஐ சந்தித்து சரிந்து வருகிறது. நாமும் காத்திருந்து சந்தையில் மீண்டும் முதலிட தயாராவோம்.

நமது இந்தியாவில் பாராளுமன்ற தேர்தல் அனைத்துப் பகுதிகளிலும் முடிந்து முடிவுகளை எதிர்ப்பார்க்கும் நேரம். நமது இந்திய அரசியல் முடிவுகள் நம் சந்தைகளில் வேண்டுமானால் சிறிது சலனத்தை சில நாட்கள் ஏற்படுத்தலாம். ஆனால் எந்த அரசியல் கட்சிகள் ஆட்சிக்கு வந்தாலும் தொழில்துறை மற்றும் பங்குச்சந்தைகளுக்கு நல்லதே செய்வார்கள் என நம்புவோமாக!

நமது தேசிய சந்தையில் தற்போதைய நிலையில் 3500 வலுவான Support Levelஆக இருக்காது என நினைக்கிறேன், ஏனெனில் டெக்னிக்கலாக சந்தை 3800ஐ கடந்து நிலைபெற்று சரிந்தால்தான் 3500ஐ ஒரு வலுவான Support Levelஆக கருத இயலும். ஆனால் தற்போதைய நிலையில் மீண்டும் 3300 வலுவான Support Levelஆக இருக்கும் என நினைக்கிறேன்.

சந்தைகளின் சமீபத்திய வலுவான உயர்வுகளை சந்திருந்த நமக்கு இப்போதைய Correctionம் மிக கடுமையாக இருக்கும் என நினைக்கிறேன். அந்த Correctionஐ சமாளித்து மீண்டும் சந்தைகள் தன் பயணத்தை தொடரும் என்பது என் எதிர்பார்ப்பு.

இன்றைய தேசிய சந்தையின் டெக்னிக்கள் நிலைகள்,

3453 - 3552 - 3594 - 3652 - 3693 - 3751 - 3850
.

2009-05-12T08:30:00.001+08:00

நேற்றைய நம் சந்தைகளும், உலக சந்தைகளும் Profit Bookingஐ சந்தித்துள்ளது. சந்தைகள் சரிந்திருந்தபோது வாங்கி உயரும்போது விற்பது நியாயம்தானே?

துவங்கிய இன்றைய ஆசிய சந்தைகளிலும் ஏற்றமும், இறக்கமும் கலவையாக காணப்படுகிறது. பின்பற்றும் நம் சந்தைகளும் மேடு, பள்ளங்களுடன் பயணிக்கும் என நினைக்கிறேன்.

முக்கிய வங்கி அலுவல் காரணமாக விரிவாக எழுத முடியவில்லை, மன்னிக்கவும்.

இன்றைய தேசிய சந்தையின் டெக்னிக்கல் நிலைகள்,

3380 - 3457 - 3506 - 3583 - 3632 - 3709 - 3754
.

2009-05-11T09:45:00.000+08:00

வெள்ளியன்று முடிவடைந்த உலக சந்தைகள் (காலையில் முடிவடைந்த ஆசிய சந்தைகள் உட்பட) உயர்வில் முடிந்தாலும் நம் சந்தைகள் மட்டும் விதிவிலக்காக சிறிது சரிவில் முடிந்திருந்தது.

நம் சந்தைகள் மட்டுமல்ல உலக சந்தைகளின் முதலீட்டாளர்களிடையே ஒரு பயம் கலந்த தயக்கமே காணப்படுவதால், மேற்கொண்டு முதலீடு செய்வதைவிட சிறிது சந்தைகள் உயர்வடைந்தாலும் Profit Booking செய்து லாபத்தை வெளியே எடுத்து விடுகிறார்கள்.

மேலும் சரிவடைந்த சந்தைகளில் உயர்வு என்பது சிறிது காலதாமதமாகத்தான் நடக்கும். ஒரு மந்திரக்கோல் மூலம் உடனே சந்தை உயரும் என்பதெல்லாம் நடக்காது. சிறிது சிறிதாக சந்தையில் ஒரு Correction நடந்துக்கொண்டு பின் சிறிது சிறிதாகத்தான் ஏற்றம் பெறும். ஆகவே முதலீட்டாளர்கள் சிறிய சரிவுகளைக் கண்டு மனம் தளர வேண்டாம். அதற்காக உயரும்போதும் உங்கள் லாபத்தில் அலட்சியமாகவும் இருக்க வேண்டாம்.

இன்றைய நமது சந்தைகள் காலையில் துவங்கும் ஆசிய சந்தைகளையே பின்பற்றும் என்றாலும், சந்தைகள் உள்ளூர் அரசியல் சூழ்நிலைகேற்ப (தற்காலிகமாக) சிறிது நாட்கள் பிரதிபலிக்கும் என நினைக்கிறேன். இந்த சூழ்நிலையில் புதிய முதலீடுகளை மேற்கொள்வதைவிட இப்போது பார்வையாளராக இருப்பதே நல்லது என நான் நினைக்கிறேன்.

இன்றைய தேசிய சந்தையின் டெக்னிக்கல் நிலைகள்,

3437 - 3510 - 3565 - 3638 - 3694 - 3767 - 3822
.

2009-05-06T10:00:00.002+08:00

நேற்றைய ஆசிய சந்தைகள் உயர்ந்திருந்தபோதிலும், முதல் நாள் நம் சந்தைகள் புதிய உயர்வை எட்டி இருந்தலால் ஒரு சிறிய Profit Bookingஐ சந்தித்து பின் Flatஆக முடிந்துள்ளது. நேற்றைய அமெரிக்க சந்தைகளிலும் சிறிதளவு Profit Booking காணப்பட்டது.

இன்று காலை துவங்கிய ஆசிய சந்தைகளிலும் சிறிய சரிவுகள் காணப்படுவதால் அது நம் சந்தைகளிலும் ஆரம்பத்தில் காணப்படலாம் என நினைக்கிறேன். இன்றைய நம் சந்தை சிறிய மேடு, பள்ளங்களுடன் பயணம் இருக்கும் என்பது என் எதிர்பார்ப்பு.

இன்றைய தேசிய சந்தையின் டெக்னிக்கல் நிலைகள்,

3527 - 3591 - 3626 - 3654 - 3690 - 3718 - 3781
.

2009-05-05T01:30:00.001+08:00

கடந்த வாரத்தில் இரண்டு தினங்கள் நமது சந்தைகளின் விடுமுறையால் உலக சந்தைகளின் உற்சாகத்தில் பங்குபெற முடியாமல் போய்விட்டதே என நேற்றுத்தான் வருத்தப்பட்டு பதிவில் எழுதி இருந்தேன். ஆனால் அந்த உற்சாக தினமாக நேற்று அமைந்துவிட்டது.

அனைத்து சந்தைகளும் 200 Days Moving Averageஐ கடந்து தக்கவைத்துக் கொண்டுள்ளது. நம் சந்தைகளும் மிக நீண்ட நாட்களுக்குப்பின்னர் அதிக அளவில் புள்ளிகளை உயர்ந்து (Sensex 731.50 மற்றும் Nifty 180.05) உயர்வை தக்க வைத்துக் கொண்டுள்ளது. நம் சந்தைகளின் உயர்வுகளுக்கு நேற்றைய ஆசிய சந்தைகளின் பங்களிப்பு மிக முக்கியமாக அமைந்தது எனலாம்.

ஆசியாவில் Swine Flue என்னும் பன்றிக் காய்ச்சலால் சந்தைகளின் உயர்வுகள் தடைபடும் என்ற பீதியை கடந்து அனைத்து ஆசிய சந்தைகளும் உயர்விலேயே முடிவடைந்துள்ளது.

கரடிகளின் சந்தைகளையே பார்த்து பழகிவிட்ட நமக்கு இப்போது காளைகளின் சந்தைகளை மிக கவனமாக கணிக்க வேண்டியுள்ளது. ஏற்கனவே என் முந்தைய பதிவுகளில் சொன்னபடிதான், சந்தை ஆரோக்கிய பாதையை நோக்கித் திரும்பவே முயன்று வருகிறது. அவ்வப்போது சிறிய Correctionஐ சந்திக்கும்போது, சிறிய அளவில் முதலீட்டை மேற்கொள்ளலாம்.

சந்தைகள் மேலெழும்ப ஆரம்பித்தாலும் அது நிலைக் கொள்ளும்போதுதான் டெக்னிக்கலாக கணிக்க இயலும். இப்போதுள்ள சந்தை அடுத்த Resistence Levelஆக 3800ஐ கடக்கும்போது 3500 ஒரு வலுவான Support Levelஆக இருக்கும் (முந்தைய 3300ஐபோல) என்பது என் எதிர்பார்ப்பு, பார்ப்போம்.

துவங்கும் ஆசிய சந்தைகளை கவனித்துக் கொள்ளுங்கள். அவைகள் Overbought zoneல் இருப்பதால் அதில் ஏற்படும் Profit Booking நமது சந்தைகளிலும் சிறிய அளவில் Correctionஐ ஏற்படுத்தும். அவ்வாறில்லாமல் அவைகள் ஏற்றம் பெறும்பட்சத்தில் நமது சந்தைகளும் அவற்றையே பின்பற்றும்.

இன்றைய தேசிய சந்தையின் டெக்னிக்கள் நிலைகள்,

3227 - 3413 - 3534 - 3599 - 3719 - 3785 - 3971
.

2009-05-04T00:15:00.000+08:00

நான்கு நாட்கள் தொடர் விடுமுறைக்குப்பின்னர் இம்மாதத்தின் முதல் நாளில் துவங்கும் சந்தை. போன வாரம் நம் சந்தை விடுமுறை விட்ட நாளில் உலக சந்தைகளில் அப்படி என்ன உற்சாகமோ தெரியவில்லை. அனைத்து சந்தைகளும் போட்டிபோட்டுக் கொண்டுதான் முன்னேறியது. நம்மால்தான் அந்த உற்சாகத்தில் பங்கு பெற முடியாமல் போய்விட்டது.

அனைத்து சந்தைகளும் ஆபத்துக்கட்டத்தை (Breakout) தாண்டியதாக கொண்டாலும் நம் தேசிய சந்தை 3550 என்ற நிலையை கடக்கும்போதுதான் அடுத்தக்கட்ட நடவடிக்கை எடுக்க முடியும். அநேகமாக இந்த வாரம் உலக சந்தைகளில் தொற்றிக்கொண்ட உற்சாகம் நிலைக்கும்பட்சத்தில் நம் சந்தை அந்த நிலையை கடக்கும் என்பது என் எதிர்பார்ப்பு.

இன்று காலை துவங்கும் ஆசிய சந்தையை கவனித்துக் கொள்ளுங்கள். இரண்டு நாட்கள் அவைகள் ஏற்றம் பெற்றதால் (Overbought) இன்று அவைகளில் Profit Booking இருக்க வாய்ப்பு இருக்கும். அவ்வாறு இருந்தால் நம் சந்தைகளும் மிதமாகவே துவங்கும் என நினைக்கிறேன்.

இன்றைய தேசிய சந்தையின் டெக்னிக்கல் நிலைகள்,

3278 - 3322 - 3398 - 3442 - 3517 - 3562 - 3637

THE Best Things In Life...

2009-04-30T18:00:00.000+08:00

THE Best Things In Life...

Laughing so hard your face hurts.

A hot shower.

A special glance.

Getting mail.

Taking a drive on a scenic road.

Hearing your favorite song on the radio.

Lying in bed listening to the rain outside.

Hot towels out of the dryer.

A long distance phone call.

A bubble bath.

Giggling.

A good conversation.

The beach.

Finding a 500 rs note in your old diary.

Laughing at yourself.

Midnight phone calls last for hours.

Laughing for absolutely no reason at all.

Laughing at an inside joke.

Falling in love for the first time.

Accidentally overhearing someone say something nice about you.

Waking up and realizing you still have a few hours left to sleep.

Your first kiss.

Making new friends or spending time with old ones.

Late night talks with your roommate.

Having someone play with your hair.

Sweet dreams.

Hot Halwa.

Road trips with friends.

Swinging on swings.

Watching a good movie cuddled up on a couch with someone you love.

Making eye contact with a cute stranger.

Hugging the person you love.

Watching the expression someone's face as they open a much-desired present from you.

Watching the sunrise.

2009-04-29T11:30:00.001+08:00

இம்மாத F&O Expiryயின் கடைசி நாளான இன்று சந்தை டெக்னிக்கலுக்கு கட்டுப்படாமல் தன்னிச்சையாக நடக்கும் நாளாகும். இரண்டு நாள் தொடர் விடுமுறை (வியாழன் மற்றும் வெள்ளி), பின்னர் இரண்டு நாட்கள் வார விடுமுறை (சனி மற்றும் ஞாயிறு) ஆக நான்கு நாட்கள் தொடர் விடுமுறைக்கு முன் நடக்கும் சந்தை இன்று.

இந்நாளில் என்னைப்பொருத்தவரை சந்தையை விலகி இருந்து வேடிக்கைப் பார்ப்பதுதான் உத்தமம். ஏற்கனவே சந்தை சரிவில் வாங்கியிருப்பவர்கள் அநேகமாக விற்று வெளியேறி இருப்பீர்கள் என நம்புகிறேன். மேலும் சரிவில் வாங்க விருப்பம் உள்ளவர்கள் சந்தையின் வலுவான Support Levelஆன 3300க்கு சந்தை சரிந்தால் மீண்டும் சந்தை எவ்வாறு மீளுகிறது என்பதைப் பார்த்தே வாங்கலாம் என்பது என் யோசனை. சந்தை 3300க்கு கீழ் மேலும் சரிந்தால் அடுத்த Support Levelஆக 3150 இருக்கும் என நினைக்கிறேன். அதற்கு மாற்றமாக உயர ஆரம்பித்தால் சந்தை 3500க்கு மேல் நிலைக் கொள்ள வாய்ப்பு உள்ளதாகவே நான் நினைக்கிறேன்.

தைரியமான தின வர்த்தகர்கள் மற்றும் முதலீட்டாளர்கள் சந்தையின் போக்கிற்கு சென்று வர்த்தகம் செய்யலாம்.

இன்றைய தேசிய சந்தையின் டெக்னிக்கல் நிலைகள்,

3198 - 3275 - 3319 - 3395 - 3439 - 3516 - 3559
.

2009-04-28T11:30:00.002+08:00

ஆரோக்கியமாக உயர்ந்த (உயரும்) சந்தைகள் என்ன செய்யும்? அவ்வப்போது சிறிது சரிவதன் மூலம் (Profit Booking) பின்னர் தன் Support Levelஐ சோதித்துக் கொண்டு (Correction) பின்னர் வழக்கம்போல தன் உயரத்தை தொடரும் அல்லவா?

இதே விஷயம்தான் நேற்று நம் சந்தையிலும் ஏற்பட்டது. மிக நீண்ட நாட்களுக்குப்பின்னர் தன் புதிய உயரத்தை 3500ஐ கடந்தும், சர்வதேச சந்தைகள் (காலையில் ஆசிய சந்தைகளும், மதியம் துவங்கிய ஐரோப்பிய சந்தைகள் உட்பட) சரிந்து வந்ததால் நம் தேசிய சந்தை தன் உயரத்தை தக்க வைத்துக் கொள்ள முடியாமல் போய்விட்டது. மிக வலுவான Resistence Levelஆக நினைத்த 3500ஐ உடைத்து மீண்டும் உயர வாய்ப்பு உள்ளதாக நம் சந்தைகள் தெளிவுப் படுத்தி உள்ளதாகத்தான் நான் நினைக்கிறேன்.

ஆனாலும் இம்மாத F&O கடைசி நாள் நாளை (29/04/2009) என்பதால் நேற்றே நான் குறிப்பிட்டதுபோல இன்றைய சந்தையின் போக்கை கணிப்பது கடினம். உலக சந்தைகளும் அவ்வப்போது சிறிய Correctionஐ சந்தித்துக் கொண்டு உயரவே விரும்புகிறது. சந்தைகளின் உயர்வோடு Volumeம் ஏறிக்கொண்டு வருவது, சந்தை ஆரோக்கியப் பாதையை நோக்கித் திரும்புவதாகத்தான் நான் நினைக்கிறேன். சிறிது பொறுத்திருந்து பார்ப்போம். சந்தையின் வலு டெக்னிக்கல் ரீதியாகவும் வலுப்பெற்று உயரட்டும்.

இன்றைய தேசிய சந்தையின் டெக்னிக்கல் நிலைகள்,

3349 - 3392 - 3431 - 3474 - 3513 - 3556 - 3595
.

2009-04-27T10:30:00.001+08:00

போன வார ஆரம்பத்தில் மூன்று தினங்கள் நம் சந்தைகள் சிறிது சரிவை சந்தித்தாலும், வாரக்கடைசியில் இரண்டு நாட்கள் பெற்ற உயரத்தை தக்க வைத்துக் கொண்டுள்ளது.

வெள்ளியன்று முடிவடைந்த உலக சந்தைகளில் அமெரிக்க, ஐரோப்பிய சந்தைகள் போட்டிபோட்டுக் கொண்டு உயரத்தை தக்க வைத்துக் கொண்டுள்ளது. நம் சந்தைகளும் அதற்கு எள்ளளவும் சளைத்தது அல்ல என ஆசிய சந்தைகளில் மேடு பள்ளங்கள் அதிக அளவு காணப்பட்டாலும் நம் சந்தைகள் சிறந்த முறையில் உயர்ந்தே வந்துள்ளது.

சந்தையின் மிக வலுவான Support Levelஆக 3300 உள்ளதுபோல, சந்தை 3500ஐ கடந்து 3750க்கு மேல் நிலைக் கொள்ளும்போது 3500 ஒரு வலுவான Support Levelஆக இருக்கும் என நினைக்கிறேன். சந்தைகள் 200-Day Moving Averageஐ கடந்திருப்பது மிக முக்கியமான விஷயமாக இருந்தாலும், இப்போதைய சந்தை காளை சந்தையா? அல்லது Relief Rally இவ்வளவு நாள் தொடருமா என்ற சந்தேகமும் முழுமையாக யாருக்கும் தீரவில்லை. ஆகவே சந்தையின் போக்குக்குச் சென்று வர்த்தகம் செய்வதுதான் நல்லது.

Mr. Suresh, பொதுவாக இந்தியாவில் நடைபெறும் தேர்தல் மிகப்பெரிய அளவில் சந்தைகளை பாதிக்காது என்பது என் கருத்து. காரணம் நம் சந்தைகள் பெரும்பாலும் உலக சந்தைகளை பின்பற்றித்தான் செல்கின்றனவே தவிர தனக்கென்று ஒரு பாதையில் செல்லவில்லை. உதாரணமாக, அமெரிக்க சந்தைகள் மிக வலுவான நிலையில் முன்னேறி வருவதாகக் கொள்வோம், நம் சந்தைகள் என்ன செய்யும் தேர்தல் முடியட்டும் என உயராமல் சரிந்து விடுமா? மேலும் எந்த கட்சிகள் ஆட்சிக்கு வந்தாலும் பங்குச் சந்தைகளுக்கு சாதகான விஷயங்களைத்தான் ஆராய்ந்து நடைமுறைப்படுத்தும். ஒரு நாட்டின் முதுகெலும்பே தொழில்துறை என்றால் அதனுடைய முதுகெலும்பே பங்குச்சந்தைத்தானே?

பங்குச்சந்தை என்றாலே அதிக ரிஸ்க்கும், அதிக லாபமும் உள்ள இடம். ஆகவே Short Term Investment என்பது அவரவர்கள் பொருளாதார மற்றும் ரிஸ்க் எடுக்கும் நிலையைப் பொருத்தது. சந்தை எத்தனை முறை 3300 முதல் 3400 வரை ஆடியது எத்தனைபேர்கள் இதில் ரிஸ்க் எடுத்து சம்பாதித்திருப்பார்கள் அல்லது எத்தனை பேர்கள் இதில் ரிஸ்க் என்று ஒதுங்கி இருப்பார்கள்? So, சந்தையில் எந்த சூழ்நிலையிலும் சம்பாதிக்கலாம். அதற்குத்தேவை பணபலமும், மனபலமும்தான்.

சரி, இன்றைய சந்தையைப் பார்ப்போமா?

உலக சந்தைகள் வலுவான நிலையில் இருந்தாலும், காலையில் துவங்கும் ஆசிய சந்தைகளை பின்பற்றியே நம் சந்தைகள் துவங்கும். இந்த வாரம் F&O கடைசி வாரம் ஆகியதால் அதிக அளவு நம்மால் சந்தையை கணிக்க முடியாது. கூடியவரை ஏற்ற, இறக்கங்களுடனே சந்தையின் உயர்வுகள் இருக்கும் என நினைக்கிறேன். இம்மாத F&O கடைசி நாள் 29/04/2009 ஆகும்.

இன்றைய தேசிய சந்தையின் டெக்னிக்கல் நிலைகள்,

3337 - 3370 - 3425 - 3458 - 3514 - 3547 - 36022
.

Achieve Your Dreams A to Z

2009-04-25T19:30:00.001+08:00

Achieve Your Dreams A to Z

A - Avoid Negative Sources, Peoples, Things and habits.
B - Believe in Yourself.
C - Consider Things from Every Angle.
D - Don't Give Up and Don't Give In.
E - Enjoy Life Today, Yesterday Gone, Tomorrow May Never Come.
F - Family and Friends are Hidden treasures, Seek them and Enjoy their Riches.
G - Give More than you Planned to.
H - Hang on to your Dreams.
I - Ignore those who try to Discourage you.
J - Just Do it.
K - Keep Trying No matter how hard it seems - It will get easier.
L - Love yourself first and most.
M - Make it happen.
N - Never lie, cheat or steal; always strike a fair deal.
O - Open your eyes and see things as they really are.
P - Practice make Perfect.
Q - Quitters never Win; Winners Never Quit.
R - Read, Study and learn about everything important in your life.
S - Stop procrastinating.
T - Take control of your own destiny.
U - Understand yourself to better understand others.
V - Visualize it.
W - Want it more than anything.
X - Xcellarate your Efforts.
Y - You are unique of all God's creation, Nothing can replace you.
Z - Zero in on your Target and Go for it.

2009-04-24T10:30:00.000+08:00

நேற்றைய நம் சந்தைகள் ஆசிய சந்தைகளின் உயர்வுகளை பின்பற்றி மற்றும் நேற்று வெளியான கம்பெனிகளின் சாதகமான ஆண்டு அறிக்கைகளாலும் பெற்ற உயர்வை தக்க வைத்துக் கொள்ள முடிந்தது. முதல் நாள் நம் சந்தையின் உயர்வுக்கு ஆதரவு அளித்த ஐரோப்பிய சந்தைகள் நேற்றும் உயர்வை தொடர்ந்திருந்தால் நான் எதிர்ப்பார்த்த 3500ஐ இந்த வாரம் கடந்திருக்கும்.

நேற்றைய அமெரிக்க சந்தைகளில் அதிக அளவு Profit Booking காணப்பட்டாலும் தாம் பெற்ற உயர்வுகளை தக்க வைத்துக் கொண்டுள்ளது.

இன்று துவங்கிய ஆசிய சந்தைகளும் ஓரளவு சாதகமாகவே தொடர்கிறது. நம் சந்தைகள் அவற்றை பின்பற்றினாலும், வாரக்கடைசி நாள் ஆதலால் இன்று ஓரளவு ஏற்ற இறக்கம் காணப்படும் என நினைக்கிறேன்.

இன்றைய தேசிய சந்தையின் டெக்னிக்கல் நிலைகள்,

3213 - 3262 - 3343 - 3391 - 3472 - 3521 - 3602
.

2009-04-23T00:30:00.001+08:00

நேற்றைய எனது பதிப்பை அப்படியே மறுபதிவு செய்யலாமா என நினைக்கிறேன். நேற்றைய ஆசிய சந்தைகளில் ஜப்பான் சந்தையை தவிர அனைத்து சந்தைகளும் ஆரம்பத்தில் சிறிது உயர்ந்து பின் தன் உயர்வை தக்க வைத்துக் கொள்ள முடியாமல் போனது. இந்த செண்டிமெண்டில் நம் சந்தைகளும் விதிவிலக்கின்றி அவற்றின் வழியே சென்றது.

ஆனால் நேற்று மதியம் துவங்கிய ஐரோப்பிய சந்தைகளின் உயர்வால் நம் சந்தைகள் மேலும் சரிவது தடைப்பட்டது. மேலும் நம் தேசிய சந்தையில் 3300 மிக வலுவான சப்போர்ட் நிலையாக இருந்து வருவதும் ஒரு காரணமாகும்.

நேற்றைய ஐரோப்பிய, அமெரிக்க சந்தைகள் வலுவான நிலையில் முன்னேறி வருவது குறிப்பிடத்தக்கது. இன்றைய ஆசிய சந்தைகள் இதை பிரதிபலித்தால் நமது சந்தைகளும் உயர்வையே நோக்கி நகரும் என்பது என் எதிர்பார்ப்பு. என்னைப்பொருத்தவரை இந்த சிறிய அளவிலான சந்தையின் இறக்கம் என்பது சந்தை சந்திக்கும் ஒரு சிறிய Correctionதான். இந்த Correctionஐ சந்தித்துக் கொண்டே மேல் நோக்கி சிறிது சிறிதாக சந்தை நகரும் எனதான் நான் நினைக்கிறேன். நல்லதையே நினைப்போம் என்ன?

சந்தைகளின் இன்றைய டெக்னிக்கல் நிலைகள்,

3180 - 3239 - 3284 - 3343 - 3389 - 3447 - 3493
.

2009-04-22T00:45:00.001+08:00

நேற்றைய நமது சந்தைகள் எதிர்ப்பார்த்த சிறிய சரிவோடு தன் உயரத்தை தக்க வைக்கவே முயன்று வருகிறது. நேற்றைய ஆசிய சந்தைகள் மிக அதிக அளவில் சரிந்தும் நம் சந்தைகள் சிறிய சரிவையே சந்தித்தது முதலீட்டாளர்களுக்கு நம்பிக்கை ஊட்டும் விதமாக உள்ளது.

நேற்றைய ஐரோப்பிய, அமெரிக்க சந்தைகள் மீண்டும் உயர துவங்கியுள்ளது. இன்று ஆசிய சந்தைகளோடு, நம் சந்தைகளும் உயர்வை பின்பற்றும் என நினைக்கிறேன். சந்தைகள் உயரத்துவங்கினால் முக்கிய தடைநிலையான 3500 இந்த வாரத்தில் உடைபடும் என நினைக்கிறேன். இதற்கு உலக சந்தைகள் எந்த அளவிற்க்கு ஆதரவு அளிக்கும் என தெரியவில்லை.

நலம் விசாரித்த அனைத்து நெஞ்சங்களுக்கும் மிக்க நன்றி, இனிமேல் தடைபடாமல் உங்களுக்காக எழுத முயற்சிக்கிறேன்.

இன்றைய சந்தைகளின் டெக்னிக்கல் நிலைகள்,

3152 - 3258 - 3312 - 3363 - 3417 - 3468 - 3574

2009-04-21T00:20:00.000+08:00

நேற்றைய தினம் நமது சந்தைகள் உயரத்தை தக்க வைத்துக் கொள்ள முயன்றாலும், நேற்றைய அமெரிக்க, ஐரோப்பிய சந்தைகள் மிக அதிக அளவில் Profit Bookingஐ சந்தித்திருப்பதால், நமது சந்தையும் இன்று ஒரு Correctionஐ சந்திக்கும் என நினைக்கிறேன்.

எனது முந்தைய பதிவுகளில் நான் வலியுறுத்தியதுப் போல குறைந்த அளவு லாபம் கிடைத்ததும் (10% முதல் 20% வரை) வெளியேறுவதுதான் புத்திசாலித்தனம். அதைவிடுத்து அதிக அளவுக்கு ஆசைப்படும்போதுதான் நஷ்டமே ஆரம்பமாகின்றது. பங்குச்சந்தை என்பதை பலர் குதிரைப் பந்தையத்திக்கும், சூதாட்டத்திற்க்கும் ஒப்பிட்டாலும் எனது ஒப்பீடு இது ஒலிம்பிக் தீபம் கொண்டு செல்பவர்களைப்போன்றது...ஒருவர் லாபம் பார்த்து அடுத்தவரிடம் விற்று அவரும் லாபம் பார்த்து...

சந்தைகள் ஒரு முக்கிய தடைநிலையை 3500ஐ உடைத்து முன்னேற முயற்சிக்கையில் சிறிது பின்னோக்கி முன்செல்வதுதான் இயல்பு. ஆகவே ஒரு சிறிய Correctionஐ சந்தித்துவிட்டு பின் உயரவே சந்தைகள் முயற்சிக்கும்.

இன்றைய சந்தைகளின் டெக்னிக்கல் நிலைகள்,

3182 - 3284 - 3330 - 3386 - 3432 - 3487 - 3589
.

2009-04-13T23:46:00.000+08:00

மன்னிக்கவும். சில முக்கிய வேலைகள் காரணமாக வெளிநாடுகள் செல்வதால் என்னால் ப்ளாக்கை அப்டேட் செய்ய முடியாமல் போய் விட்டது. வேலைகளை முடித்துவிட்டு மறுபடியும் தொடரும் என்பதை அன்புடன் தெரிவித்துக் கொள்கிறேன். தயவுசெய்து சிரமத்திற்கு மன்னிக்கவும்.

என்றும் அன்புடன்,
ஜாஃபர்.

2009-04-08T00:30:00.000+08:00

திங்களன்று எதிர்ப்பார்த்த ஒரு முக்கிய Profit Bookingஐ இன்றைய தினம் நாம் எதிர்பார்க்கலாமா? உலக சந்தைகள் எல்லாம் நேற்று சிறிது சரிவை சந்தித்துள்ளது. நேற்றைய நம் சந்தை விடுமுறை என்பதால் அந்த நிகழ்வு இன்று நடக்க வாய்ப்புள்ளது.

சந்தைகள் இந்த Profit Bookingஐ எவ்வாறு எதிர் கொள்ளப் போகின்றது என பார்ப்போம். சந்தை ஏறிக்கொண்டே போவதும் ஆபத்தானதுதான். ஆகவேதான் அவ்வப்போது சிறிது Correctionஐ சந்தித்துக் கொண்டே ஏறி செல்வதை நான் விரும்புகிறேன்.

என்னுடைய நிலைப்பாடு இன்றும் ஒன்றுதான் சந்தை சிறிய Correctionஐ சந்தித்து விட்டு தன் மேல் நோக்கிய பயணத்தை தொடரும் என்பதுதான். அதுதான் எல்லோருடைய ஆசையும் கூட அல்லவா?

இன்றைய சந்தைகளின் டெக்னிக்கல் நிலைகள்,

3118 - 3165 - 3211 - 3257 - 3303 - 3350 - 3396
.

2009-04-06T00:00:00.002+08:00

உயரத்துடிக்கும் சந்தைகள், ஆனாலும் இழுக்கத்துடிக்கும் கரடியின் கைகள். உலக சந்தைகளின் உதவியோடு நம் சந்தைகளும் உயர்ந்து வருவது மற்றும் உயர்வோடுகூடிய Volumeம் ஏறிவருவது சந்தோஷமான ஒன்று அல்லவா?

டெக்னிக்கல் நிலவரப்படி சந்தை சிறிது ஆபத்தான நிலைகளை கடந்து இருக்கிறது. மிக நீண்ட நாட்களுக்குப்பிறகு ஒரு அசுரத்தனமான ஆனாலும் மிக நிதானமான நிலையில் சந்தைகளின் உயர்வுகள் தொடர்வது நல்ல ஆரம்பம்.

ஆனாலும் ஒன்றை சொல்லியே ஆக வேண்டும், சந்தை 3500ஐ கடந்து மேலே செல்லும்போது (உலக சந்தைகளும் உதவிடும்பட்சத்தில்) அதன் தடைநிலைகள் அனைத்தும் அவற்றிற்கே சாதகமாக அமையும் என்பதை நான் சொல்லவில்லை, டெக்னிக்கல் சொல்கிறது.

இன்றைய சந்தைகள் ஆசிய சந்தைகளைத்தான் பின்பற்றும் என்றாலும், நம் சந்தைகள் சிறிய அளவில் ஒரு Profit Bookingஐ சந்திக்க நிறைய வாய்ப்பு உள்ளது என்றாலும் எனது முந்தைய பதிவுகளில் சொன்னது போல அவ்வப்போது சிறிய அளவில் Correctionஐ சந்தித்துக் கொண்டே மேல் நோக்கிய தன் நகர்வுகளை தொடரும் என்பது என் எதிர்ப்பார்ப்பு.

இன்றைய சந்தைகளின் டெக்னிக்கல் நிலைகள்,

2832 - 2999 - 3105 - 3167 - 3273 - 3335 - 3502

.

படித்ததில் பிடித்தது

2009-04-05T08:30:00.000+08:00

எங்கோ படித்தது ஆனால் எப்போதும் உபயோகப்படுவது...

1. பேசும்முன் கேளுங்கள், எழுதும்முன் யோசியுங்கள், செலவழிக்கும்முன் சம்பாதியுங்கள்.

2. சில சமயங்களில் இழப்புதான் பெரிய ஆதாயமாக இருக்கும்.

3. யாரிடம் கற்கிறோமோ அவரே ஆசிரியர். கற்றுக்கொடுப்பவரெல்லாம் ஆசிரியர் அல்லர்.

4. நான் மாறும்போது தானும் மாறியும், நான் தலையசைக்கும்போது தானும் தலையசைக்கும் நண்பன் எனக்குத் தேவையில்லை. அதற்கு என் நிழலே போதும்!

5. நோயை விட அச்சமே அதிகம் கொல்லும்!

6. நான் குறித்த நேரத்திற்குக் கால்மணி நேரம் முன்பே சென்று விடுவது வழக்கம். அதுதான் என்னை மனிதனாக்கியது.

7. நம்மிடம் பெரிய தவறுகள் இல்லை எனக் குறிப்பிடுவதற்கே, சிறிய தவறுகளை ஒப்புக்கொள்கிறோம்!

8. வாழ்க்கை என்பது குறைவான தகவல்களை வைத்துக்கொண்டு சரியான முடிவுக்கு வரும் ஒரு கலை.

9. சமையல் சரியாக அமையாவிடில் ஒருநாள் இழப்பு. அறுவடை சிறக்காவிடில் ஒரு ஆண்டு இழப்பு. திருமணம் பொருந்தாவிடில் வாழ்நாளே இழப்பு.

10. முழுமையான மனிதர்கள் இருவர். ஒருவர் இன்னும் பிறக்கவில்லை. மற்றவர் இறந்துவிட்டார்.

11. ஓடுவதில் பயனில்லை. நேரத்தில் புறப்படுங்கள்.

12. எல்லோரையும் நேசிப்பது சிரமம். ஆனால் பழகிக்கொள்ளுங்கள்.

13. நல்லவர்களோடு நட்பாயிரு. நீயும் நல்லவனாவாய் இரு.

14. காரணமே இல்லாமல் கோபம் தோன்றுவதில்லை. ஆனால் காரணம் நல்லதாய் இருப்பதில்லை.

15. இவர்கள் ஏன் இப்படி? என்பதை விட, இவர்கள் இப்படித்தான் என எண்ணிக்கொள்.

16. யார் சொல்வது சரி என்பதல், எது சரி என்பதே முக்கியம்.

17. ஆயிரம் முறை சிந்தியுங்கள். ஒருமுறை முடிவெடுங்கள்.

18. பயம்தான் நம்மைப் பயமுறுத்துகிறது. பயத்தை உதறி எறிவோம்.

19. நியாயத்தின் பொருட்டு வெளிப்படையாக ஒருவருடன் விவாதிப்பது சிறப்பாகும்.

20. உண்மை புறப்பட ஆரம்பிக்கும் முன் பொய் பாதி உலகத்தை வலம் வந்துவிடும்.

21. உண்மை தனியாகச் செல்லும். பொய்க்குத்தான் துணை வேண்டும்.

22. வாழ்வதும் வாழ்விடுவதும் நமது வாழ்க்கைத் தத்துவங்களாக ஆக்கிக்கொள்வோம்.

23. தன்னை ஒருவராலும் ஏமாற்ற முடியாது எனச் செருக்கோடு இருப்பவனே கண்டிப்பாக ஏமாந்து போகிறான்.

24. உலகம் ஒரு நாடக மேடை ஒவ்வொருவரும் தம் பங்கை நடிக்கிறார்கள்.

25. செய்வதற்கு எப்போதும் வேலை இருக்கவேண்டும் . அப்போது தான் முன்னேற முடியும்.

26. அன்பையும் ஆற்றலையும் இடைவிடாது வெளிப்படுத்துகிறவர் ஆர்வத்துடன் பணிபுரிவர்.

27. வெற்றி பெற்றபின் தன்னை அடக்கி வைத்துக்கொள்பவன், இரண்டாம் முறையும் வென்ற மனிதனாவான்.

28. தோல்வி ஏற்படுவது அடுத்த செயலைக் கவனமாகச் செய் என்பதற்கான எச்சரிக்கை.

29. பிறர் நம்மைச் சமாதானப்படுத்த வேண்டும் என்று எதிர்பார்க்காமல், நாம் பிறரைச் சமாதானப்படுத்த முயற்சிக்க வேண்டும்.

30. கடினமான செயலின் சரியான பெயர்தான் சாதனை. சாதனையின் தவறான விளக்கம் தான் கடினம்.

31. ஒன்றைப்பற்றி நிச்சயமாக நம்ப வேண்டுமென்றால் எதையும் சந்தேகத்துடனே துவக்க வேண்டும்.

32. சரியானது எது என்று தெரிந்த பிறகும் அதைச் செய்யாமல் இருப்பதற்குப் பெயர்தான் கோழைத்தனம்.

33. ஒரு துளி பேனா மை பத்து இலட்சம் பேரைச் சிந்திக்க வைக்கிறது.

நன்றி: திரு. ஆனந்த் தாமஸ் அவர்கள், அலங்காநல்லூர்.

.

2009-04-02T07:30:00.001+08:00

சந்தைகள் மீண்டும் உயர ஆரம்பித்ததோடு, அவைகள் பெற்ற உயரத்தையும் தக்க வைத்துக் கொள்ள போராடி வெற்றியும் பெற்று வருவதை அனைவரும் கவனித்திருக்கலாம். உலக சந்தைகளோடு, நம் சந்தைகளும் ஒரே மாதிரியாக பின்பற்றிக் கொண்டுள்ளது.

சந்தைகள் வெறும் உயர்வோடு மட்டும் அல்லாமல், அவற்றின் Volumeம் உயர்ந்து வருவது குறிப்பிடத்தக்கது. ஆனாலும் சந்தைகள் ஒரேயடியாக உயராமல் படிப்படியாக அவ்வப்போது ஒரு Profit Bookingஐ சந்திப்பதால் ஒரு சிறு சரிவையும் சந்தித்துக் கொண்டே உயரும் என நினைக்கிறேன்.

நேற்றைய புதிய கணக்குகள் நல்ல முறையில் துவங்கியிருப்பதாகவே எண்ணுகிறேன். அவற்றிற்கு உலக சந்தைகளோடு நம் சந்தைகளின் உயர்வே சாட்சி. அனைவரும் எண்ணுவதுபோல இந்த உயர்வு Short Coveringஆல் ஏற்பட்ட உயர்வு என என்னால் நினைக்க முடியவில்லை. Short Coveringஆல் ஏற்பட்ட உயர்வு என்றால் உயர்ந்த உடனேயே மீண்டும் சந்தை இறங்க ஆரம்ம்பித்து விடும். ஆனால் இந்த உயர்வு ஆரோக்யமான பலம் பொருந்திய உயர்வு எனதான் நான் நினைக்கிறேன்.

ஆனாலும் முதலீட்டாளர்கள் அவசரப்படாமல் சிறிது பொருத்திருந்து சந்தை 3500க்கு மேல் என்ன நிலைப்பாடு கொள்கிறது என்பதைப்பொருத்து நம் அடுத்தக் கட்ட நடவடிக்கை எடுக்கலாம். அதுவரை அவசரப்படாமல் பணத்தை பத்திரமாக வைத்திருப்பதுதான் நல்லது என நான் நினைக்கிறேன்.

இன்றைய சந்தைகள் நேற்றைய அமெரிக்க, ஐரோப்பிய சந்தைகளின் உயர்வால் இன்று ஆசிய சந்தைகளும் உதவினால் உயர துவங்கும் என நினைக்கிறேன்.

இன்றைய சந்தைகளின் டெக்னிக்கல் நிலைகள்,

2891 - 2928 - 2994 - 3032 - 3098 - 3135 - 3201
.

2009-04-01T08:52:00.003+08:00

உலக சந்தைகள் மீண்டும் உயர ஆரம்பித்துள்ளது. நான் ஏற்கனவே என் முந்தைய பதிவுகளில் குறிப்பிட்டதுபோல சந்தைகள் அவ்வப்போது தேவைப்படும் Correctionஐ சந்தித்துக் கொண்டே மேலேறி செல்லும் என நினைக்கிறேன்.

சந்தைகளில் சிறு, சிறு விஷயங்கள் சலனத்தை ஏற்படுத்தும் என்றாலும், எனக்கென்னவோ சந்தையின் பலம் நாளுக்கு நாள் கூடி வருவதாகத்தான் நினைக்கிறேன். பார்ப்போம் இப்போதைக்கு எந்த முடிவும் எடுக்க முடியாது. நாம் சரிவில் ஏதேனும் வாங்கி இருந்தால் 10% முதல் 15% லாபம் கிடைத்தால் வெளியேறி விடலாம். சந்தை 3500க்கு மேல் நிலை பெறும்போது அடுத்தக் கட்ட நடவடிக்கை எடுக்கலாம் என்பது என் எதிர்பார்ப்பு.

இன்றைய ஆசிய சந்தைகளும் உயர்வுடன் காணப்படுவதால் நம் சந்தைகளும் உயர துவங்கும். இந்த வருட Financial Yearன் முதல் நாள் இன்று. இன்றைய நாளின் துவக்கத்தைப்பார்ப்போம்.

இன்றைய நாளின் டெக்னிக்கல் நிலைகள்,

2886 - 2926 - 2973 - 3014 - 3061 - 3102 - 3149

2009-03-31T09:34:00.003+08:00

நேற்றைய தினம் அமெரிக்க, ஐரோப்பிய சந்தைகள் Selling Pressureஐ சந்தித்தது. ஆசிய சந்தைகளோடு நம் சந்தைகளும் விதி விலக்கல்ல.

சந்தை மிக அதிக அளவாக உயர்ந்துள்ளபோது இம்மாதிரியான Selling Pressure/ Profit Booking அதிக அளவில் இருப்பது இயல்பான விஷயம்தான். இதனை சந்தை எவ்வாறு எதிர் கொள்ளப்போகின்றது என்பதை பொருத்துத்தான் சந்தையின் அடுத்தக் கட்ட நகர்வுகளை தீர்மானிக்க முடியும்.

ஆனால் இன்று துவங்கிய ஆசிய சந்தைகளில் மந்தமான ஆனால் சிறிது ஏற்றம் காணப்படுகிறது. மார்ச் மாத 30, 31ல் FIIக்களோ அல்லது DIIக்களோ அதிக அளவில் வியாபாரத்தில் ஈடுபாடு காட்டுவார்களா என்று தெரியவில்லை. நாமும் இவ்விரு தினங்களில் சந்தையை விட்டு விலகி வேடிக்கைப் பார்ப்பதுதான் நல்லது என நினைக்கிறேன். சந்தை இன்று மேடு, பள்ளத்துடன் பயணிக்கும் என நினைக்கிறேன்.

இன்றைய சந்தைகளின் டெக்னிக்கல் நிலைகள்,

2776 - 2869 - 2924 - 3017 - 3071 - 3165 - 3219

2009-03-30T08:30:00.000+08:00

கடந்த வாரத்தில் நம் சந்தை மிகவும் கடினமானதாக எதிர்பார்க்கப்பட்ட 3000 முதல் 3100 அளவிலான புள்ளிகளை கடந்து தக்க வைத்துக்கொண்டிருப்பது சந்தையின் பலம் நாளுக்கு நாள் கூடிக்கொண்டிருப்பதையே காட்டுகிறது.

ஆனால் வெள்ளியன்று அமெரிக்க, ஐரோப்பிய சந்தைகளின் Profit Booking அநேகமாக இன்றைய நம் சந்தையிலும் பிரதிபலிக்கக்கூடும் என்றாலும் துவங்கும் ஆசிய சந்தைகளை பின்பற்றியே நம் சந்தைகள் தம் உயர்வையும், தாழ்வுகளையும் முடிவு செய்யும்.

சந்தைகள் மிகவும் விற்ற நிலையில் இருப்பதாகக் கொண்டாலும், இடையிடையே சில Profit Booking மூலம் சிறிதளவு Correctionஐ சந்தித்துக் கொண்டே சந்தை தன் மேல் நோக்கிய பயணத்தை தொடரும் என்பது என் எதிர்பார்ப்பு.

இந்தியாவில் நடைபெறப்போகும் Election சந்தைகளின் வேகத்தை தடுக்கும் என்பதில் எனக்கு உடன்பாடில்லை. காரணம் நம் சந்தைகள் உலக சந்தைகளை பின்பற்றியே தன் நகர்வுகளை தொடரும்போது, நமது Election வேகத்தைதான் மட்டுப்படுத்துமே தவிர, உயர்வை தடை செய்ய முடியாது என்பது என் நிலைப்பாடு.

அன்பு நண்பர் திரு. வாசவன் அவர்கள் தம் வலையில் உலாவும் வாசவன் என்ற வலைப்பூவில் நம் வலைப்பூவைப்பற்றி தம் கருத்தை இவ்வாறு

எழுதியதற்க்கு நன்றி தெரிவித்துக்கொள்கிறேன். உங்களுடைய அன்பும், ஆதரவும்தான் என்னை மென்மேலும் கவனமாக எழுதத் தூண்டுகிறது.

கடந்த மூன்று நாட்களாக எங்கள் பிராட்பேண்ட் இணைப்பில் ஏற்பட்ட கோளாறு காரணமாக என்னால் பதிவேற்ற முடியவில்லை. என் பதிவுகள் இல்லை என்றாலும் இந்த வலைப்பூவிற்க்கு தினமும் வருகை புரிந்தவர்களுக்கும், என்னை நலம் விசாரித்த அன்பு நெஞ்சங்களுக்கும் நன்றியினை தெரிவித்துக் கொள்கிறேன்.

இன்றைய சந்தைகளின் டெக்னிக்கல் நிலைகள்,

3001 - 3026 - 3066 - 3096 - 3136 - 3163 - 3203
.

படித்ததில் பிடித்தது

2009-03-28T19:00:00.000+08:00

வெற்றி வேண்டுமா?

எல்லோரும் மற்றவர்களைப் பார்த்து உங்கள் வெற்றியின் ரகசியம் என்ன? என்று கேட்கத் துடிப்பார்கள். அது மட்டுமல்ல பலர், வெற்றி பெற்றவர்களைப் பார்த்து, அவரின் வெற்றியின் ரகசியம் என்னவாக இருக்கும்? யாரோ பலே பார்ட்டியின் சப்போர்ட் இருக்கும் போல… இல்லேன்னா எப்படி வெற்றியை இவ்வளவு எளிதில் அடைந்து இருக்க முடியும்' என்று தலையைப் பிய்த்துக் கொள்வதும் உண்டு. இதோ அந்த ரகசியம் உங்களுக்கு மட்டும்!!

ஒரு மகாராஜா தன் அரண்மனையில் மிகச் சிறந்த சேவல் ஓவியத்தை வைக்க நினைத்தார். மன்னனின் ஆசை காட்டுத் தீ போல் எல்லா ஊரிலும் பரவியது. ஏத்தனையோ ஓவியங்கள் வந்தும் அவற்றில் மன்னனுக்கு முழுத் திருப்தி ஏற்படவில்லை. மற்ற நாடுகளில் உள்ள ஓவியர்களுக்காக ஒரு போட்டி வைத்தார் மன்னர்.

அவரது ஆசை போல், மற்ற நாட்டு ஓவியர்கள் வரைந்த படங்கள் மன்னரின் பார்வைக்காக வைக்கப்பட்டன. மன்னர் தான் குழந்தையாக இருந்த போது தனக்கு ஓவியம் கற்றுக் கொடுத்த அந்த வயதான ஓவிய ஆசிரியரை இப்போட்டியின் நீதிபதியாக நியமித்தார்.

எல்லா ஓவியங்களையும் பார்த்த அந்த வயதான ஆசிரியர் மீண்டும் ஒருமுறை ஓவியங்களைப் பார்த்தார். கன்னத்தைத் தடவிய படியே நடந்த அவரிடம், மன்னர்.

"என்ன சிறந்த சேவல் ஓவியத்தைத் தேர்வு செய்து விட்டீர்களா?" என ஆசையாகக் கேட்டார். "இந்தப் போட்டிக்கு இதில் எந்த ஓவியமும் தகுதி ஆனது இல்லை" என்றார். ஆசிரியர் அமைதியாக, எல்லோரும் வாயடைத்துப் போனார்கள். சிறிது நேரத்திற்குப் பிறகு, "இந்த ஓவியங்கள் வைத்த அறையில், சேவல்களை விடுவோம். ஒரே இனத்தைச் சேர்ந்த மற்ற சேவலைப் பார்த்ததும், சேவலுக்குச் சண்டை போடத் தோன்றும். அப்படி எந்தச் சேவல், எந்த ஓவியத்தைப் பார்த்துச் சண்டை போடத் துவங்குகிறதோ, அந்த ஓவியம்தான் மிகச் சிறந்த ஓவியம் என்று முடிவு செய்வோம்" என்றார் அந்த ஓவிய ஆசிரியர்.

அவரது வார்த்தைக்கு மறு வார்த்தை பேசாமல், மன்னர் அந்த அறையில் நிறைய சேவல்களைக் கொண்டு வந்து விட கட்டளை பிறப்பித்தார். ஆனால் வந்த சேவல்கள் எந்த ஓவியத்தையும் பார்த்துச் சண்டை போடாமல், நேரே வெளியே வந்தன.

மன்னர் மனம் தளராமல், "சேவல்களைச் சண்டை போடத் தூண்டும் அந்த ஓவியத்தை நீங்கள் ஏன் வரையக்கூடாது?" என ஓவிய ஆசிரியரைப் பார்த்துக் கேட்டார்.

"மன்னர் உங்கள் சித்தம். ஆனால் எனக்கு ஆறு மாத கால அவகாசம் தேவை" என்றார் முதியவர். மன்னரும் சரி என்று "ஆறு மாதம் கழித்து, இதே அறையில் இப்போட்டி நடக்கட்டும்" என்று கட்டளை பிறப்பித்தார். காலம் சுற்றியது. சரியாக ஆறு மாதம் ஆனதும், அதே அறையில் எல்லா ஓவியர்களும் மீண்டும் கூடினார்கள். ஆனால் அந்த முதியவர் கையில் எந்த ஓவியத்தையும் கொண்டு வரவில்லை. மன்னர் இதைப் பார்த்து அதிர்ச்சி அடைந்தார்.

"மன்னா ! இப்போது இங்கேயே அரை மணியில் வரைகிறேன். எனக்கு அதற்கான உபகரணங்கள் தேவை" என்று முதியவர் கூறியதும், அனைத்தும் வந்து சேர்ந்தன. ஓவியர் கடகடவென ஓவியத்தை வரைந்தார். பிறகு அதை மற்ற ஓவியங்களோடு வைத்தார். மீண்டும் அந்த அறைக்குச் சேவல்கள் அனுப்பப்பட்டன. எல்லோரும் மிக ஆவலாகக் காத்திருக்க, அவரது ஓவியத்தைப் பார்த்து ஒரு சேவல் அதில் வரையப்பட்டிருந்த சேவலை நிஜ சேவலாக நினைத்துச் சண்டைக்குப் போனது ! அப்போட்டியில் வெற்றி பெற்றது இவரது ஓவியம்தான் !

மன்னனுக்கு ரொம்ப சந்தோஷம். "உங்கள் வெற்றியின் ரகசியம் என்ன? ஏன் ஆறு மாத காலம் உங்களுக்குத் தேவைப்பட்டது? இருப்பினும், நீங்கள் அப்போது எதுவும் வரையாமல், கடைசியில் வரைய அரைமணி நேரம் ஏன் கேட்டீர்களா?" என மன்னர் அந்த முதியவரிடம் கேட்டார்.

"மன்னா, கடந்த ஆறு மாதமாக நான் கோழி, சேவல்களோடு வாழ்ந்தேன் . அவை எப்படி உணவு உண்கிறதோ, அதுபோன்றே நானும் உணவு உட்கொண்டேன். அவை எப்படி நடக்கிறதோ அது போலவே நானும் நடந்தேன். அவை எப்படி தூங்குகிறதோ அது போலவே நானும் தூங்கினேன். நானே கோழியாக ஒன்றிப்போய் கோழியாகவே மாறி விட்டேன். அதற்குப் பிறகுதான் நான் அந்த சேவல் படத்தை வரைந்தேன்" என்று அந்த முதியவர் கூறினார்.

ஆகவே ஒரு காரியத்தில் ஒன்றிப் போதல் என்பது மிகவும் அவசியம். வெற்றியின் ரகசியம் ஈடுபட்ட காரியத்தில் ஒன்றிப் போவதுதான். அது எந்தக் காரியமாக இருந்தாலும் முழு ஈடுபாடும், ஒன்றிப் போவதும் முக்கியம்.

நன்றி: ஜனாப் Mohamed Abu Shaikh அவர்கள்.

2009-03-26T08:49:00.001+08:00

மன்னிக்கவும். இரண்டு நாட்களாக எங்கள் பிராட்பேண்ட் இணைப்பில் ஏற்ப்பட்டுள்ள கோளாறு காரணமாக பதிவுகளை எழுத முடியவில்லை. சரி செய்வதற்க்கு முயன்று வருகிறோம். வரும் திங்கள் முதல் வழக்கம்போல பதிவுகள் வெளிவரும். சிரமத்திற்க்கு மன்னிக்கவும்.

என்றும் அன்புடன்,
Jaffer

2009-03-24T07:14:00.003+08:00

நேற்றைய சந்தைகளின் உயர்வுகள், மீண்டும் ஒருமுறை சந்தை தன் பலவீனத்திலிருந்து மீண்டு உயர்வை நோக்கி செல்ல தன் பலத்தை நிரூபிப்பதுபோல இருக்கின்றது. சந்தைகளின் உயர்வோடு Volumeம், உயர்வு புள்ளிகளின் விகிதாச்சாரமும் உயர்வது சந்தைகளின் உயர்வை துரிதப்படுத்துகிறது.

வெள்ளியன்று அமெரிக்க சந்தைகளின் சரிவால் நேற்றைய நம் சந்தை சிறிது Correctionஐ சந்தித்துவிட்டு பின் உயர்வை தொடரும் என நினைத்தேன், ஆனால் இதுவரை தடைநிலையாக விளங்கிய 2820 - 2840ஐ பலமான ஆசிய சந்தைகளின் உயர்வோடு தாண்டியது மிகவும் நல்ல விஷயம்.

நேற்றைய உலக சந்தைகள் (அமெரிக்கா மற்றும் ஐரோப்பா) மிகவும் பலமான முறையில் உயர்வில் முடிந்திருப்பது இன்றைய ஆசிய சந்தைகளிலும் தொற்றிக்கொள்ளும்பட்சத்தில், நம் சந்தைகளும் உயர்வை நோக்கியே தன் பயணத்தை தொடரும் என்பது என் எதிர்பார்ப்பு.

இன்றைய சந்தைகளின் டெக்னிக்கல் நிலைகள்,

2706 - 2756 - 2848 - 2899 - 2991 - 3041 - 3133

2009-03-23T00:30:00.000+08:00

வெள்ளியன்று அமெரிக்க சந்தைகள் சரிந்திருப்பது, இவ்வளவு நாள் நம் சந்தை உயர துடித்ததை இன்று மட்டுப்படுத்தவே செய்யும் என்றாலும் நம் சந்தைகள் முழுவதும் சரிவதற்க்கு ஆயத்தமாகவில்லை என்றுதான் நான் நினைக்கிறேன்.

F&O Expiry வேறு நெருங்கி வருவதால் சந்தையில் ஏற்றமும், இறக்கமும் எதிர்ப்பார்ப்புக்கு மாறாக நடக்க வாய்ப்பு உள்ளது. ஆகவே சிறிதளவு லாபம் கிடைத்தாலும், லாபத்தை உறுதி செய்துக்கொள்வதுதான் நல்லது. இது முக்கியமாக தின வர்த்தகர்களுக்கு பொருந்தும்.

இன்று காலை துவங்கும் ஆசிய சந்தைகளை கவனித்துக்கொள்ளுங்கள், மதியம் 1.30 மணிக்கு மேல் துவங்கும் ஐரோப்பிய சந்தைகளையும் கவனித்துக்கொள்ளுங்கள். இன்று குழப்பமான சூழ்நிலையில் இந்த இரண்டு சந்தைகளுமே நம் சந்தையின் போக்குகளை தீர்மானம் செய்யும். அநேகமாக இன்று சந்தை சிறிது Correctionஐ சந்திக்க நேரிடும் எனறே நினைக்கிறேன். ஆகவே இன்று சந்தை சிறிதளவு சரியக்கூடும்.

// NMP said...

வணக்கம் ஜாஃபர்,

எப்பொழுதும் Resistance ஐ பச்சை நிறத்தைலும்,Support ஐ சிவப்பு நிறத்திலும் கொடுப்பது தானே வழக்கம். உங்களின் போக்கு வித்தியாசமாக இருந்தாலும் நன்றாக உள்ளது.

நன்றி

NMP//

நன்றி திரு. NMP அவர்களே, பொதுவாக அறிவியல் முறைப்படி ரெஸிஸ்டென்சை சிவப்பில் குறிப்பிடுவது வழக்கம். ஆகவேதான் ரெஸிஸ்டென்சை நான் சிவப்பு நிறத்திலும், சப்போர்ட் லெவலை பச்சை நிறத்திலும் குறிப்பிடுகிறேன். திரு. வாரன் பஃபெட் என்ன சொல்கிறார், “எல்லோரும் விற்கும்போது வாங்குங்கள், எல்லோரும் வாங்கும்போது விற்று விடுங்கள்” . சப்போர்ட் லெவலை (பச்சை நிறத்தில்) வாங்குவதற்கும், ரெஸிஸ்டென்ஸ் லெவலை (சிவப்பு நிறத்தில்) விற்ப்பதற்க்கும் ஏற்றவாறே கொடுத்திருக்கிறேன். நான் கொஞ்சம் எதார்த்தவாதி ஆகவே வித்தியாசமாக இருக்கட்டுமே.

இன்றைய சந்தையின் டெக்னிக்கல் நிலைகள்,

2739 - 2756 - 2782 - 2799 - 2824 - 2841 - 2867

படித்ததில் பிடித்தது...

2009-03-21T22:30:00.000+08:00

அமெரிக்காவை சேர்ந்த ஐயா பில்கேட்ஸுக்கு, இந்தியாவை சேர்ந்த சர்தார்ஜி எழுதிக் கொண்டது.

சமீபத்தில் நாங்கள் ஒரு கம்ப்யூட்டரும் விண்டோஸ் சாப்ட்வேரும் வாங்கினோம். அதில் சில பல பிழைகள் உள்ளதாக அறிகிறோம். அவற்றை உங்கள் கவனத்திற்கு உடனடியாகக் கொண்டு வருவதில் மிக்க பெருமிதமடைகிறோம்.

1. இண்டெர்நெட் கனெக்ட் செய்தபிறகு, ஹாட்மெயிலில் அக்கவுண்ட் உருவாக்க முயற்சி செய்தோம். ஃபார்மில் எல்லா விபரங்களையும் சரியாகக் கொடுத்துவிட்டோம். ஆனால் பாஸ்வேர்ட் கேட்குமிடத்தில் நாங்கள் என்ன டைப் செய்தாலும் ***** என்று மட்டுமே தெரிகிறது. நாங்கள் இங்கு லோக்கல் சர்வீஸ் எஞ்சினியரிடம் விசாரித்ததில், அவர் கீபோர்டைச் செக் பண்ணிவிட்டு கீபோர்டில் ப்ராப்ளம் இல்லை எனக்கூறிவிட்டார். எனவே இதை விரைந்து சரிசெய்யுங்கள்.

2. விண்டோஸில் "Start" என்னும் பட்டன் உள்ளது. ஆனால் "Stop" பட்டன் இல்லை. அதையும் சேர்த்துவிடுங்கள்.

3. "Run" மெனுவை எனது நண்பர் ஒருவர் தவறுதலாகக் கிளிக் செய்து விட்டதில் அவர் சண்டிகருக்கே ரன் ஆகிவிட்டார். எனவே, அதை "sit" என மாற்றிவிடுங்கள். அப்போதுதான் எங்களால் உட்கார்ந்து வேலை செய்யமுடியும்.

4. "Recycle Bin" என்பதை "Rescooter Bin" என மாற்றவேண்டும். ஏனென்றால் என்னிடம் சைக்கிள் இல்லை, ஸ்கூட்டர்தான் உள்ளது.

5. "Find" பட்டன் சரியாக வேலை செய்யவில்லை என நினைக்கிறேன்.எனது மனைவி அவளது கார் சாவியைத் தொலைத்துவிட்டதால் "Find*" *மெனுவிற்குச் சென்று தேடினோன். ஆனால் கண்டுபிடிக்கமுடியாது என்று கூறிவிட்டது. இது ஒரு எர்ரர் என நினைக்கிறேன். தயவு செய்து அதை சரிசெய்து எனது கீயைக் கண்டுபிடித்துத் தாருங்கள்.

6. தினமும் நான் தூங்கும் போது மவுஸை பூனைக்குப் பயந்து என்னுடன் வைத்துக்கொண்டு தூங்குகிறேன். எனவே Mouse தரும்போது கூடவே ஒரு Dog தரவும், பூனையை விரட்டுவதற்கு.

7. நான் தினமும் "Hearts*" *விளையாடி ஜெயித்துக்கொண்டிருக்கிறேன். எனக்கு எப்போது நான் ஜெயித்த பணத்தைத் தருவீர்கள்? சில நேரங்களில் தோற்றிருக்கிறேன். உங்கள் பணத்தை எப்போது வந்து வாங்கிக்கொள்கிறீர்கள்?

8.என்னுடைய குழந்தை "Microsoft word" கற்று முடித்து விட்டான். நீங்கள் எப்போது "Microsoft sentence" ரிலீஸ் செய்யப்போகிறீர்கள்? என்னுடைய குழந்தை மிகவும் ஆவலாக உள்ளான்.

9. நான் கம்ப்யூட்டர், மானிட்டர், கீபோர்டு, மவுஸ் என அனைத்தையும் விலைகொடுத்து வாங்கியிருக்கிறேன். ஆனால் டெஸ்க்டாப்பில் "My Computer" ஐகான் மட்டும் உள்ளது. மிச்சத்தை எங்கே?

10. என்னுடைய கம்ப்யூட்டரில் "My pictures*"* என்று ஒரு ஃபோல்டர் உள்ளது. அதில் என்னுடைய போட்டோவைக் காணவில்லையே? எப்பொழுது அதைப் போடப்போகிறீர்கள்?

11. "Microsoft Office" இன்ஸ்டால் செய்துவிட்டேன். என்னுடைய மனைவி "Microsoft Home" கேட்கிறாள். நான் என்ன செய்யட்டும்?

உங்களின் பதிலை அன்புடன் எதிர்ப்பார்க்கிறோம்.

தங்களின் அன்புள்ள,
சர்தார்ஜி.

2009-03-20T08:30:00.001+08:00

நேற்றைய அமெரிக்க சந்தையில் அதிக அளவு Profit Booking (கவனிக்க Profit Booking வேறு Selling Pressure வேறு) காணப்பட்டதால் சந்தை தன் உயர்விலிருந்து சற்றே சரிந்துள்ளது.

இன்று துவங்கிய ஆசிய சந்தைகளிலும் அமெரிக்க சந்தைகளின் சரிவால் சுணக்கம் காணப்படுகிறது. ஆசிய சந்தைகளை பின்பற்றும் நமது சந்தையும் இன்று சிறிதளவு சரியும் என நினைக்கிறேன்.

இன்று வெள்ளி வாரத்தின் இறுதி நாள் ஆகையால் நிலைகளில் கவனமாக இருக்கவும், சந்தை தன் போக்குகளை மாற்றினாலும் ஆச்சரியம் இல்லை.

சந்தையின் வலுவான தடைநிலையாக 2820 - 2840 இருந்து வருகிறது. நேற்று ஆசிய மற்றும் ஐரோப்பிய சந்தைகள் ஆதரவு அளித்தும் கூட இந்த தடைநிலையை தாண்ட முடியவில்லை. ஆனால் மீண்டும் வரும் வாரம் உலக சந்தைகள் உயர்வில் இருந்தால் நம் சந்தை இந்த தடைநிலையை தாண்ட முயற்சிக்கும் என்பது என் எதிர்பார்ப்பு.

இன்றைய சந்தைகளின் டெக்னிக்கல் நிலைகள்,

2727 - 2749 - 2778 - 2800 - 2829 - 2851 - 2880

2009-03-19T08:30:00.002+08:00

நேற்றைய அமெரிக்க சந்தைகள் வலுவான நிலையில் தம் உயரத்தை தக்க வைத்துக்கொண்டுள்ளது. ஆனால் ஐரோப்பிய சந்தைகளால் தம் உயரத்தை தக்க வைத்துக்கொள்ள இயலவில்லை.

இன்று காலையில் துவங்கியுள்ள ஆசிய சந்தைகளிலும், அமெரிக்காவின் உற்சாகம் தொற்றிக்கொண்டுள்ளது. இதனை பின்பற்றும் நம் சந்தைகளும் இன்றும் உயர வாய்ப்பு உள்ளதாக கருதுகிறேன்.

சந்தையின் வலுவான தடைநிலையாக 2820 - 2840 அமைந்துள்ளது. நேற்றைய ஆசிய சந்தைகளின் ஆதரவால் நம் சந்தை பலமுறை அந்த நிலைகளை கடக்க முயன்றதை பார்த்திருக்கலாம். ஆனால் நேற்று ஐரோப்பிய சந்தைகள் ஆதரவு இல்லாததால் அந்த முயற்சி தோல்வியுற்றது. இன்று நம சந்தை அந்த நிலைகளை மீண்டும் உடைத்து முன்னேற முயலும் என்பது என் எதிர்பார்ப்பு.

//mugham48 said...

dear jaffer

It is very difficult to predict NIFTY's movement. every day 2-30 to 3-30 is the diciding factor. is there any spl reason for that?

with regards
mugham.m//

நன்றி திரு. mugham48 அவர்கள் - ஆசிய சந்தைகளை பின்பற்றிதான் நம் சந்தை தன் துவக்கத்தை ஆரம்பம் செய்கிறது என்பது உங்களுக்கு தெரியும். அதுபோல் நம் சந்தை நேரத்தில் மதியம் 1.30க்கு துவங்கும் ஐரோப்பிய சந்தைகளின் உயர்வோ, தாழ்வோ நம் சந்தையில் 2.00 மணிக்குமேல் பிரதிபலிக்கத் துவங்குகிறது. உதாரணமாக நேற்று எடுத்துக்கொள்ளுங்கள். ஆசிய சந்தைகளின் ஆதரவுடன் உயர்ந்து வந்த நம் சந்தை, ஐரோப்பிய சந்தை வலுவில்லாமல் சரிய துவங்கிய உடன் நம் சந்தையும் வலுவிழக்க துவங்கி விட்டது. இது எனது கருத்து. வேறு காரணங்கள் இருந்தாலும் பின்னூட்டத்தில் தெரிவிக்கலாம்.

சந்தைகளின் இன்றைய டெக்னிக்கல் நிலைகள்,

2669 - 2711 - 2753 - 2794 - 2836 - 2878 - 2920
.

2009-03-18T08:30:00.003+08:00

நேற்றைய சந்தை மிகவும் சமர்த்தாக டெக்னிக்கல்படி செயல்பட்டதை அனைவரும் கவனித்திருக்கலாம். எப்போதும் அவ்வாறே நடக்கும் என எதிர்பார்க்கக்கூடாது. பல நேரங்களில் சந்தை அடம்பிடிக்கும் குழந்தை மாதிரி, எதையுமே கேட்காது.

//நேற்று சொன்னது...
ஆசிய சந்தைகளை பின்பற்றி நம் சந்தை இன்று Flatஆகவோ அல்லது சிறிது சரியவோ கூடும். அப்படி இல்லாமல் உயரும்பட்சத்தில் 2800 தடைநிலையை உடைத்தாலும் ஒரு Selling Pressureஐ சந்தித்துவிட்டு பின் உயரத்தை தொடரும் என்பது என் எதிர்பார்ப்பு.//

நேற்றைய அமெரிக்க சந்தைகளின் உற்சாகமான உயர்வு, இன்று துவங்கிய ஆசிய சந்தைகளில் காணப்படுகிறது. நம் சந்தையும் உற்சாகமாக உயர துவங்கும் என எதிர்பார்க்கிறேன். சந்தையின் பலமான தடைநிலை 2800 இன்று உடைந்து, சந்தை 2850ல் நிலை பெறும் என்பது என் எதிர்பார்ப்பு. சந்தையில் (சர்வதேச சந்தைகளிலும்) Volume உயருவது சந்தைகளின் உயர்வுகளில் நல்ல ஆரம்பம் என நினைக்கிறேன்.

ஆனாலும் கவனம் தேவை. தடைநிலைகள் உடைபடும்போதோ அல்லது உடைபட்டிருந்தாலோ Selling Pressure அல்லது Operatorகள் விளையாட்டுக்களில் ஈடுபடுவார்கள். மிக கவனமுடன் வர்த்தகத்தில் ஈடுபடவும்.

சந்தைகளின் இன்றைய டெக்னிக்கல் நிலைகள்,

2662 - 2700 - 2729 - 2767 - 2796 - 2834 - 2863

.

2009-03-17T08:30:00.002+08:00

கடந்த 3 தினங்களாக நம் சந்தைகள் முக்கிய தடைநிலைகளான 2600, 2650, 2700 & 2750ஐ வெற்றிகரமாக உடைத்து முன்னேறியுள்ளது. இதற்கு முக்கிய காரணம் சர்வதேச சந்தைகளின் (முக்கியமாக அமெரிக்க சந்தைகளின்) உயர்வுகள்தான்.

நேற்றைய சந்தைகள் ஆரம்பத்தில் Profit Bookingஐ சந்தித்தாலும், பின்னர் DII மற்றும் FIIக்கள் அதிகம் வாங்க ஆரம்பித்ததால் உயர ஆரம்பித்தது. மிக நீண்ட நாட்களுக்கு பின்னர் Volume ஏறியது மிக நல்ல விஷயம்.

ஆனால், நேற்றைய அமெரிக்க சந்தைகளால் Selling Pressureஐ சமாளிக்க முடியாமல் சரிந்துள்ளது. இதனுடைய தாக்கம் நம் சந்தையிலும் இன்று பிரதிபலிக்கலாம். ஆசிய சந்தைகளை பின்பற்றி நம் சந்தை இன்று Flatஆகவோ அல்லது சிறிது சரியவோ கூடும். அப்படி இல்லாமல் உயரும்பட்சத்தில் 2800 தடைநிலையை உடைத்தாலும் ஒரு Selling Pressureஐ சந்தித்துவிட்டு பின் உயரத்தை தொடரும் என்பது என் எதிர்ப்பார்ப்பு.

//anbu said...
வர வர தமிழில் பங்கு சந்தை பற்றிய ப்ளாக்குகளில் அருமையான மற்றும் ஆரோக்யமான போட்டிகள் உருவாகி இருப்பது போல் தோன்றுகிறது. இன்னிக்கு தமிழில் பங்கு சந்தை நிலவரத்தை ஓப்பன் செஞ்சதும் உண்மையிலேயே அசந்து போயிட்ட்டேன். எவ்வளவு அருமை...? புதிய விஸயங்கள் புதிய பாணியில் ......ரொம்ப பிடிச்சிருக்கு. நன்றி. தொடர வேண்டும் உங்கள் பணி. //

தங்கள் வருகைக்கு நன்றி திரு. அன்பு அவர்களே, ஆனால் ஆரோக்கியமான போட்டிகள் என்பதைவிட போட்டி போட்டிக்கொண்டு முதலீட்டாளர்களுக்கு ஆலோசனை என்பது Sharing of knowledge. முப்படைகள் இருந்தாலும் அவைகளின் நோக்கம் நாட்டையும், நாட்டு மக்களையும் காப்பாற்றுவதுதான். படைகள் வேறு, ஆனால் பணிகள் ஒன்றுதானே, அதுபோல எங்களின் பணிகள் நாங்கள்பட்ட கஷ்டமோ, நஷ்டமோ இல்லாமல் முதலீட்டாளர்களுக்கு உதவுவதுதான். இந்த சூழ்நிலையிலும் முதலீட்டை மேற்கொள்ளும் முதலீட்டாளர்களை கைப்பிடித்து உயரத்திற்கு அழைத்து சென்றால்தான் எங்களுக்கு உண்மையான வெற்றி. சரியா?

சந்தைகளின் இன்றைய டெக்னிக்கல் நிலைகள்,

2645 - 2674 - 2725 - 2754 - 2805 - 2834 - 2885

2009-03-16T08:30:00.003+08:00

கடந்த வெள்ளியன்று சர்வதேச சந்தைகளின் தாக்கத்தால், நம் சந்தை மிக நீண்ட காலத்திற்க்குப் பிறகு 100 புள்ளிகளுக்கு மேல் பெற்று நம் நம்பிக்கையை உறுதி செய்து இருக்கிறது. வெள்ளியன்று அமெரிக்க, ஐரோப்பிய சந்தைகள் உயர்வில் முடிந்திருந்தாலும் அதில் அதிக அளவில் Profit Booking காணப்பட்டது.

இன்று துவங்கும் நம் சந்தைகள் ஆசிய சந்தைகளை பின்பற்றியே தன் துவக்கத்தை ஆரம்பம் செய்யும். சந்தை தடை நிலை 2650 மற்றும் 2700ஐ தாண்டி இருப்பதால் நம் சந்தையிலும் Profit Booking இருக்க வாய்ப்பு உண்டு. இவற்றை மீறி சந்தை 2750 மற்றும் 2800ஐ கடக்கும்பட்சத்தில் சந்தை 2900ஐ தாண்ட வாய்ப்பு உள்ளதாக டெக்னிக்கல் தெரிவிக்கின்றது. ஆனால் சந்தையின் இப்போதைய உயர்வில் எந்த விதத்திலும் சந்தையில் Volume உயரவில்லை என்பதை கவனத்தில் கொள்ளவும்.

சந்தையில் இன்று மேடு, பள்ளங்களுடன் தன் பயணத்தை தொடரும் என்பது என் எதிர்பார்ப்பு.

Swing Trading பற்றி கீழே உள்ள விளக்கப்படத்தைப் பார்க்கவும்.

இன்றைய சந்தையின் டெக்னிக்கல் நிலைகள்,

2539 - 2578 - 2649 - 2687 - 2758 - 2797 - 2868

படித்ததில் பிடித்தது...

2009-03-14T09:45:00.002+08:00

நன்றி செல்வி பிரியா அவர்கள்,
அவரது வலைப்பூவிற்க்கு செல்ல இங்கே சொடுக்கவும்.

2009-03-13T09:30:00.000+08:00

உற்சாகத்துடன் முடிந்துள்ள அமெரிக்க, ஐரோப்பிய சந்தைகள், விறுவிறுப்புடன் துவங்கியுள்ள ஆசிய சந்தைகள். ஆகவே, நம் சந்தைகளும் இன்று உயர்வை நோக்கியே பயணிக்க வேண்டும்.

ஆனால், சந்தையின் இப்போதைய உயர்வுகள், சந்தை மிகவும் விற்ற நிலையில் இருப்பதால் ஏற்பட்டுள்ள Short Covering & Relief Rallyயால் ஏற்பட்டதுதான்.

இன்னும் சந்தை உயர்வுகளை நோக்கி நகர்ந்ததுபோல தெரிந்தாலும், உண்மையான உயரத்தை நோக்கி செல்ல ஆரம்பிக்கவில்லை என்பதை கருத்தில் கொள்ளவும். இன்னும் 2 அல்லது 3 மாதம் இந்த நிலைகள் தொடரும் என்பது என் எதிர்பார்ப்பு.

சந்தைகள் இன்னும் பலகீனமான நிலைகளை விட்டு வெளிவரவில்லை. உலக சந்தைகளின் உயர்வால் ஏற்பட்டுள்ள இந்த உயர்வு, உலக சந்தைகள் சிறிது வீழ்ச்சியடைந்தாலும் தன் பழைய நிலைக்கு திரும்பிவிட வாய்ப்புக்கள் மிக அதிகம். முன்னர் முக்கிய சப்போர்ட் நிலையாக இருந்த 2650 இப்போது வலுவான தடைநிலையாக இருப்பதால், அதை மீறி 2700 தடைநிலையையும் சந்தை தாண்டும்போதுதான் நாம் சந்தையின் உயரத்தை உணர முடியும்.

ஆகவே, முதலீட்டாளர்களோ அல்லது தினவர்த்தகர்களோ அவரவர்களின் நிலைகளில் கவனமாக இருக்கவும்.

இன்றைய சந்தையின் டெக்னிக்கல் நிலைகள்,

2508 - 2541 - 2579 - 2613 - 2651 - 2684 - 2722

2009-03-12T08:30:00.000+08:00

இரண்டு நாட்கள் தொடர் விடுமுறையால், இரு நாட்கள் உலக சந்தைகளின் உற்சாகத்தில் பங்கு பெற முடியாமல் போய்விட்டது. அமெரிக்க, ஐரோப்பிய சந்தைகளின் உற்சாகமான மீட்சி தொடரும்பட்சத்தில் உலக சந்தைகளின் உயர்வும் நிச்சயம் தொடரும்.

நேற்று முடிவடைந்த அமெரிக்க, ஐரோப்பிய சந்தைகளில் உயர்வுகள் தெரிந்தாலும், Selling Pressure அதிகம் காணப்படுவதை கவனிக்கவும். இன்று காலையில் துவங்கிய ஆசிய சந்தைகளும் மிதமாக தன் துவக்கத்தை ஆரம்பித்துள்ளது. அனேகமாக நம் சந்தை உற்சாகமாக தன் துவக்கத்தை துவங்கினால், அவைகளும் ஏற்றம் பெறும் என நினைக்கிறேன்.

சந்தைகள் உயரும் சூழ்நிலைகளில் இருந்தாலும், இன்னும் ஆபத்தான நிலைகளை விட்டு வெளிவரவில்லை. 2650க்கு மேல் நிலை கொள்ளாமல், 2600க்கு கீழ் நிலை கொண்டு சரியும்பட்சத்தில் சந்தை 2500 முதல் 2300க்கு சரிய வாய்ப்பு உள்ளதையும் கவனத்தில் கொள்க. ஆகவே, ஒவ்வொரு உயர்விலும் உங்கள் பங்குகளை Profit Booking செய்துக் கொள்வது நல்லது.

சந்தைகளின் போக்கை உறுதியாக இன்று கணிக்க இயலாததால், சந்தையின் போக்கிற்கே தின வர்த்தகர்கள் வணிகம் செய்யவும். சந்தை உயர்வுக்கும், சரிவிற்க்கும் சரி சம வாய்ப்புக்களை மறுப்பதிற்க்கில்லை. ஆனாலும் இன்று சந்தையில் உயர்வையே எதிர்ப்பார்ப்போம்.

சந்தையின் இன்றைய டெக்னிக்கல் நிலைகள்,

2480 - 2518 - 2545 - 2583 - 2611 - 2649 - 2677
.

படித்ததில் பிடித்தது...

2009-03-11T10:30:00.001+08:00

வலைப்பூ நண்பர்கள் அனைவருக்கும் என் அன்பான வணக்கம்.

வாரம் 5 நாட்கள் சந்தையைப்பற்றிய கண்ணோட்டம் எழுதுவதோடு, வாரத்தின் கடைசியில் அனைவருக்கும் உபயோகப்படும் ஒரு கட்டுரையை, மற்றவர்களின் படைப்புகளை, “படித்ததில் பிடித்தது...” என்ற தலைப்பில் காணலாம்.

வலைப்பூவில் பல நல்ல நல்ல விஷயங்களெல்லாம் மிக அருமையான முறையில் பலர் எழுதி வருகிறார்கள். இவற்றில் எனக்கு பிடித்ததை எழுதி பாதுக்காப்பதைவிட அதை நம் வலைப்பூவிலும் பதித்து, பிறருக்கும் பயன்படட்டுமே என்ற நோக்கத்தில்தான் இவற்றை பதிப்பித்துள்ளேன்.

------------------------------------------------------------------

நம் உள்ளே ஒரு எதிரி

உங்களுக்குள்ளே ஒரு எதிரி இருக்கிறான் என்றால் உங்களுக்கு ஆச்சரியமாக இருக்கிறதா? உங்கள் வாழ்க்கையில் பெரும்பாலான முடிவுகளையும் அந்த எதிரி தான் எடுத்துக் கொண்டிருக்கிறான் என்றால் அதிர்ச்சியாக இருக்கிறதா? ஆனால் அது உண்மையே. அது மட்டுமல்ல, பெரும்பாலான கருத்துக்களை அந்த எதிரி தான் உங்கள் மேல் திணித்துக் கொண்டு இருக்கிறான். உங்கள் வாழ்க்கையின் லகானை அவன் தான் கையில் வைத்துக் கொண்டு இருக்கிறான். உண்மையில் அவன் உள்ளே இருக்கிறான் என்ற உணர்வே உங்களிடம் இல்லை. (இல்லாமல் அவன் பார்த்துக் கொள்கிறான்). அவனைக் கட்டுப்படுத்தும் சக்தி உங்களுக்கில்லை. ஆனால் உங்களைக் கட்டுப்படுத்தும் சக்தி அவனுக்கு இருக்கிறது.

நான் சொல்வது சரிதானா இல்லை சற்று மிகைப்படுத்திச் சொல்கிறேனா என்ற சந்தேகம் பலருக்கும் வரக்கூடும். யாராவது அப்படி ஒரு எதிரியைத் தனக்குள்ளே விட்டு வைத்திருப்பார்களா என்ற நியாயமான கேள்வியும் எழக்கூடும். சற்று ஆழமாக ஆராய்ந்தால் மட்டுமே உண்மையை நம்மால் உணர முடியும்.

ஒரு எதிரியை உங்களால் எப்படி அடையாளம் காண முடிகிறது? உங்கள் நலனை சிறிதும் விரும்பாது, உங்கள் நன்மை¨க்கும், முன்னேற்றத்திற்கும் முட்டுக்கட்டை போடும் நபரை, உங்கள் மனநிம்மதியைக் கெடுக்கும் நபரைத் தான் நீங்கள் எதிரியாகக் காண்பீர்கள். இல்லையா?

சரி வாருங்கள். உங்கள் எதிரியை உங்களுக்கு நான் அறிமுகப்படுத்துகிறேன்.

நீங்கள் உங்கள் உடல்நலனில் இனி அக்கறை காட்ட வேண்டும் என்று சீரியஸாக முடிவெடுக்கிறீர்கள். நாளை முதல் காலையில் உடற்பயிற்சி அல்லது யோகா செய்ய வேண்டும் என்றோ அதிகாலையில் எழுந்து அரை மணி நேரம் வாக்கிங் போக வேண்டும் என்றோ உறுதி எடுத்துக் கொள்கிறீர்கள். மறுநாள் காலை எழுந்து அதைச் செய்தும் விடுகிறீர்கள். அன்றெல்லாம் உற்சாகமாக இருக்கிறீர்கள். ஒரு நல்ல முடிவெடுத்து அதை செயல்படுத்துவதை விட உற்சாகமான விஷயம் வேறு இருக்கிறதா என்ன?

இரண்டாவது நாளோ, மூன்றாவது நாளோ உங்கள் எதிரி அதை சகித்துக் கொள்ள மாட்டான். காலை எழும் போது மெல்ல சொல்வான். "இன்று ஒரு நாள் இன்னும் சிறிது நேரம் படுத்துக் கொள்ளலாமே. வெளியே க்ளைமேட்டே சரியில்லை.....". ஒருநாளில் என்ன கெட்டுப் போகிறது என்று நீங்களும் விழித்தவர்கள் மீண்டும் தூங்க ஆரம்பித்து விடுவீர்கள். அது அடுத்த நாளும் தொடரும். சில நாள்களில் அந்த நல்ல பழக்கம் முழுவதுமாகக் கை விடப்படும். நீங்கள் தோற்று விட்டீர்கள். உங்கள் எதிரி ஜெயித்து விட்டான். ஒரு நல்ல பழக்கம் ஏற்பட்டு விட உங்கள் எதிரி அனுமதிக்க மாட்டான்.

சில பதார்த்தங்கள் சாப்பிடுவது உங்கள் உடல் நலத்துக்கு கேடு விளைவிக்கும் என்று டாக்டர்கள் சொல்கிறார்கள். ஆரோக்கியம் முக்கியம் என்று நீங்கள் உணர்கிறீர்கள். அதையெல்லாம் இனி சாப்பிடக் கூடாது என்று முடிவெடுக்கிறீர்கள். ஆனால் அதெல்லாம் ஓரிரு நாளைக்குத் தான். அவன் சொல்ல ஆரம்பிப்பான். "எல்லாமே இந்த அரைஜாண் வயிற்றுக்குத் தானே. கொஞ்சம் சாப்பிட்டால் ஒன்றும் ஆகிவிடாது. கொஞ்சம் லிமிட்டா இருந்துகிட்டா சரி". சரி என்று கொஞ்சமாகச் சாப்பிட ஆரம்பிப்பீர்கள். கொஞ்சம் என்று ஆரம்பித்த எதிலும் மனிதன் கட்டுப்பாட்டோடு இருப்பது சுலபமல்ல. நீங்கள் பழையது போல் ஆகி விடுவீர்கள். உங்கள் எதிரி ஒரு கெட்ட பழக்கத்தைக் கைவிடவும் உங்களை அனுமதிக்க மாட்டான்.

உங்களை நம்ப வைப்பது எப்படி என்று உங்கள் எதிரிக்குத் தெரியும். நீங்கள் மறுக்க முடியாத வாதங்களைச் சொல்வான். "எதிர்த்த வீட்டுத் தாத்தாவுக்கு ஹை பீபி. ஹை ஷ¤கர். ஆனா அவர் எதையாவது சாப்பிடாம விடறாரா பாரேன். எல்லாம் சாப்பிடுவார். கடைசியில் மாத்திரையும் போட்டுக்குவார். அவருக்கு இப்ப வயசு 75. நல்லா நடமாடிட்டு தானே இருக்கார்". உங்களுக்கு எதிர்வீட்டுத் தாத்தா ஆதர்ச புருஷர் ஆகி விடுவார்.

மேலே சொன்னது இரண்டும் உடல் ஆரோக்கிய விஷயத்தில் சொன்ன சின்ன உதாரணங்கள். இப்படி எத்தனையோ அவன் லீலைகள். ஒவ்வொருவரிடமும் எதிரி ஒவ்வொரு விதமாக செயல்படுவான்.

உங்களுக்கு வரும் வருமானம் தாராளமாகப் போதும். அதை வைத்துக் கொண்டு நீங்கள் நிம்மதியாக வாழ முடியும். ஆனால் அவன் சொல்வான். "என்ன பிச்சைக்காசு. உன்னை விடக் கம்மியா மார்க் வாங்கின ரவி இப்ப என்ன சம்பளம் வாங்கறான் தெரியுமா? போன மாசம் கூட யூரோப் டூர் போயிட்டு வந்திருக்கான். உன் சம்பாத்தியத்தில் போக முடியுமா? உன் ·ப்ரண்ட் வர்கீஸ் கம்பெனில அவனுக்கு ·ப்ரீயா கார் கொடுத்து பெட்ரோல் அலவன்ஸ¤ம் தர்றாங்க. நீ இன்னும் ஸ்கூட்டர்லயே இருக்கிறாய்.". உங்கள் நிம்மதி போயிற்று.

குடும்பத்திலோ ஆபிசிலோ நீங்கள் தவறு செய்து விட்டீர்கள். அதை உணர்ந்து விடுகிறீர்கள். உங்கள் எதிரி சம்பந்தப்பட்டவர்களிடம் உங்களை மன்னிப்பு கேட்க விடமாட்டான். அது தப்பே இல்லை என்று சாதிப்பான். முடியாத போது "எவன் தப்பு செய்யல? அவன் கிட்ட எதுக்கு மன்னிப்பு கேட்கணும். அவன் உன் தலைக்கு மேல ஏறி உட்காரவா? அவன் என்ன தப்பே செய்யாதவனா?" சிறு மன்னிப்பால் முடிந்து விடக்கூடிய மனக்கசப்புகள் பெரிதாகி பகைகள் வளர்த்தப்படும். உறவுகளும் நட்புகளும் முறிந்து போகும்.

அடுத்தவர்களுடன் ஒப்பிடச் செய்வது உங்கள் எதிரி. உங்களிடம் என்னவெல்லாம் இல்லையென்பதை மறக்க விடாதிருப்பது உங்கள் எதிரி. சோம்பலை வளர்ப்பது உங்கள் எதிரி. எத்தனை வந்தாலும் போதாது என பேராசைப்பட வைப்பது உங்கள் எதிரி. கட்டுப்பாடில்லாமல் அலைய விடுவது உங்கள் எதிரி. அகங்காரம் கொள்ள வைப்பது உங்கள் எதிரி. அடுத்தவர்களின் குறைகளைப் பட்டியல் போட்டு பெரிதாக்கிக் காட்டுவது உங்கள் எதிரி. பொறுமையை கையாலாகாத்தனம் என்று நம்ப வைப்பது உங்கள் எதிரி. மன உறுதியைக் குலைத்து சஞ்சலப்படுத்துவது உங்கள் எதிரி.....இப்படி சொல்லிக் கொண்டே போகலாம்.

அந்த எதிரியை எதிரியாகவே உங்களால் எண்ண முடியாததால் அவனுக்கு உங்களிடம் எதிர்ப்பே இருப்பதில்லை என்பது அவனுடைய மிகப்பெரிய பலம். அவனுடைய குரலை உங்கள் குரலாகவே நீங்கள் நினைக்க ஆரம்பித்து விடுவதால் அவன் இருப்பதும் செய்வதும் உங்களுக்குத் தெரியாமலேயே போய் விடுகிறது. முதலில் அவனைப் பிரித்து அடையாளம் காணுங்கள். அதுவே அந்த எதிரியை அழிக்க நீங்கள் எடுக்கக்கூடிய முதல் நடவடிக்கை.

ஆறறிவையும் பயன்படுத்தி, நியாய அநியாயத்தை உணர்ந்து, நல்லது கெட்டது இதுவெனத் தெளிந்து நீங்கள் உங்களை சுயபரிசோதனை செய்யும் போது தான் அந்த எதிரியை அடையாளம் காண முடியும். (இதையே நம் முன்னோர் ஆத்ம விசாரம் என்று சொன்னார்கள்.)

அடுத்த நடவடிக்கை அவன் குரல் உங்கள் குரலல்ல என்று உணர்ந்து அலட்சியப்படுத்துவதே. மேலே சொன்ன உதாரணங்களையே எடுத்துக் கொள்வோம்.

"இன்று ஒரு நாள் இன்னும் சிறிது நேரம் படுத்துக் கொள்ளலாமே. வெளியே க்ளைமேட்டே சரியில்லை.....". என்று சொல்லச் சொல்ல அதை ஒரு கணமும் பொருட்படுத்தாமல், "இது என் ஆரோக்கியத்திற்கு முக்கியம்" என்று எழுந்து உடற்பயிற்சி செய்வதையோ, வாக்கிங் போவதையோ நடைமுறைப்படுத்துங்கள். அந்தக் குரல் காணாமல் போகும்.

அந்த எதிரி வர்கீஸையோ, ரவியையோ உதாரணம் காட்டுகையில் "சும்மா இரு. உண்மையான சந்தோஷத்துக்கு காரோ, யூரோப் டூரோ வேண்டும் என்று யார் சொன்னது?" என்று உண்மையைச் சொல்லி எதிரியை வாயடைக்க வையுங்கள்.

மன்னிப்பு கேட்க வேண்டாம் என்பதற்கு எதிரி காரணங்கள் கூறும் போது, "தப்பு என்று உணர்ந்த பின் மன்னிப்பு கேட்க வெட்கப்படுவானேன்" என்று உறுதியாக எண்ணி அப்போதே மன்னிப்பு கேட்டு உறவுகளையும், நட்பையும் காப்பாற்றிக் கொள்ளுங்கள்.

உங்கள் எதிரியின் மிகப்பெரிய சித்தாந்தம் இது தான். "விளைவுகளைப் பற்றிக் கவலைப்படாதே. இப்போது அனுபவி. பிறகு பார்த்துக் கொள்ளலாம். ஏதாவது செய்து சரி செய்து விடலாம்". அதன்படி நடந்தால் பிறகு பார்க்கவும், சரி செய்யவும் எந்த நல்லதும் மிஞ்சாது என்பதே உண்மை. அப்போதெல்லாம் திருவள்ளுவரை நினைத்துக் கொள்ளுங்கள். "எண்ணித் துணிக கருமம். துணிந்த பின் எண்ணுவம் என்பதிழுக்கு". அந்த எதிரியின் சித்தாந்தத் தூண்டிலுக்கு இரையாகாதீர்கள்.

இதையெல்லாம் செய்வது அவ்வளவு சுலபமானதல்ல. ஆனால் விழிப்புணர்வும், உறுதியும் இருந்தால் இது முடியாததும் அல்ல. எதிரியின் குரல் மெல்ல ஒலிக்கையில் அதை உங்கள் குரலென்று குழப்பிக் கொள்ளாதீர்கள். உங்கள் நலம் எது என்று தெளிவாக உணருங்கள். அதைப் பாதிக்கும் எதையும் செய்யாதீர்கள். உங்களை உயர்த்த உதவும் எதையும் செய்யாமலும் இருக்காதீர்கள். உங்கள் எதிரிக்கு அந்த இரண்டுமே உயிர்க்கொல்லிகள். அவன் உங்களுக்குள் வசிக்க மாட்டான்.

நன்றி திரு. என். கணேசன் அவர்கள்,

2009-03-09T10:30:00.001+08:00

பங்குகளில் முதலிட்டு விட்டு, தினம், தினம் பங்குச்சந்தை உயர்வையும், சரிவையும் பார்த்து ஏக்க பெருமூச்சைவிடும், நம்மைப் போன்றவர்கள், இந்த சரிவை சாதகமாகப் பயன்ப்படுத்திக் கொண்டு மிக நல்ல மியூச்சுவல் ஃபண்டு திட்டங்களிலும் முதலீட்டை தொடர்வது நம் எதிர்காலத்திற்கு மிகவும் நல்லது.

நிறைய நல்ல மியூச்சுவல் ஃபண்டு திட்டங்கள் முகமதிப்பிற்கு கீழேயே கிடைத்து வருவது குறிப்பிடத்தக்கது.

1. Frankin India Prima Plus Fund.
2. HDFC Top 200 Fund.

மேலே உள்ள 2 மியூச்சுவல் ஃபண்டுகளில், உங்களால் முடியும்போது சிறிது, சிறிதாக நீண்ட நாள் முதலீட்டிற்க்காக முதலீடலாம்.

இனி இன்றைய சந்தை நிலவரம்...

-------------------------------------------------------------------------

09/03/2009

வெள்ளியன்று முடிவடைந்த அமெரிக்க, ஐரோப்பிய சந்தைகள் உயர்ந்தது போல தெரிந்தாலும் அது வலுவான உயர்வில்லை. அதனால்தான் இப்போது துவங்கியுள்ள ஆசிய சந்தைகள் அனைத்தும் சரிவிலேயே தன் துவக்கத்தை ஆரம்பம் செய்துள்ளது.

ஆசிய சந்தைகளை பின்பற்றி நம் சந்தையும் ஒரு குழப்பமான நிலையிலேயே தன் துவக்கத்தை ஆரம்பம் செய்யும். வியாழனன்று விற்பனை செய்த FIIக்கள் வெள்ளியன்று வாங்கியதால் சந்தை அன்று ஏற்றம் பெற்றது. இன்றும் அது தொடர்ந்தால் சந்தை ஏறும், இல்லை சந்தை சரியவே வாய்ப்பு.

சந்தை ஆபத்தான 2600 - 2650க்குள் இருப்பது கவலைத் தரும் அம்சமாகும். சந்தை இருநிலைகளில் எந்தப்பக்கம் நகருகிறதோ அந்த பக்கம் சந்தை தன் நகர்வை தொடரும். மொத்தத்தில் சந்தை இன்று மேடு, பள்ளமாகவே பயணிக்கும் என நினைக்கிறேன். ஐரோப்பிய சந்தைகள் உயர்வில் ஆரம்பித்தால் நம் சந்தையும் உயரலாம்.

இன்றைய சந்தையின் டெக்னிக்கல் நிலைகள்,

2475 - 2507 - 2564 - 2596 - 2652 - 2685 - 2741

2009-03-06T11:30:00.003+08:00

நேற்றைய பங்குச்சந்தை டெக்னிக்கல் ரீதியாகவும், அரசு அறிவிப்பின்படியும் மற்றும் உலக சந்தைகளின் (அமெரிக்க, ஐரோப்பிய, ஆசிய) உயர்வையும் புறந்தள்ளி, நம் சந்தை சரிந்தது, சந்தை தன் இஷ்டத்திற்கும் நகர்வுகளை நகர்த்தும் என்பதை நிரூபித்து விட்டது.

சந்தையின் நேற்றைய சரிவு, சந்தையின் மிகவும் பலவீனமான நிலையை நமக்கு காட்டியுள்ளது. முக்கிய சப்போர்ட் நிலையான 2600ம், கடைசி சப்போர்ட் நிலையான 2580ம் உடைந்திருப்பது சந்தையின் சரிவின் போக்கின் வேகத்தை உணர்த்தியுள்ளது. இவையனைத்தையும் உடைத்து பிவோட் பாயிண்டின் கடைசி சப்போர்ட் நிலையான 2576ல் முடிவடைந்துள்ளது.

நேற்றைய சந்தையின் சரிவிற்க்கு ஆயிராமாயிரம் காரணங்கள் சொன்னாலும், அமெரிக்க டாலர் ரூ 52.00க்கு உயர்ந்துள்ளதால், FIIக்கள் பெருமளவில் விற்று பணத்தை வெளியாக்கியதனால்தான் சரிவிற்க்கு காரணம் என்று சொல்லப்படுகிறது.

நம் இன்றைய சந்தை அமெரிக்க, ஐரோப்பிய சந்தைகள் சரிவடைந்துள்ளதாலும், துவங்கிய ஆசிய சந்தைகள் அனைத்தும் சரிவிலேயே இருப்பதால் நம் சந்தையும் சரிய வேண்டும். பார்ப்போம் இன்று நம் சந்தை சரிகிறதா அல்லது உயர்கின்றதா என்பதை.

இம்மாதிரி சூழ்நிலையில் நாம் வேடிக்கைப் பார்ப்பதுதான் நல்லது எனப்படுகிறது. எங்கோயோ படித்த நினைவு “Money in pocket is better than money in market”.

இன்றைய சந்தையின் டெக்னிக்கல் நிலைகள்,

2450 - 2502 - 2539 - 2602 - 2639 - 2703 - 2739

2009-03-05T10:30:00.001+08:00

அமெரிக்க, ஐரோப்பிய சந்தைகள் நேற்று உயர்வடைந்துள்ளது. இன்று துவங்கிய ஆசிய சந்தைகளும் உயர்விலேயே துவங்கியுள்ளன. உலக சந்தைகளை பின்பற்றும் நம் சந்தையும் இன்று உயர வாய்ப்பு உள்ளது.

இந்த முறை சரிவிலும், உயர்விலும் உலக சந்தைகளை கவனித்திருந்தீர்கள் என்றால் ஒரு விஷயத்தை புரிந்திரிப்பீர்கள். மற்ற சந்தைகளைவிட அமெரிக்க சந்தைகள் மட்டுமே மிகவும் பலவீனமாக உள்ளது. அவற்றை பின்பற்றுவதால்தான் உலக சந்தைகளோடு, நம் சந்தைகளும் சரிகின்றது. ஒவ்வொரு நாட்டின் அரசியல் மற்றும் பொருளாதாரத்தின் தாக்கத்தினால் சந்தையின் உயர்வோ, சரிவோ இருக்கும் நேரத்தில்தான் சரியானபடி சந்தையின் செயல்பாடுகள் அமையும். இந்த முறை நடைமுறைக்கு சாத்தியப்படுமா? என்றால் நிச்சயமாக முடியும். உறுதியான அரசாங்கம், திறமையான நிர்வாகத்தினால் எதுவுமே சாத்தியம்தான். பலவீனமான அமெரிக்காவை நம்பி இன்னும் எவ்வளவு காலம்தான் ஓட்ட முடியும்.

சந்தையின் தற்போதைய உயர்வுகள் இன்னும் வலிமை பெறவில்லை. ஆகவே சரிவில் வாங்கியவர்கள், சிறிது உயர உயர Profit Book செய்துக்கொள்வது நல்லது. வலிமையாக இம்முறை ஒவ்வொரு தடைநிலையாகவும் 2680, 2700, 2720, 2740, 2760 இருக்கும் கவனமாக செயல்படவும்.

இன்றைய சந்தையின் டெக்னிக்கல் நிலைகள்,

2576 - 2595 - 2620 - 2638 - 2665 - 2680 - 2708

2009-03-04T09:45:00.000+08:00

நேற்றைய தினம் அமெரிக்க, ஐரோப்பிய சந்தைகள் உயர்வுகளை நோக்கி தன் நகர்வுகளை நகர்த்த ஆரம்பித்தாலும், தத்தம் உயர்வுகளை அவற்றால் தக்க வைத்துக்கொள்ள முடியவில்லை. ஆயினும் அனைத்து சந்தைகளும் மிகவும் விற்ற நிலையில் இருப்பதையும் கவனித்துக் கொள்ளவும்.

இன்று ஒரு குழப்பமான சூழ்நிலையிலே சந்தை தன் துவக்கத்தை ஆரம்பிக்கும் என நினைக்கிறேன். ஆசிய சந்தைகளில் ஏதேனும் உயர்வுகளோ, சரிவுகளோ இருக்கும் என்றால் அது நம் சந்தையில் பிரதிபலிக்கும். இன்று சந்தை மேலும், கீழுமே நகர்வுகள் இருந்தாலும், சிறிது உயர முயற்ச்சிக்கும் என்பது என் எதிர்பார்ப்பு.

இந்த குழப்பமான சூழ்நிலையில் தின வர்த்தகர்கள் ஒதுங்கி இருப்பதே அவர்களுக்கு பாதுகாப்பு. மிகவும் தைரியமான தினவர்த்தகர்கள் சந்தையின் சூழ்நிலைக்கு ஏற்ப வர்த்தகத்தில் ஈடுபடலாம்.

இன்றைய சந்தையின் டெக்னிக்கல் நிலைகள்,

2516 - 2564 - 2593 - 2641 - 2670 - 2718 - 2747

2009-03-03T08:30:00.002+08:00

கடந்தவார சரிவிலிருந்து, இந்த வாரம் சந்தைகள் மீண்டுவிடும் என எதிர்ப்பார்த்தேன். ஆனால் உலக சந்தைகளின் மிக பலமான சரிவினால்தான், நம் சந்தைகள் எழ முடியாமல் இருக்கின்றது. நேற்று முடிவடைந்த அமெரிக்க, ஐரோப்பிய சந்தைகள் மிகவும் அதிகம் சரிந்துள்ளது.

இன்று துவங்கும் ஆசிய சந்தைகளில் இதன் தாக்கத்தை காணலாம். ஆசிய சந்தைகளை பின்பற்றும் நம் சந்தை இன்றும் சரியலாம். நான் எதிர்ப்பார்த்த 2600 - 2650க்குள் உண்டான சரிவிற்க்கு இன்னும் சிறிதளவே புள்ளிகள் மீதம் உள்ளது.

சந்தை சரியும்போது, எந்த அரசினாலும் தூக்கி நிறுத்தி விட முடியாது என்பதை இம்முறை, நம் அரசும், அமெரிக்க மற்றும் மற்ற நாடுகளின் அரசும் மீண்டும் ஒருமுறை நிரூபித்துவிட்டது. சந்தைகளின் உயர்வுகள் திட்டமிட்ட முதலீட்டாளர்கள் கையில்தான் உள்ளது என்பதை இனியாவது அரசுகள் உணர்ந்து, முதலீட்டாளர்களின் பாதுகாப்பு குறித்து ஏதேனும் திட்டங்கள் தீட்டினால்தான் உண்டு.

சந்தைகளின் சரிவு புதன் வரை அல்லது இந்த வாரம்வரை நீடிக்கும் என நினைக்கிறேன். சந்தை மிகவும் விற்ற நிலையில் இருந்து வருவதால், அதற்குப்பின் ஒரு ஷார்ட் கவரிங் மூலம் சந்தை மேலெழும்ப வாய்ப்பு கிடைக்கும் என நினைக்கிறேன்.

சந்தையின் இன்றைய டெக்னிக்கல் நிலைகள்,

2529 - 2594 - 2635 -2700 - 2740 - 2805 - 2845

2009-03-02T08:30:00.003+08:00

கடந்த வெள்ளியன்று முடிவடைந்த அமெரிக்க, ஐரோப்பிய சந்தைகள் எல்லாம் மிகவும் மோசமான முறையில் சரிந்து முடிவடைந்துள்ளது. இன்று துவங்கும் ஆசிய சந்தைகளிலும் அதன் பிரதிபலிப்பு நிச்சயம் இருக்கும். இன்று நம் சந்தை ஆசிய சந்தைகளை பின்பற்றிதான் தன் துவக்கத்தையோ/ நகர்வுகளையோ தீர்மானிக்கும்.

ஆசிய சந்தைகளின் சரிவுகளை நம் சந்தைகள் பின்பற்றி சரிந்தாலும், இடையில் துவங்கும் ஐரோப்பிய சந்தைகளில் ஏதேனும் உயர்வு தெரிந்தால் அது நம் சந்தையில் ஏதேனும் மாறுதலை ஏற்ப்படுத்தலாம். போன வாரத்தில் வலுவான சப்போர்ட் லெவலாக விளங்கிய 2740 & 2720 இன்று உடைபடும்பட்சத்தில் சந்தை 2650 சப்போர்ட் லெவலை ஒருமுறை தொட முயன்று வருகிறது என்பது என் எதிர்ப்பார்ப்பு.

சந்தையின் இன்றைய டெக்னிக்கல் நிலைகள்,

2640 - 2675 - 2720 - 2753 - 2798 - 2832 - 2877

2009-02-27T08:33:00.004+08:00

ஐரோப்பிய சந்தைகள் உயர்ந்து, அமெரிக்க சந்தைகள் சரிந்திருப்பதை பார்த்தால், இன்னும் நம் சந்தைகளிலும் சரிவுகள் மிச்சம் இருப்பதாக நினைக்கிறேன்.

இன்று இதனை பிரதிபலிக்கும் ஆசிய சந்தைகள் சரியவே செய்யும் என நினைக்கிறேன். நம் சந்தையும் சரியலாம். வால்யூம் இல்லாமல் நேற்றைய ஏற்றம் எல்லாம் இப்போது நிலைக்காது. குறிப்பிட்ட ஏற்றத்திற்க்கு பின்னர் வலுவிழந்து சரியவே செய்யும்.

திரு. Mugham அவர்கள் - Indian Overseas Bank வாங்கியிருப்பது நல்லது. ஆனால் என்னுடைய ஆலோசனை, ஒரே நேரத்தில் 500 பங்குகளை வாங்காமல் சிறிது சிறிதாக 100ஆக சேர்க்கலாம். ஸ்திரமில்லாத இந்த சந்தையில் உயருவதைவிட பங்குகளின் விலை சரியவே வாய்ப்பு இருக்கிறது. பங்குகளில் விலையைப் பார்க்கும்போது, பங்கு முதலீட்டாளரான நமக்கு ஆசை வரத்தான் செய்யும், இந்த நேரத்தில் இவற்றை கட்டுப்படுத்திக் கொள்ளுவதுதான் நல்லது. இது என் ஆலோசனைத்தான் நீங்கள் தவறாக நினைக்க வேண்டாம்.

இன்றைய சந்தையின் டெக்னிக்கல் நிலைகள்,

2680 - 2706 - 2746 - 2772 - 2812 - 2838 - 2876

2009-02-26T08:19:00.005+08:00

அமெரிக்க, ஐரோப்பிய சந்தைகள் எல்லாம் முதல் நாள் உயர்வைக் காட்டினாலும், மறுநாள் அவற்றை தங்கவைத்துக் கொள்ள இயலவில்லை. ஆசிய சந்தைகள் நேற்று Short Coveringஆல்தான் உயர்ந்துள்ளது. இன்று நம் சந்தை, இம்மாத F&Oவின் கடைசி நாள் ஆகவே, Short Coveringஆல் உயர வாய்ப்புள்ளதாகவே நினைக்கிறேன். போன மாதம் இன்னாளில் சரிந்த உலக சந்தைகளை புறந்தள்ளி, நம் சந்தை உயர்ந்தது நினைவு இருக்கலாம்.

சந்தை இன்று உயர்ந்தாலோ அல்லது சரிந்தாலோ, முக்கிய சப்போர்ட் நிலையான 2600லிருந்து 2650வரை ஒருமுறை தொட்டு செல்வதுதான் ஆரோக்கியம் என நினைக்கிறேன்.

இன்றைய தினத்தில் தின வர்த்தகர்கள் ஒதுங்கி இருப்பதே நல்லது என நினைக்கிறேன். Swing Traders சரிவில் ஏதேனும் வாங்கி இருந்தால் இன்றைய தினம் ஏதேனும் உயர்வு தெரிந்தால் விற்று வெளியேறி மீண்டும் வாங்குவதே நல்லது என நினைக்கிறேன்.

இன்றைய சந்தையின் டெக்னிக்கல் நிலைகள்,

2678 - 2706 - 2734 - 2761 - 2790 - 2818 - 2846

2009-02-25T08:34:00.001+08:00

விலை குறைவான, நல்ல, அதிகம் யாரும் சீண்டாத பங்குகள் நம் பங்குச்சந்தையில் அதிகமாகவே இருக்கின்றது. காரணம் ஏனோ தெரியவில்லை, யாரும் அதிகமாக வாங்குவதில்லை. அவற்றை தேர்ந்தெடுத்து நீண்டகால நோக்கத்தில் வாங்கி வைத்தால், பிற்காலத்தில் பலன் அதிகமாக இருக்கும் என நினைக்கிறேன்.

1. Varun Shipping Rs. 44.50
2. Star Papers Rs. 17.20
3. TNPL (Tamil Nnadu Papers) Rs. 58.50
4. IOB (Indian Overseas Bank) Rs. 47.15
5. Arihant Foundation Rs. 31.50
(All the above quotes are based on NSE 24/02/2009)

விலை குறைவான இந்த நேரத்தில் இவற்றை வாங்கி வைப்பது நல்லது என நினைக்கிறேன். நீங்கள் என்ன நினைக்கிறீர்கள்? பின்னூட்டம் மூலம் தெரிவியுங்களேன்.

இனி இன்றைய சந்தை நிலவரம்...

--------------------------------------------------------------------------

25/02/2009

ஐரோப்பிய சந்தைகள் சரிந்து, அமெரிக்க சந்தைகள் நேற்று உயர்ந்துள்ளது. இன்று துவங்கும் ஆசிய சந்தைகள் உயரும்பட்சத்தில், நம் சந்தையும் சிறிது உயரலாம்.

நேற்று நான் குறிப்பிட்டபடி F&O முடிவு வாரம் ஆதலால் இப்போது சந்தையில் டெக்னிக்கல் எல்லாம் வேலை செய்யாது, ஆகவே சந்தையின் போக்கிற்க்கே சென்று வர்த்தகம் செய்யவும்.

2009-02-24T08:00:00.005+08:00

சரி இந்த 8 ஆண்டுக்காலம் எலியட்ஸ் வேவ் தியரிப்படி எப்படி இருக்குமாம்? (20/02/2009 பதிவின் தொடர்ச்சி...) இதற்க்கும் அவர்கள் ஆராய்ச்சி செய்தார்கள். முந்தைய இரண்டு 8 ஆண்டுக்காலம் சந்தையின் செயல்பாட்டின் மூலம் இந்த 8 ஆண்டுகாலம் சந்தை எந்த திசையில் செல்லும் என தீர்வு சொன்னார்கள்.

அதன்படி, 2008 முதல் 2009 மார்ச் வரை ஆரம்பநிலை, இதில் சந்தை முந்தைய உச்சத்தில் 50%க்கு மேல் சரிவை பெறும். சந்தையின் முதல் உயர்நிலை, 2009 மார்ச் மாதத்திலிருந்து ஜூனுக்குள் ஆரம்பம் பெறுமாம். அதன்பிறகு மேல் நோக்கிச் செல்லும் சந்தை 2016ல் அதிக பட்சமாக 45000 முதல் 50000 புள்ளிகள் வரை தன் புதிய இலக்காக சென்றடையும் என்பது ஆராய்ச்சி முடிவு.

மேலே உள்ள கருத்துக்கள் டெக்னிக்கல் ரீதியாகவும், நான் படித்ததை அடிப்படையாகக் கொண்டும் எழுதப்பட்டது. இப்படித்தான் நடக்கும் என்பதற்க்கு எந்த ஆதாரமும் இல்லை. இப்படி நடந்தால் நன்றாகத்தான் இருக்கும் அல்லவா?

மதிப்பிற்க்குறிய திரு. சரவணக்குமார் அவர்கள் தம் பங்குவணிகம் வலைப்பூவின் மூலமாக புதிய சேவை ஒன்றை துவங்க திட்டமிட்டுள்ளார்கள். அவருடைய இந்த பணி சீரும், சிறப்புமாக நல்ல முறையில் நடைபெற ஆண்டவன் உதவி புரிவானாக. அனுபவமுள்ள அவரின் சேவையை நம் நண்பர்கள் அனைவரும் பெற்று பயனடையுமாறு அன்புடன் கேட்டுக்கொள்கிறேன்.

இனி இன்றைய சந்தை நிலவரம்...

-------------------------------------------------------------------------

24/02/2009

அமெரிக்க, ஐரோப்பிய சந்தைகள் நேற்று மிக மோசமாக சரிந்துள்ளன. இன்று தொடங்கும் ஆசிய சந்தைகளும், நம் சந்தையும் அவற்றை பின்பற்றி சரியலாம். அப்படி சரிந்தால், சந்தை நாம் ஏற்கனவே கூறியபடி 2600 - 2650 வரை சரிந்து, பின் உயரலாம் என நினைக்கிறேன். ஆனால் இன்று ஆசிய சந்தைகளில் ஏதேனும் உயர்வுகள் இருந்தால் நம் சந்தையும் அவற்றை பின்பற்றும்.

இந்த வாரம் F&O முடிவு வாரம் ஆதலால் சந்தை தன் இஷ்டத்திற்க்கே நகர்வுகள் இருக்கும். அதிக அளவில் டெக்னிக்கல் வேலை செய்யாது. ஆகவே தினவர்த்தகர்கள் ஒதுங்கி இருப்பதோ அல்லது சந்தையின் போக்கிற்க்கு சென்று வர்த்தகம் செய்வதோதான் சிறந்தது. முதலீட்டாளர்கள் சரிவை பயன்படுத்தி சிறிது சிறிதாக நீண்டகால முதலீட்டை மேற்க்கொள்ளலாம்.

சந்தையின் இன்றைய டெக்னிக்கல் நிலைகள்,

2621 - 2665 - 2701 - 2745 - 2781 - 2825 - 2861

ஆஸ்கார் வென்ற முதல் தமிழன்

2009-02-23T13:27:00.003+08:00

2009-02-20T08:00:00.002+08:00

எலியட் என்ற அமெரிக்க பங்கு முதலீட்டாளர், பொழுதுபோக்காக கடற்கரையில் அமர்ந்து அலைகளை ரசித்துக் கொண்டிருந்தார். அப்போது அந்த அலைகளின் எழுச்சியும், வீழ்ச்சியும் ஒரு Frequencyக்குள் அடங்குவதைக் கண்டார். அதைப் பங்குச்சந்தையின் போக்குடன் ஒப்பிட்டு, அதன் அடிப்படையில் தோன்றியதுதான் ”எலியட்ஸ் வேவ் தியரி”.

இந்த ஆராய்ச்சியில் நம் பாரம்பரியமிக்க BSE சந்தையின் போக்கை சோதனைக்காக எடுத்துக் கொண்டார்கள். இதன்படி 1984ம் வருடம் முதல் 2008ம் வரை உள்ள 24 வருடத்தை 8 பிரிவுகளாக பிரித்துக்கொண்டு சந்தையின் போக்கை ஆராய்ந்தார்கள். 1984 முதல் 1992 வரை உள்ள 8 வருட காலங்களில் சந்தை தொடர்ந்து வேகமான வளர்ச்சியை கொண்டிருந்தது. அடுத்த 8 வருடம் 1992 முதல் 2000 வரை சந்தை பக்கவாட்டு வளர்ச்சியையே கொண்டிருந்தது. 2000ம் முதல் 2008 வரை சந்தை அதிகரித்து 2008 ஜனவரியில் 21206 புள்ளிகளை அடைந்தது.

இப்போது அடுத்த 8 ஆண்டுக்கான காலம் தொடங்கியுள்ளது. கடந்த 2 எட்டாண்டு கால தொடக்கத்திலுமே சந்தை 50% மேலாக சரிந்துள்ளது கவனிக்கத்தக்கது. இப்போதும் நம் சந்தை 50% மேலாக சரிந்துள்ளது.

சரி இனி இந்த 8 ஆண்டுக்காலம் எலியட்ஸ் வேவ் தியரிபடி எப்படி இருக்குமாம்? நான் அடுத்த பதிவுகளில் எழுதுகிறேனே!

இனி இன்றைய சந்தை நிலவரம்.............

----------------------------------------------------------------------

20/02/2009

ஐரோப்பிய, அமெரிக்க சந்தைகளில் எல்லாம் நேற்று Relief Rally கிடைத்தும் ஏற்றம் பெறவில்லை.

ஆசிய சந்தைகள் இன்று இதனை பிரதிபலிக்கலாம். அதனைப்பின்பற்றும் நம் சந்தையும் சிறிது ஊசலாட்டம் ஆடலாம். இன்னும் சந்தை வலுபெறவில்லை. ஆதலால் அவசரப்படாமல் எச்சரிக்கையாக இருப்பதுதான் நல்லது என நினைக்கிறேன்.

இன்றைய சந்தையின் டெக்னிக்கல் நிலைகள்,

2736 - 2752 - 2771 - 2786 - 2805 - 2821 - 2840

2009-02-19T08:00:00.002+08:00

பங்குகளின் மூலம் ஒரு முதலீட்டாளருக்கு வருமானம் எந்த வழிகளில் கிடைக்கிறது? நம் நாட்டைப் பொருத்தவரை, பங்குகள் வைத்திருக்கும் கம்பெனிகளின் Dividendலிருந்து கிடைக்கும் வருமானத்தை ஒரு பெரிய விஷயமாக கருத இயலாது. முதலீடு வளர்வதால் வரும் வருமானம்தான் நமக்கு முக்கியம்.

பங்குகளில் இட்ட முதலீடு ஒரு குறிப்பிட்ட காலம் வளரும்வரை காத்திருக்க வேண்டியுள்ளது. ஆனால் முதலீட்டின் மூலம் ஒரு வருவாய் வேண்டும் என்ற முதலீட்டாளர்களுக்கு உதவுவது Mutual Fundகள் ஆகும்.

எனது முந்தைய பதிவில் ஏற்கனவே ஒரு Mutual Fund ஒன்றை எழுதி இருந்தேன். இப்போது அடுத்த Mutual Fund ஒன்றை சொல்கிறேன். விருப்பமுள்ளவர்கள் முதலிட்டுக்கொள்ளலாம்.

ICICI Prudential FMCG Fund - நம் நாட்டில் வளர்ந்து வரும் துறைகளில் FMCG துறையும் ஒன்று. இத்துறை சார்ந்த பங்குகளில் முதலிட்டு வரும் இந்த மியூச்சுவல் பண்ட் இம்மாதம் 13/02/2009ல் 12% டிவிடெண்ட் வருமானமாக தன் முதலீட்டாளர்களுக்கு வழங்கியுள்ளது. விருப்பமுள்ளவர்கள் SIP மூலமாக சிறிது முதலீட்டை இதில் முதலிடலாம்.

இனி இன்றைய சந்தை நிலவரம்.........................

----------------------------------------------------------------

19/02/2009

அமெரிக்க, ஐரோப்பிய சந்தைகள் வலுவான நிலையில் இல்லை.

இன்று துவங்கும் ஆசிய சந்தைகளை நம் சந்தை பின்பற்றினாலும், ஒரு குழப்பமான வர்த்தகத்தையே நம் சந்தை கொண்டிருக்கும். சந்தை சரிவதற்க்கான வாய்ப்புக்களே இன்னும் மிச்சம் இருக்கின்றன. தின வர்த்தகர்கள் சந்தையின் போக்கிற்க்கு சென்று வர்த்தகம் செய்யலாம். சந்தையில் திடீரென்று மேடு, பள்ளங்கள் நேற்று தோன்றியதை போன்று தோன்றலாம், கவனம் தேவை. முதலீட்டாளர்கள் சந்தையின் நிலை தெரியும்வரை வேடிக்கையே பார்க்கலாம்.

சந்தையின் இன்றைய டெக்னிக்கல் நிலைகள்,

2670 - 2703 - 2740 - 2773 - 2810 - 2843 - 2879

2009-02-18T08:00:00.004+08:00

பங்குச்சந்தையில் முதலீட்டாளர்கள் எல்லோரும் சந்தை உயருவதையே விரும்பும்போது, நீங்களும், மற்ற ஆலோசனை வலைப்பூக்களும் சந்தை சரிவதை விரும்பி, இப்போதைக்கு அதுதான் ஆரோக்கியமானது என்று வேறு சொல்லுகிறீர்களே, ஏன்? திருமதி. கனகாசுப்ரமணியம் அவர்களின் ஈமெயில் கேள்வி.

பங்குச்சந்தை என்றாலே ஏற்றமும், இறக்கமும் கொண்டது என்பதை எல்லோரும் அறிவோம். பங்குகளை வாங்கும் நேரத்தில் சந்தை ஏற்றமும், விற்கும் நேரத்தில் சந்தையில் இறக்கமும் காணப்படும் என்பதையும் அறிவோம். சந்தையின் Support Levelலில் Buyersம், Resistence Levelல் Sellersம் காணப்படுவார்கள். சந்தை ஆரோக்கியம் என்பது முதலீட்டாளர்களின் லாபம் அடைவதைப்பொருத்துதான். முதலீட்டாளர்கள் Support Levelல் வாங்கி, Resistence Levelல் விற்பதுதான் அவர்களுக்கு லாபம் ஈட்டித்தரும்.

சந்தை Support Levelலிருந்து, Resistence Levelலுக்குள் ஒருமுறை ஊடாடி, அது முதல் Resistence Levelஐ உடைத்து அடுத்த Resistence Levelலுக்கு போகும்போது, முந்தைய Resistence Levelஐ Support Levelஆகவும் மாற்றிக்கொள்ளும். ஆதலால் சந்தை சரசரவென ஏறுவதைவிட, இதுபோல தனது Support Levelஐ ஒவ்வொருமுறையும் சோதித்துக்கொண்டு ஏறும்போதுதான் சடாரென சந்தை சரியும்போது, ஒவ்வொரு Support Levelலிலும் Buyerகளை வைத்துக்கொண்டிருக்கும். இதுபோன்ற போக்குகள்தான் சந்தையை Fundamentalஆகவும், Technicalஆகவும் Analys செய்வதற்க்கு வசதியாகவும் இருக்கும்.

உதாரணமாக குறைந்த கால முதலீட்டு நோக்கத்தில் சந்தை சரிந்த போது வாங்கியுள்ள பங்குகளை சந்தையின் Resistence Levelஆன 2950ல் விற்று, மீண்டும் சந்தையின் Support Levelஆன 2600ல் வாங்குவது லாபம் தருமா? தராதா?

இனி இன்றைய சந்தை நிலவரம்............................

-----------------------------------------------------------------------

18/02/2009

ஆசிய, ஐரோப்பிய, அமெரிக்க சந்தைகள் எல்லாம் இரண்டாவது நாளாக நேற்று மிகவும் வலுவிழந்து சரிந்துள்ளன.

இன்று காலை துவங்கும் ஆசிய சந்தைகளில் சரிவுகள் தொடர்ந்தால், நம் சந்தை மேலும் சரியலாம். சந்தை தன் முந்தைய முக்கிய Support Levelஆன 2600 வரை இறங்கும் என நினைக்கிறேன். பார்ப்போம்.

இன்றைய சந்தையின் டெக்னிக்கல் நிலைகள்,

2636 - 2697 - 2734 - 2794 - 2831 - 2891 - 2928

2009-02-17T08:00:00.006+08:00

பங்குச்சந்தைப் பற்றிய ஒரு பதிவை ஆரம்பித்துவிட்டு, பங்குகளைப் பற்றிய பரிந்துரைகளே இல்லையே என நினைக்கவேண்டாம். உங்களுக்காக கீழே சில பங்குகளை பதிவிட்டுள்ளேன். இவற்றை நீண்டகால நோக்கத்தில் மட்டுமே முதலீட்டிற்க்காக தேர்ந்தெடுத்துக்கொள்ளவும்.

1. CIPLA - CMP Rs. 189.95
2. RANBAXY - CMP Rs. 205.05
3. RELIANCE POWER - CMP Rs. 102.60
4. TATA STEEL - CMP Rs. 184.05
5. WIPRO - CMP Rs. 215.80
(All the above quotes are based on dated 16/02/2009)

இவற்றை சந்தை சரியும்போது, கொஞ்சம் கொஞ்சமாக வாங்கி சேகரித்துக் கொள்ளவும். இவைகள் எல்லாம் அடிப்படை வலுவான மிக நல்ல பங்குகள், நீண்ட கால நோக்கத்தில் நல்ல பலன் தரும்.

நீண்டகாலம் என்றதும் காலம் முழுவதும் வைத்துக்கொள்ள வேண்டாம். சந்தை ஓரளவு சரியானதும் ஏற்றம் பெற்றதும், வாங்கிய விலையிலிருந்து 50% முதல் 100% லாபம் கிடைத்ததும் விற்றுவிடலாம்.

இனி இன்றைய சந்தை நிலவரம்..................................

---------------------------------------------------------------------

17/02/2009

ஆசிய, ஐரோப்பிய, அமெரிக்க சந்தைகள் எல்லாம் நேற்று வலுவிழந்து சரிந்துள்ளது. நாம் ஏற்கனவே சொல்லியபடி சந்தை சரிந்து பின் ஏற்றம் பெறுவதுதான் நல்லது. முடிந்தால் எனது நாளைய பதிவில் ஏன் என விளக்கம் தருகிறேன்.

இன்று துவங்கும் ஆசிய சந்தைகளிலும் சரிவிலே துவங்கினால் நம் சந்தையும் சரியலாம். முந்தைய பதிவுகளில் சொன்னபடி Profit Book செய்தவர்களுக்கு மீண்டும் வாங்கி, விற்க ஒரு வாய்ப்பு அமையலாம். முதலீட்டாளர்கள் அவசரப்பட வேண்டாம். இன்னும் சந்தை சிறிது இறங்கட்டும், பின்னர் வாங்கலாம்.

சந்தையின் இன்றைய டெக்னிக்கல் நிலைகள்,

2693 - 2766 - 2807 - 2880 - 2921 - 2994 - 3036